«Liburu Santuetan idatzirik dagoen guztia Jainkoak inspiratua da» (2 Timoteori 3:16, Elizen Arteko Biblia).

Bizitzako galdera garrantzitsuen erantzun paregabeak lor ditzakezu (Esaera Zaharrak 2:1-5).

Eguneroko bizitzarako gida fidagarria eman diezazuke (119. Salmoa 105).

Etorkizunerako benetako itxaropena izan dezakezu (Erromatarrei 15:4).

Bai, badaude behintzat hiru arrazoi:

• Kontraesanik gabeko liburua da. Biblia 40 bat gizonek idatzi zuten 1.600 urteko tartean. Nahiz eta horietako gehiengoak ez zuten elkar ezagutu, liburu osoan zehar ez dago kontraesanik, gai nagusi baten inguruan jarduten baitu.

• Historia, zintzo agertzen du. Historialariek sarri beraien herrikideen hutsegiteak estaltzen dituzte. Bestalde, Bibliako idazleek euren akatsei buruz argi eta garbi idatzi zuten baita euren herrialdeko hutsei buruz ere (2 Kronikak 36:15, 16; 51. Salmoa 3-6 [51:1-4, NW]).

• Profezia fidagarriak ditu. Ba al zenekien Bibliak antzinako Babilonia hiriaren hondamena iragarri zuela gertatu baino 200 bat urte lehenago? (Isaias 13:17-22). Ez zuen Babilonia menperatua izango zen modua soilik adierazi; konkistatzailearen izena ere aipatu zuen! (Isaias 45:1-3).

  Bibliako beste profezia asko ere zehatz-mehatz bete ziren. Biblia Jainkoaren Hitza balitz, askok baieztatzen duten bezala, gertaera honek ez gintuke harritu beharko (2 Pedro 1:21).