“Hio wen zang takarata pɛ Sɔ fɛt gbo ha nu Sɔ.”​—2 Timothée 3:16.

Mɛ be kpa hio gasa kiforo wen ha zu hio gasa ana mɔ ka wi ani ha zu dungo nu pɛa.​—aProverbe 2:1-5.

Hio dede mbɔla ka zɔk dungo nu pɛ mɛ mɔ soe ndang-ndang ha zanga.​—Psaume 119:105.

Gdea ta zu mɔ bhisiri fin ha yo.​—Rome 15:4.

Ɛyi, ha zu hio mɔ tar mɔngɔ:

• Hio wen zanga fɛt ha zea may. Ɛ ngɛrki Bible ha zang ngimɔ 1600 mɔngɔ. Hio wi 40 mɔngɔ ha ngɛrki yo. Sulo wia zɔ may na. Ma, hio wen zang fɛt zea may nɛ dedea yo yoli ha zu gasa zu wen ndang.

• Hio wen zanga usi zu ma mɔ na. Hio wan ngɛrki mbeti usi zu hio mɔ ka zɔk le pɛ mbua. Ma, hio na ngɛrki Bible osa gdanga mɔ pɛ mbua nɛ hio gdanga mɔ ka hio wi mɔ le pɛ mbua ha dea long.​—2 Chronique 36:15, 16; Psaume 51:3-6.

• Hio propheti mɔ zanga kpoo nɛ kpasa wen. Bible ba tɔ wen teka bɛ gbɛl koto le Babylone bɛlɛ 200 mɔngɔ songsi (Ésaïe 13:17-22). Ɔsa meng yo be tek fin nɛ ling wi ka teksi lea!​—Ésaïe 45:1-3.

  Dɔka hio, propheti mɔ zang Bible hayo ka yo tea kpasa wen ha zang sɛkɛ-sɛkɛ wen fɛt. Ɛyi, nɛ tɛ mɔ ka wi keri nɛ wal mbeti pɛ Sɔ nɛ ɛngɛ.​—2 Pierre 1:21.