Ena ika7 ni Seviteba 2022, e vakadeitaka kina na mataveilewai na European Court of Human Rights (ECHR) e rua na lewa me baleti ira na iVakadinadina i Jiova. Ena ika7 ni June 2022, e kaya ni cala vakalawa nona vakatabui ira na iVakadinadina i Jiova na matanitu o Rusia ena 2017. E vakatulewataka tale ga na ena siga qori, ni beca na matanitu o Lithuania na veidinadinati ni ECHR me baleta na kisi nei Brother Stanislav Teliatnikov. E sega ni via lewena na mataivalu ena vuku ni nona vakabauta.

Rau sega ni kerea o Rusia kei Lithuania ina Mataveilewai levu duadua ni ECHR me veisautaka na lewa a tauca ena ika7 ni June. E vakaroti rau gona na ECHR me rau muria na vakatulewa, e okati kina nodra saumi vakailavo na tacida e beci na nodra dodonu.

Ena ika11 ni June 2022, e sega ni via muria o Rusia na lewa ni mataveilewai, e sega tale ga ni via lewena. Ia e tiko eso na kisi e vakaraitaka ni beca o Rusia na lewa ni ECHR ni bera na ika16 ni Seviteba 2022. E se rawa tiko ga ni vakatulewa na ECHR ena kisi kece qori.

Meda masulaka mada ga ni na muri na vakatulewa ni ECHR, qai dokai na galala ni sokalou. Me rawa nida “bula galala tiko ga, meda vakacegu nida qarava mai vu ni lomada na Kalou.”—1 Timoci 2:1, 2.