Etɛ ka Na Zɔ́n Bɔ Xwédo ɖé Na Nɔ Awǎjijɛ Mɛ?
A ka nɔ lin ɖɔ . . .
-
wanyiyi wɛ à?
-
akwɛ wɛ à?
-
alǒ nǔ ɖevo?
NǓ E BIBLU ÐƆ É
“Mɛ e sè Mawuxó ɔ, bo bló ɖ’eji lɛ wɛ nǔ nyɔ́ na.”—Luki 11:28, MAWUXÓWEMA.
LÈ E A SIXU MƆ Ð’EMƐ É
Mi na ɖó wanyiyi jɔ wanyiyi nú miɖée.—Efɛzinu lɛ 5:28, 29.
Mi na ɖó sísí e ma nyí mɛblɛblɛ́ tɔn ǎ é nú miɖée.—Efɛzinu lɛ 5:33.
Mi na ɖeji dó miɖée wu hwebǐnu.—Maki 10:6-9.
MǏ KA SIXU GANJƐ NǓ E BIBLU ÐƆ É WU À?
Ɛɛn, é hwe bǐ ɔ hwɛjijɔ we ɖíe:
-
Mawu wɛ ɖó xwédo ayǐ. Biblu ɖexlɛ́ ɖɔ Mawu wɛ ɖó tuto xwédo tɔn ayǐ. (Bǐbɛ̌mɛ 2:18-24) Nú mǐ na ɖɔ ɖò alɔ ɖevo mɛ ɔ, Jehovah wɛ zɔ́n bɔ tuto xwédo tɔn dó tíìn. Etɛwu nukúnnú mɔ jɛ nǔ enɛ mɛ ka nyí nǔjɔnǔ?
Lin tamɛ dó xó elɔ wu: Enyi a ɖu nǔɖuɖu víví ɖé bo jló na tuùn ajɔxanú e è dó ɖa na lɛ é ɔ, mɛ̌ a ka na kanbyɔ? É ɖò gaan ɖɔ mɛ e ɖa é wɛ.
Mɔ̌ ɖokpo ɔ, bonu mǐ na tuùn nǔ e na zɔ́n bɔ awǎjijɛ na tíìn ɖò xwédo mɛ é ɔ, é na nyɔ́ ɖɔ mǐ ni kanbyɔ Jehovah e ɖó tuto xwédo tɔn ayǐ é.
-
Mawu nɔ kpé nukún dó wutu towe. Xwédo e nɔ ba nǔkplɔnmɛ Jehovah tɔn e ɖò Biblu mɛ lɛ é nɔ ɖexlɛ́ ɖɔ emi nyɔ̌nǔi. Etɛwu? “Ðó é ɖò nukún kpé dó [wǔ towe] wɛ.” (1 Piyɛ́ɛ 5:6, 7) Ðagbe towe nɔ ɖu ayi mɛ nú Jehovah tawun, bɔ nǔkplɔnmɛ tɔn lɛ ɖó lè hwebǐnu!—Nǔnywɛxó 3:5, 6; Ezayíi 48:17, 18.
ETƐ A KA LIN DÓ NǓKANBYƆ ELƆ WU
Nɛ̌ a ka sixu nyí asú ɖagbe, asì ɖagbe alǒ mɛjitɔ́ ɖagbe gbɔn?
Biblu na xósin nǔkanbyɔ enɛ tɔn ɖò EFƐZINU LƐ 5:1, 2 kpo KOLOSINU LƐ 3:18-21 kpo mɛ.
Xóta élɔ́ lɛ́ lɔ sixú jɛjí nú we
NǓKANBYƆ́ BIBLU TƆN LƐ́ SÍN XÓSIN
Biblu ka Sixu D’alɔ Mì Bɔ Na Ðó Xwédo Awǎjijɛnɔ ɖé À?
Wěɖexámɛ e nǔnywɛ kpé bɔ è ɖè sín Biblu mɛ lɛ é ko d’alɔ sunnu kpo nyɔnu kpo livi mɔkpan bɔ ye ɖó awǎjijɛ ɖò xwédo mɛ.
NǓ E KAN MǏ LƐ́ É
Etɛwu È ka Ðó Na Kplɔ́n Biblu?
Biblu ɖò alɔ dó gbɛtɔ́ livi mɔkpan wɛ gbɔn gbɛ̀ ɔ bǐ mɛ, bɔ ye ɖò nùkanbyɔ taji gbɛmɛ tɔn lɛ sín xósin mɔ wɛ. A jló ɖɔ é ni d’alɔ hwi lɔ à?
NǓ E KAN MǏ LƐ́ É
Byɔ̌ ɖɔ è ní wá ba we kpɔ́n
Gbějé nǔkanbyɔ́ Biblu tɔn ɖé kpɔ́n, alǒ kplɔ́n nǔ ɖěvo lɛ́ dó Kúnnuɖetɔ́ Jehovah tɔn lɛ́ wú.
