Mɛni Ji Nɔ Titri Ni Kɛ Miishɛɛ Baa Weku Shihilɛ Mli?
Ani osusuɔ akɛ no ji . . .
-
suɔmɔ?
-
shika?
-
nɔ kroko?
NƆ NI BIBLIA LƐ KƐƆ
“Mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ yɛ miishɛɛ!”—Luka 11:28, Jeŋ Hee Shishitsɔɔmɔ.
BƆ NI OBAANYƐ ONÁ HE SƐƐ
Nyɛbaasumɔ nyɛhe waa.—Efesobii 5:28, 29.
Nyɛbaajie bulɛ kpo nyɛtsɔɔ nyɛhe.—Efesobii 5:33.
Nyɛbaaye nyɛhe anɔkwa.—Marko 10:6-9.
ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?
Hɛɛ, kɛ́ hooo lɛ yɛ yiŋtoi enyɔ ahewɔ:
-
Nyɔŋmɔ ji mɔ ni to weku shihilɛ shishi. Biblia lɛ kɛɔ akɛ ‘weku fɛɛ weku ná egbɛ́i’ kɛjɛ Yehowa Nyɔŋmɔ ŋɔɔ. (Efesobii 3:14, 15) Kɛ́ wɔɔwie he yɛ gbɛ kroko nɔ lɛ, wekui yɛ shihilɛ mli ejaakɛ Yehowa ji mɔ ni to shishi. Mɛni hewɔ enɛ he hiaa waa lɛ?
Susumɔ he okwɛ: Kɛ́ oye niyenii ko ni eŋɔɔ onaa waa ni ootao ole nibii ni akɛhoo lɛ, namɔ obaabi? Ekã shi faŋŋ akɛ obaabi mɔ ni hoo lɛ.
Nakai nɔŋŋ kɛ́ obaale nibii ni hãa miishɛɛ baa weku shihilɛ mli lɛ, ebaahi jogbaŋŋ akɛ obaabi Yehowa ni ji mɔ ni to weku shihilɛ shishi lɛ.—1 Mose 2:18-24.
-
Nyɔŋmɔ susuɔ nyɛhe. Nilee yɛ mli akɛ wekui baatao Yehowa ŋaawoo ní etsɔɔ e-Wiemɔ lɛ nɔ ekɛhãa lɛ sɛɛ gbɛ. Mɛni hewɔ? “Ejaakɛ ejwɛŋɔ nyɛhe.” (1 Petro 5:6, 7) Nyɛhilɛkɛhamɔ kã Yehowa tsui nɔ waa—ni eŋaawoo he yɛ sɛɛnamɔ kɛhã nyɛ be fɛɛ be!—Abɛi 3:5, 6; Yesaia 48:17, 18.
KƐHÃ HESUSUMƆ
Te obaafee tɛŋŋ otsɔ wu, ŋa, loo fɔlɔ kpakpa?
Biblia lɛ hãa nakai sanebimɔ lɛ hetoo yɛ EFESOBII 5:1, 2 kɛ KOLOSEBII 3:18-21.
Ekolɛ Obaasumɔ Enɛ Hu
SANEBIMƆI NI BIBLIA LƐ EHÃ HETOO
Mɛni Biblia Lɛ Kɛɔ Yɛ Gbalashihilɛ He?
Biblia mli shishitoo mlai baanyɛ aye abua wu kɛ ŋa koni amɛhi shi bɔ ni naagbai baŋ amɛteŋ loo amɛtsu amɛnaagbai ahe nii.
SANEBIMƆI NI BIBLIA LƐ EHÃ HETOO
Ani Biblia Lɛ Baanyɛ Awa Mi Ni Maná Weku Ni Miishɛɛ Yɔɔ Mli?
Biblia mli ŋaawoi ni nilee yɔɔ mli lɛ eye ebua hii kɛ yei akpekpei abɔ ni amɛná wekui ni miishɛɛ yɔɔ mli.
AWAKE!
Nibii Ni Hãa Wekui Náa Miishɛɛ—Nyɛfea Ekome Kɛtsua Nii
Ani onaa ohefatalɔ lɛ akɛ mɔ ko ni okɛyɔɔ tsũ kome mli kɛkɛ?
WƆHE SAJI
Mɛni Hewɔ Esa Akɛ Okase Biblia Lɛ?
Biblia lɛ miiye eebua mɛi akpekpei abɔ yɛ jeŋ fɛɛ koni amɛná shihilɛ mli sanebimɔi ni he hiaa lɛ ahetoo. Ani obaasumɔ ni oná sanebimɔi nɛɛ ahetoo?
