« Allaahu on ka kammu waɗoyay laamu ngu lancetaake » (Danu’iila 2:44, NWT).

« Ko fii en heɓanaama boobo, en okkaama ɓiɗɗo gorko ; e laamu ngun wonay ka hoore balawal makko » (Isaaya 9:6 ; maandineere).

• Laamu feewungu nafayngu mo kala (Isaaya 48:17, 18).

• Ko aroyta, en heɓay cellal timmungal e weltaare (Feɲɲinannde 21:3, 4).

Fii piiji ɗiɗi :

• Annabi Iisaa holluno ko laamu Alla ngun waɗoyta kon. Annabi Iisaa jannuno taalibaaɓe makko ɓen yo ɓe toro fii laamu Alla ngun yo aru e fii no faale Alla on waɗira e hoore ndii leydi (Matta 6:9, 10). Annabi Iisaa holluno honno nden toraare jaabortee.

  Fewndo ko annabi Iisaa wonunoo e hoore ndii leydi, o ɲamminno weelaaɓe, o ɲawnduno nawnuɓe e o immintinno mayɓe ! (Matta 15:29-38 ; Yuuhanna 11:38-44). Ɓayri ko kanko woni Lanɗo toɗɗaaɗo on fii laamu Alla ngun, o holluno piiji moƴƴuɗi ko ngun laamu waɗoyta (Feɲɲinannde 11:15).

• Ko woni e feƴƴude kon hannde no holli laamu Alla ngun ɓadike. Annabi Iisaa wi’uno, ɗoo yo laamu Alla ngun addude ɓuttu e hoore ndii leydi, aduna men on yi’ay piiji buy wano gere, heege, e dimmbo leydi (Matta 24:3, 7).

  Hiɗen yi’ude ɗun fow hannde. Ko ɗun waɗi, hiɗen waawi hoolaade laamu Alla ngun lannay fii ɗii satteendeeji fow ko neeɓataa.