Emosi 6:1-14
6 “Era rarawa o ira na nuitaki ira ga mai Saioni,O ira na tikovinaka ena ulunivanua o Samaria,+Era tamata rogo ena matanitu sa liu,E lako kina na vuvale ni Isireli!
2 Moni lako yani i Kaline moni raica.
Moni biubiu mai kea moni lako i Emaci Levu,+Moni lako sobu i Kaca na nodra koro na kai Filisitia.
Eratou vinaka sara mai na matanitu qo,*Se levu na nodrau vanua mai na nomuni?
3 Oni lecava tiko na siga ca,+Moni kauta mai na itikotiko ni ivalavala kaukaua?+
4 Era davo ena idavodavo tabua,+ era dodo ena idabedabe balavu,+Era kania na tamanisipi mai na qelenisipi kei na luvenibulumakau tagane yagovinaka,+
5 Era buli sere me salavata kei na domo ni api,*+Me vakataki Tevita ga, era bulia na nodra iyaya ni vakatagi,+
6 Era gunu waini ena bilo sinai,+Era lumulumu ena waiwai talei,Ia era sega ni kauaitaka* na leqa e yacovi Josefa.+
7 O koya gona, era na liu vei ira na kau vakavesu,+Ena oti na nodra marau na dodo tu.
8 ‘E bubului ga vakataki koya na Turaga Cecere Duadua o Jiova,’+ e kaya o Jiova na Kalou ni lewe vuqa,*‘“Au vakasisilataka na dokadoka nei Jekope,+Au cata na nona valececere vakabai,+Au na solia yani na koro kei na ka kece e tu kina.+
9 “‘“Ia ke vo e tini na tamata ena dua na vale, eratou na mate tale ga.
10 Ena lako mai e dua na wekana* me colati ratou yani qai vakamai ratou yadudua. Ena kauta tani o koya na suidratou mai vale, ena qai kaya vei koya ga e tiko ena rumu ni vale, ‘Dua tale drau tiko vata qori?’ Ena tukuna mai, ‘Sega ni dua!’ Ena qai kaya o koya, ‘Mo galu! E sega ni kena gauna me cavuti kina na yaca i Jiova.’”
11 Ni vakarota o Jiova,+Ena basuka na vale levu me irusarusa,Kei na vale lailai me ibenubenu.+
12 E dau cici na ose ena delanivatu,Se na siviyara kina e dua ena bulumakau?
Ni oni vukica na lewadodonu me co gaga,Kei na vua ni ivalavala dodonu me kaugaga.+
13 Oni marautaka na ka wale,Oni kaya, “Vakacava, eda kaukaua ena noda lewa ga?”+
14 O koya gona kemuni na vuvale ni Isireli, au na kauta yani e dua na matanitu me valuti kemuni,’+ e kaya o Jiova na Kalou ni lewe vuqa,‘Era na vakasaurarataki kemuni mai Lepo-emaci*+ me yaco sara ina Waimaca* na Arapa.’”
iVakamacala e ra
^ Qo na matanitu o Juta kei Isireli.
^ Se “domo ni ivakatagi vakawa.”
^ Ipe., “ni rarawataka.”
^ Qo na mataivalu vakalomalagi.
^ Ipe., “na taci tamana.”
^ Se “na icurucuru i Emaci.”
^ Raica na iVakamacala ni Vosa.
