“Silu natam̃ol ni emeromen ru to etan nakerkreian ni Setan.”—1 Jon 5:19, Natus Tap ni Bislama.

“Tesa ni Atua i mai . . . nen ke kraksa ki nauesien ni Setan.”—1 Jon 3:8.

I welu ang nen p̃a saltae na, nlaken i ku kin emeromen i pur ki nanrongtesan.—Revelesen 12:12.

I welu ang nen p̃a tae na, nlaken i ku kin Atua m̃as i tae preng emeromen i ler mai wi.—1 Jon 2:17.

Ore, nlaken kin:

• Mranguen ni Setan ke fo pan puel. Iofa i tli na kefo polsa ki mranguen ni Setan. Nga i nriksoksoki na “ke fo kraksa ki nakerkreian ni Setan”. Ngo ke fo preng emeromen ne, ke ler mai wi.—Hibrus 2:14, Natus Tap ni Niu Wol Translesen.

• Atua i mtalu Yesu nen ke mrang emeromen. Mranguen ni Yesu i p̃onptae ki mranguen ni Setan. Setan i to mrang skot sup̃ nen i to tmen mro kin m̃as, ngo i to pol kerkrai ki natam̃ol. Atua i til usus mranguen ni Yesu, i tli na: “Nga ke fo nrom nam̃er nen ru faria, ngo nam̃er nen ru tik ki nakerkreian. Nam̃er nen ru to nrongtesa etan nakerkreian ni tenakon, nga ke fo uesluer, ke fo mutir.”—Ol Sam 72:13, 14.

• Atua i kano psir. Natus Tap i tli na: “Atua i kano psir.” (Hibrus 6:18) Malen kin Iofa i mro kerkrai nen ke freng tenamrun, sermal namurien nga ne, ke fo pakor teflan kin ki pe pei tli. (Aesea 55:10, 11) Atua ke fo “kraksa ki nakerkreian ni Setan, nen i to mrang emeromen ne.”—Jon 12:31.