Soglea Dukhacho Beginuch Xevott!

 Kednaim tôri tumchea jivitant eka vellar goddiek tumi vincharlam assunk puro qui ‘kiteak passot hem soglem dukh vosta?’ Hozaranim vorsam munxea kullan dukh bhoglam mungue zuzam, goribcai, abgath, oprad, onit, pidda ani moronn hanchea thaun. Kednanch pollounk nam tem dukh guelʼlea xekdeant polloilem. Hem soglem dukh kednaim tôri somtelem cai?

Dhiracho zabab asa oi, anim toi bi beginuch. Devachem utor biblia colloita: “Khotte munis anink aschet nant...Punn khalte munis bhuincho tabo ghetele, ani khoreaninch ogonnit sukh ani bhorpur sovoscai bhogtele.” Kitlo kall porian? “Nitivônt hea bhuincho tabo ghetele, ani te ticher sasnnank jientele.”​—Stotram 37:10, 11, 29.

Devan hea bhuinche velem khotteponn ani dukh kadlea uprant, hea bhuinchi to paradiseant bodlavônn cortolo. Uprant, lôk sompurnn bholaikent ani khoxalcaent jionk soktolo. Devachem utor adinch colloita: “[Dev] tanchea dolleantlim soglim dukham pustolo, moronn, khont, rodnnem, dukh anink aschimnant, kiteak adlem sogott nattak zalem.”​—Prokasnni 21:4.

Tea novea sousarant, Dev meloleank passun jivont corun hadtolo taki, tim bessãvam te passun bhogunk soktele: “Nitivônt ani patki munxanchem punorjivontponn zaunchem assa.” (Dhormdutancho Itihas 24:15) Tea passot Jesu krist eka pirachit pavlolea kirmidorak zannem Jesucher visvas dacoilo, hem sangonk soklo qui “Tum moje sangatak paradiseant astoloi.”​—Lukas 23:43.

 Dukh Kiteak Suru Zalem?

Zôr Devacho udhex munxank oslo ojapancho fuddar mellonk aslolo, tôr kiteak tannem dukhachi suruvath zavunk porvangi dili? Tem Kiteak tannem itlo kall poriant uronk sodʼdlem?

Zednam Devan Adão ani Evek rochlim tednam tannem tankam, kuddint ani monant poripurnn rochlim. Tannen tamkam paradiseant dovorlim ani tankam dadoskaechem kam corunk dilem. Biblia sangta: “Devan apnem keloli dôr eok vost polloili anim, choi! ti ekdom bori asloli.” (Utpoti 1:31) Zôr tim devak khaltim rautim aslim tôr tim poripurnn bhurgeank zolom ditelim aslim, anik hi bhuim zateli asloli eok bhoutik paradise zuim lôk sovoskaen ani khushalcaen sasnnank jietolo aslo.

Munxachea rochnnecho bhag koso Devan Adão ani Eve bhitôr ojapachem dennem munche suttavi khôxi rigoiloli. Tim mon naslolim robottam coxim zavunk noim. Torui astana, tanchi chalti khoxalcai tharon asloli, tanni tanchi suttavi khôxi sarkea margan upeg corpacher, Devachea upordesank pallo diun. Zea porim Dev muntta: “Hanv, Jehovah, tumcho Dev, zo tumcam faidyache xincoitam, zim tumi cholonk zai tea vatten cholonk laitam.” (Izaias 48:17) Suttavea khoxechea durupyogacho porinnam odruxt zaun aslolo, kiteak deva thaun sotôntr ravon zoitivônt zaunk tancam rochunk naslolim. Biblia sangta: “Bhuinchea munxam lagim tanchi vatt nam. Cholta tea munxa lagim tachea paulanchi dixa nam.”​—Jeremias 10:23.

Cotta, amchea poilea maim ani paek dislem qui tim deva thaun sotôntr zatolim anim, toruipunn zoitivônt zatolim. Punn zednam tim Devachea rajaponnank innkar corun thuinchim codsorlim, tednam Devan tankam anink fuddem poripurnn uronk adar diunk nam.  Tea passot tim oskôt zavunk laglim zednam poriant xevottak mhatrim zalim ani melim. Tea udexim vounxavollichea kaidyeak lagu podta toxem, tanchea bhurgeanim passun apnacher unneponn anim moronn bhuzoun ghetlem.​—Romkarank chitt 5:12.

Mukhel Tokrar—Sarvbhomponn

Kiteak Devan Adão anim Evechem nissonttonn corun, dusrea munis zodpeak rochun, novean suruvat corunk nam? Karann tachea vixva sarvbhomponna khatir raj cholloupachea odhikaracher, porixa ailoli. Proxnn osso aslolo qui konnank razvotki choloupacho odhikar asa, ani konnancho odhikar khoro asa poi to. Fuddara khatir, Devan munxamcher razkarbhar cholounk nam tôr, munis boro karbhar cholounk soktat cai? Hem tharãoche khatir Devan munxank bhorpur kall poriant sompurnn sotontrponnacho prayog corunk porvangi dili, kiteak zôr tôr munis tanchem khudd borem raz chollounk soktat zalear. Devachea hedderponam viret, razkiy, samazik, arthik anink dhormik mandavolleo choloun polleunk, tankam dilolo kall bhorpur lambaecho aslolo.

Kitem porinnam zalo? Munxancho hozarani vorsancho itihas amcam gomoita qui thuim chôd ani chôd dukh aslolem. Guellea tea xekdeant munxea cullan kednanch bhogunk nam toslem vaxt dukh bhoglem. Curuttanim zivexim marle dusrea maha zuzachea odruxtant. 10 curuttanim poros chôd lokachi cothol keli. Zuz ani opradh chodot asat. Noxa gulliecho durupyog sounsaracher vistarta. Loingik pidda posortet asa. Dôr eok vorsa bhuken ani pidden dha dha curuttanim lôk morta. Voita thoim, cuttumb jivit, noitikponnacho thôr modon podla. Khuinchach munxeachea serkaralagim hea odchoneanchea sutkecho zabab nam.  Konnech mhatarponn, pidda ani moronn hancher math corunk nam.

Amchea kallantulea munxeachi poristiti Bibliant bhakit kellea pormonnech asa. Devachem utor amchea kallak bhoutik vostunchea mandavolliche “xevttache dis” munn ollkota, zednam “sonsuk zaina toslo koxtancho teomp ietolo.” Ani Bibliant sanglam teach pormonnem, “khotte ani bhulvonndar munis vaxtta poros paxtt zaun fuddem sortele”.​—Timotak dusri chitt 3:1-5, 13.

Dukh Aplea Xevottachea lagim

Soglo puravo dacoita qui munxanim Devathaun sotôntr zaupacho zo dekest prayog kelo, tachea xevottak ami pavleão. Deva viret munxancho rajkarbhar kednanch zoitivônt zainam munnon, yogya kherit dacounn zali. Focot Devacho rajkarbhar matr sovoskai, khoxalponn, puri bholaiki ani sasnnachem jivit hadunk sokta. Tea passot khotteponn ani dukh sospachea Jehovahchea sosnnicaecho xevott lagim paula. Beginuch Dev taka mandvonant toslea bhoutik vostunchea akhea mandavollicho nax corpak munxeanchea karbharant bhitôr sortolo.

Bibliacho bhovixvad sangta: “Tea razanchea dissanim [soddheak assat teo munxancheo razvotkeo]sorgincho Dev [sorgar]eok rajvotki sthaptolo, ti kednanch nax zauchi nam. . . . Ti hea soglea rajvotkeank [aiz asat tea razvotkeank]cordun xevott corteli, anink ti sasnnank vosteli.” (Daniel 2:44) Jehovahchea sarvbhomponnacho gourav ani tachea sorginchea rajvotkethaun raj cholloupacho odhikar, hi Bibliachi prathamik xicvonn zaun asa. “xevottache dis” hanchea khunnechea mukhel bhagachi bhaknni cortana Jesun mutlem: “Soglea porzank soth collounchea khatir, hi sorg rajvotkechi  bori khôbor akhea sounsarak porgôtt zatoli ani tea uprant xevott ietolo.”​—Matev 24:14.

Zednam xevott ietolo, tednam cônn vanchun urtolo? Biblia zabab dita: “Nitivônt ze zaun asat bhuincher rautele, ani niropradi ticher sodlele astele. Khotteam vixim oxem qui tankam heach bhuitule katrun vodoitele.” (Mhonnʼnneo 2:21, 22) Nitivônt te zaun asat ze Jehovahchi khôxi kitem ti zannam zatat ani ti cortat. Jesu kristan mhutlem: “Sasnnanchem jivit tem hem, tannim tuka ekleach khorea Devak anim tuvem pattoilai tea Jesu Kristak ollkun ghevunk.” (Juanv 17:3) Oi, “sounsar nanch zata. . .punn zo cônn Devachi khôxi corta to sasnnank togta.”​—1 Juanv 2:17.

Zorui tori suchounni divunk nam zalear soglim Bible avatarannam New World Translation of the Holy Scriptures​—With References hantutlim asat.