Na Cava na Matanitu ni Kalou?
O na tukuna ni . . .
-
dua na ka e tiko e lomamu?
-
dua ga na vosa vakatautauvata?
-
dua na matanitu e lomalagi?
KA E KAYA NA IVOLATABU
“Ena vakarautaka na Kalou ni lomalagi e dua na matanitu ena sega sara ni vakarusai.”—Taniela 2:44, Vakadewa ni Vuravura Vou.
“E soli vei keda e dua na gonetagane, ena vakatau vua na matanitu.”—Aisea 9:6, ivakamacala e ra.
KENA YAGA VEI IKO
-
Dua na matanitu lewadodonu e rawa ni vakacegui iko.—Aisea 48:17, 18.
-
Ena vuravura vou sa roro tiko mai, ena vinaka vakaoti na bula, o na marau tale ga kina.—Vakatakila 21:3, 4.
EDA RAWA NI VAKABAUTA NA KA E KAYA NA IVOLATABU?
Io, qo e rua na vuna:
-
A vakaraitaka sara ga o Jisu na ka ena cakava na Matanitu ni Kalou. A vakavulici ratou nona imuri me ratou masuta me yaco mai na Matanitu ni Kalou, me caka tale ga na loma ni Kalou e vuravura. (Maciu 6:9, 10) A vakaraitaka tale ga o Jisu na sala ena saumi kina na masu qori.
Ni se tiko e vuravura o Jisu, a vakani ira na walokai, vakabulai ira na tauvimate kei ira na mate! (Maciu 15:29-38; Joni 11:38-44) Me vaka ni na qai veiliutaki ena Matanitu ni Kalou o Jisu, e vakaraitaka kina na ka ena cakava na Matanitu qori vei ira na vakarurugi kina.—Vakatakila 11:15.
-
Na ituvaki kei vuravura nikua e vakaraitaka ni sa voleka na Matanitu ni Kalou. A parofisaitaka o Jisu ni bera ni kauta mai na sautu e vuravura na Matanitu ni Kalou, ena yaco mada na ivalu, leqa ni kakana, kei na uneune.—Maciu 24:3, 7.
Eda raica sara tu ga qori nikua. Eda nuidei gona ni sa voleka me vakaotia na Matanitu ni Kalou na leqa kece qori.
VAKASAMATAKA MADA
Ena vakacava tu mada na bula ni sa veiliutaki na Matanitu ni Kalou?
E sauma na iVolatabu ena SAME 37:29 kei na AISEA 65:21-23.
Rawa ni o Wilika Tale ga
ESSENTIAL BIBLE TEACHINGS
Na Cava na Matanitu ni Kalou?
Ena cakacaka vakaitalatala i Jisu, e dau vakabibitaka na Matanitu ni Kalou. Sa balavu nodra masulaka tiko na nona imuri me yaco mai na Matanitu qori.
NA VALE NI VAKATAWA
Cava ena Cakava na Matanitu ni Kalou?
E kila o Jisu na Matanitu ni Kalou duadua ga ena walia na leqa kece e vuravura. Cava sa cakava oti na Matanitu ni Kalou meda nuidei kina?
SAUMI NA TARO VAKAIVOLATABU
Sala Cava ena Vakilai Kina e Vuravura na Vakacegu?
Vulica na ka e yalataka na Kalou me baleta na vakacegu ena kauta mai nona Matanitu.
BALETI KEIMAMI
Vuna mo Vulica Kina na iVolatabu
Na iVolatabu e sauma na ka era dau lomatarotarotaka tu e levu e veiyasa i vuravura. O na via kila tale ga?
IVAKAVUVULI VAKAIVOLATABU
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.
