Mɛkúkú lɛ ka Na Fɔ́n Dóo À?
Etɛ ka nyí xósin towe?
-
ɛɛn.
-
eǒ.
-
bɔya.
NǓ E BIBLU ÐƆ É
“Mawu na wá fɔ́n mɛ . . . sín kú.”—Mɛsɛ́dó 24:15, MAWUXÓWEMA.
LÈ E A SIXU MƆ Ð’EMƐ É
É na dó gbɔ nú we hwenu e mɛvívɛ́ towe ɖé na kú é.—2 Kɔlɛntinu lɛ 1:3, 4.
É na na we vivo ɖò xɛsiɖiɖi nú kú sí.—Eblée lɛ 2:15.
É na na we nukúnɖiɖó ɖɔ a na lɛ́ wá mɔ mɛvívɛ́ towe e ko kú lɛ é.—Jaan 5:28, 29.
MǏ KA SIXU GANJƐ NǓ E BIBLU ÐƆ É WU À?
Ɛɛn, é hwe bǐ ɔ hwɛjijɔ atɔn ɖíe:
-
Mawu wɛ nyí Gbɛɖotɔ́. Biblu ɖɔ ɖɔ Jehovah Mawu “gɔ́n wɛ gbɛ̀ ɔ jɔ sín.” (Ðɛhan 36:10; Mɛsɛ́dó 17:24, 25) É ɖò gaan ɖɔ Mɛ e na gbɛ̀ nǔɖogbɛ lɛ bǐ é kpé nǔ wu bo na fɔ́n mɛ e kú é.
-
Mawu ko fɔ́n mɛ sín kú kpɔ́n. Biblu na kpɔ́ndéwú yɔkpɔvu kpo mɛxo kpo, sunnu kpo nyɔnu kpo tantɔn tɔn bɔ ye fɔ́n sín kú. Ye mɛ ɖé lɛ kú é ɔ, é lín có è fɔ́n ye ǎ. Amɔ̌, mɛ ɖokpo nɔ yɔdo mɛ nú azǎn ɛnɛ có è ka fɔ́n é lɔ!—Jaan 11:39-44.
-
Mawu ɖó jlǒ bo na lɛ́vɔ wà mɔ̌. Jehovah gbɛ́ wǎn nú kú. É nɔ kpɔ́n ɛ dó mɔ kɛntɔ́ na. (1 Kɔlɛntinu lɛ 15:26) Akpakpa ɖò sísɔ́ ɛ wɛ bonu é na gb’ahwan kɛntɔ́ enɛ tɔn, bo na sɔ́ fínfɔ́n sín kú dó sú kún tɔn dó. É jló na fɔ́n mɛ e ɖò flǐn tɔn mɛ lɛ é, bo na bló bɔ ye na lɛ́ nɔ gbɛ̀ ɖò ayikúngban jí.—Jɔbu 14:14, 15.
ETƐ A KA LIN DÓ NǓKANBYƆ ELƆ WU
Etɛwu mǐ ka nɔ kpò bo nɔ kú?
Biblu na xósin nǔkanbyɔ enɛ tɔn ɖò BǏBƐ̌MƐ 3:17-19 kpo HLƆMANU LƐ 5:12 kpo mɛ.
Xóta élɔ́ lɛ́ lɔ sixú jɛjí nú we
ESSENTIAL BIBLE TEACHINGS
Etɛ ka Nyí Ninɔmɛ Mɛkúkú lɛ Tɔn?
Biblu d’akpá ɖɔ é na wá sù hweɖenu bɔ mɛ gègě na fɔ́n sín kú, lee Lazáa fɔ́n gbɔn é ɖɔhun.
NǓKANBYƆ́ BIBLU TƆN LƐ́ SÍN XÓSIN
Etɛ ka Nyí Fínfɔ́n Sín Kú?
É sixu kpaca we ɖɔ è na fɔ́n mɛ lɛ wá gbɛ̀.
NǓ E KAN MǏ LƐ́ É
Etɛwu È ka Ðó Na Kplɔ́n Biblu?
Biblu ɖò alɔ dó gbɛtɔ́ livi mɔkpan wɛ gbɔn gbɛ̀ ɔ bǐ mɛ, bɔ ye ɖò nùkanbyɔ taji gbɛmɛ tɔn lɛ sín xósin mɔ wɛ. A jló ɖɔ é ni d’alɔ hwi lɔ à?
NǓKPLƆ́NMƐ BIBLU TƆN LƐ́
Tɛ́n lěe mǐ nɔ kplɔ́n Biblu xá mɛ gbɔn é kpɔ́n
Nǔ nǔkplɔ́nmɛtɔ́ ɖé ní kplɔ́n Biblu xá we vɔ̌nu.
