Kilès bagaj ki ka mennen bonèr annan fanmi-a ?
Ès ou ka pansé, a...
-
lanmou ?
-
soumaké ?
-
rounòt bagaj ?
SA LABIB-A KA DI
« Sa-ya ki ka tandé paròl Bondjé-a é ki ka obéyi l’ gen tchò kontan ! » (Luc 11:28).
SANS SA POUVÉ GEN POU OU
Trouvé vré lanmou-a (Éphésiens 5:28, 29),
Rèspè sensèr-a (Éphésiens 5:33),
Vré sékirité-a (Marc 10:6-9).
ÈS NOU VRÉMAN POUVÉ KRÈ SA LABIB-A KA DI ?
Wi, pou omwens dé rézon :
-
Bondjé sa Kréyatèr fanmi-a. Men sa Labib-a ka di : « A li ki fé si tout fanmi annan syèl-a ké asou latè-a ka èkzisté » (Éphésiens 3:14, 15, Traduction du monde nouveau). A lavérité, fanmi ini-a ka èkzisté paské Jéova kréyé l’. Poukisa i enpòrtan di savé sa ?
Parèkzamp : Ou ka pran plézi annan roun bon ti manjé é ou lé konnèt kisa i gen annan l’. Kimoun ou té ké doumandé ? Nòrmalman, moun-an ki té préparé l’.
Menm manniyè-a, pou dékouvri kisa ki ka mennen bonèr annan fanmi-a, pli bon bagaj nou pouvé fè, a doumandé Jéova, Kréyatèr fanmi-a (Genèse 2:18-24).
-
Bondjé ka pran swen di nou. Sé fanmi-ya té ké saj di kouté konsèy Jéova paské yé ka vini di so Paròl. Poukisa ? « Paské i ka pran swen di zòt » (1 Pierre 5:6, 7). Jéova lé sa ki bon pou nou, é so konsèy toujou itil ! (Proverbes 3:5, 6 ; Isaïe 48:17, 18).
RÉFLÉCHI ASOU SA
Kouman divini roun bon mari, roun bon madanm ouben dé bon paran ?
Labib-a ka réponn sa késyon-an an ÉPHÉSIENS 5:1, 2 é an COLOSSIENS 3:18-21.
Gadé osi...
KIMOUN NOU SA ?
Poukisa étidyé Labib-a ?
Labib-a ka bay milyon moun annan monn-an répons anlè gran késyon lavi-a. Ès ou té ké lé sa roun annan yé ?
KIMOUN NOU SA ?
Doumandé pou roun Témwen Jéova vini wè ou
Kozé asou Labib-a ouben anprann plis bagaj asou Témwen Jéova-ya.
