“Silu nafsan nen ru to em̃rom Natus Tap ru to Atua mai.”​—2 Timoti 3:​16, Natus Tap ni Bislama.

I welu ang nen p̃a saltae nafsan leng ni nafet nfausuen lesok.​–Ol Proveb 2:​1-5.

I welu ang nen p̃a us napu leng ser naliati.​–Ol Sam 119:⁠105.

I welu ang nen p̃a fus namroan ngang ke to mal wi nen kefo mai.​–Rom 15:⁠4.

Ore, nlaken kin:

• Nafet nafsan nga ru mao wi. Ipi atlak natam̃ol 40 kin ru mtirlu ­Natus Tap ngo i sat tol ntau 1,600 nen ruk mtirlu silu Natus Tap. Nafet natam̃ol ne, ru m̃ol mal fserser. Me silu nafsan nen ru to em̃rom Natus tap, !ru mao wi, ngo ru til usus namroan iskei m̃as!

• I til natilm̃orian nanre ni natrausuen ni tetuei. Malen natam̃ol ru mtirlu natrausuen ni natam̃ol iskei, sermal ru to til usus nafet ­sernale wi m̃as nen natam̃ol ne i prengi. Me Natus Tap i ta teflan mau. Nafte kin natam̃ol ru mtri Natus Tap, ru mtirlu silu sernale nen ru prengi, ifla wi ko ifla sa. Ngo ru po mtirlu nafet tap̃ar ni nafet nam̃er ngar ni malpei.​—2 Kronikel 36:​15, 16; Ol Sam 51:​1-4.

• Sermal nafet nafsan nga ru to pakor. Ntau 200 i nom, Natus Tap i tli na ruk fo preng sa ki, naor ne Babilon, ngo sernale nen ru po pakor Babilon, teflan natus tap i tli. (Aesea 13:​17-22) Natus Tap ipo til nangi natam̃ol nen ke fo preng sa ki naor ne, Babilon.​—Aesea 45:​1-3.

  Ipo pi atlak tete sernale nen Natus Tap i til ususir ru pe to pakor. Nafet sernale nen, ru to pei kit ki na, Natus Tap ipi Nafsan ni Atua.​—2 Pita 1:⁠21.