Kouman ou ka wè ou avénir ?
Ès ké monn-an ké...
-
rété kou i fika ?
-
vin pli mové ?
-
vin miyò ?
SA LABIB-A KA DI
« Bondjé [...] ké swiyé tout larm di yé zyé, i pa ké gen lanmò ankò ; i pa ké gen ni dèy, ni rélé, ni doulèr ankò. Tout vyé bagaj disparèt. » (Révélation 21:3, 4, Traduction du monde nouveau).
SANS SA POUVÉ GEN POU OU
Roun travay ki gen sans é ki ka plè ou (Isaïe 65:21-23),
Pa ké gen pyès kalté maladi ké soufrans ankò (Isaïe 25:8 ; 33:24),
Viv éré pou tout tan ké ou fanmi ké ou zanmi (Psaume 37:11, 29).
ÈS NOU VRÉMAN POUVÉ KRÈ SA LABIB-A KA DI ?
Wi, pou omwens dé rézon :
-
Bondjé gen kapasité tchenbé so promès. Annan Labib-a, a Bondjé Jéova sèlman yé ka rélé « Tou-Pwisan », paské so pouvwar pa gen pyès limit (Révélation 15:3). Jéova gen tout kapasité tchenbé so promès di randé monn-an miyò. Kou Labib-a ka di, « pou Bondjé tout bagaj posib » (Matthieu 19:26).
-
Bondjé vréman lé tchenbé so promès. Parèkzanp, Jéova présé roubay moun ki mouri lavi (Job 14:14, 15).
Labib-a ka montré osi ki Jézi, pitit Bondjé, té ka géri moun malad. Poukisa i té ka fè sa ? Paské a sa i té lé (Marc 1:40, 41). Jézi té ka montré i té gen èkzaktéman menm pèrsonalité ki so papa lò i té ka édé sa ki té bézwen (Jean 14:9).
Nou pouvé sèrten ki Jéova kou Jézi lé édé nou pran plézi annan roun pli bèl avénir ! (Psaume 72:12-14 ; 145:16 ; 2 Pierre 3:9).
RÉFLÉCHI ASOU SA
Kouman Bondjé ké randé monn-an miyò ?
Labib-a ka réponn sa késyon-an an MATTHIEU 6:9, 10 ké DANIEL 2:44.
Gadé osi...
ANSÈYMAN ASOU LABIB-A KI ENPÒRTAN
A kisa ki Rwayonm Bondjé-a ?
Lò Jézi té asou latè-a, i palé èspésyalman di Rwayonm Bondjé-a. Sa ka fè plizièr sièk, so disip ka priyè pou sa Rwayonm-an vini.
TOURDÉGARD-A
Kisa rwayonm Bondjé-a ké fè ?
Jézi té savé ki rwayonm Bondjé-a té ké sèl gouvèrnman-an ki ké pouvé réglé problèm asou latè-a. Nou pouvé sir di sa gras a tousa sa rwayonm-an ja fè. Kisa i fè ?
KIMOUN NOU SA ?
Doumandé pou roun Témwen Jéova vini wè ou
Kozé asou Labib-a ouben anprann plis bagaj asou Témwen Jéova-ya.
