Jehovache Sakxi Kitem Patietat?

“Tuka kitem dista tem tujê koddchem ami aikunk axetanv, kiteak hea pokxacher veta thõi virodh asa mhonn ami zannanv.” (Dhormdutancho Itihas 28:22) Poilea xekdeant hea zomatichea fudareanim Romant ek boro nomono dovorlo. Fokot bhailea tikakaram poros, tankam mulla thaun aicunk zai aslolem.

Teach pormonnem, aiz bogor bogor Jehovachea sakxam virudh uloitat, ani dusvaxi mullam thaun tanchea vixant sot zanam zaunk apexiop ek chuk zatoli. Tea pasot amcheo thodeo mukhel patieneo tumkam sozmounk ami sontostanv.

Bible, Jesu Krist, ani Dev

Ami patietão ki “soglim boroupam Dev prerit ani faideachim asat.” (2 Timotak 3:16) Ani thodeanim davo kela ki ami niz kristão noi munn, hem khali khorem noim. Jesu Krista vixim Apostle Pedruchi govai pureponni ami xeromartão: “Ani dusrea konnacheach vorvim sodvonn mellunk xeconam kiteak amkam sodvonn diunk xokta toslem anink dusrem nanv mollba khala Devan monʼxank diunk nam.”—Dhormdutancho Itihas 4:12.

Torui astana, zoxem Jesun mutlem ki to asa “Devacho Put” ani ki “Bapan maka dhadun dila,” Jehovache sakxi patietat ki Dev Jesu poros vhodlo asa. (Juanv 10:36; 6:57) Jesun khud cobul kela: “Bap moje poros vhodlo  asa.” (Juanv 14:28; 8:28) Heaporim ami mandinat ki Jesu Bapak soman asa, zoxi trinidadichi doton munʼnta. Teaporos, ami patietão ki taka Devan rochla ani to Taka khala asa.—Koloskarank 1:15; 1 Korintkarank 11:3.

Inglez bhaxent, Devachem nanv Jehovah asa. Bible sangta: “Tum, zachem ekleachench nanv JEHOVAH, soglea sounsarar mhathor asa.” (Stotram 83:18, King James Version) Hi ghoxanna sangatak dovourun, Jesun Devachea nanvank prochand zhor dilo, xicoun tachea patlavdarank magunk: “Amchea Bapa sorginchea, tujem nanv povitr zaum.” Ani tannem khud Devak magnnem kelem: “Sousarantle kaddun tuvem mhaka dileai team monʼxank havem tujem nanv kollit kelem.”—Matev 6:9; Juanv 17:6.

Jehovache Sakxi patietat ki tannim Jesu sarkech Devachem nanv ani euzonn dusreank ugdapi corunk zai. Teapasot ami nanv ghetla Jehovache Sakxi karann ami Jesuk onsortão, “Visvasu Sakxi.” (Prokasnni 1:5; 3:14) Favoteaporim, Izaias 43:10 Devachea munniary lokak munnta: “‘Tumi muje sakxi,’ oxem Jehovah udgarta, ‘mojo chakor pasun zaka havem vinchla.’”

Devachi Razvotki

Jesun tachea patlavdarank magunk xicoilem, “Tujem raz evum,” ani tanne ti Razvotki tachea xincounnechi odhikar mathallo keli. (Matev 6:10; Lukas 4:43) Jehovache Sakxi patietat ki Razvotki khoreanich ek sorginchem serkar asa, tem sounsaracher odhikar choloitelem, ani Jesu Krist tacho nemiar kelʼlo odrux raza. “Tem serkar tachea Khandar astelem,” Bible sangta. Tachea serkarachea ani sovoskaechea vaddavollik xevott nam.”—Izaias 9:6, 7, KJ.

Torui astana, Jesu Krist ekloch Dev serkaracho raza zauncho nam. Tachea sangatak sorgar zaite sangatiraza astele. “Ami soxit guele zalear,” Apostle Paulan boroila,  “Ami pasun sangatak raza coxe zuti choloitole.” (2 Timotak 2:12) Bible suchoita ki te munis ze punorzivont keleat Jesu sangatak sorgar raz cholounk thoravik asat “ekxem chovechalis hozar, ze prithumithaun khoredleat.”—Prokasnni 14:1, 3.

Khoreponni, khuinchai serkarak porza asunkuch zai, ani Jehovache Sakxi patietat ki billionani chod hea sorginchea razam xivar sasnanchi zin ghetele. Akhirek prithum, ek sobit bhuinkuttant rupantor zaun, Dev Razvotkechea manadik porjen bhorloli, sogle kristachea ani tachea sangati razanchea odhikarak khalti zatele. Heaporim Jehovache Sakxi thirasonnen khatri pavleat ki prithum kedinch nisonton zaina ani Bibleachi bhas xarti pavteli: “Nitivont prithumicho tabo ghetelet, ani te tacher sasnank ravtele.”—Stotram 37:29; 104:5.

Punn Devachi Razvotki coxi eteli? Soglea lokan sont khuxen Devachea serkarak khalti zololea udexim? Tachea virodhak, Bible vastavik dacoita ki Razvotkechea enneank zai Devachi sounsarachea karbharant soroll modhosty: “Sorgincho Dev ek razvotki staptolo ti kednanch nax pauchi nam. Ani ti razvotki sota . . . hea soglea razvotkeank cordun xevottcorteli, ani ti sota sasnank hoyat asteli.”—Daniel 2:44.

Devachi Razvotki kednam eteli? Atam ghodon etat tea Bible bhovixvadhanchea bunyadecher, Jehovache Sakxi patietat ti ekdom rokdich eteli. Vostunchea hea vicall poristitiche “xevotache dis” hache sandhe bhakit cornare thode bhovixvadh vinchar corunk ami tumcam  apoitão. Te nondhleat Matev 24:3-14; Lukas 21:7-13, 25-31; ani 2 Timotak 3:1-5.

Kiteak ami amcho Dev Jehovah hacho amchea sompurn calzan, atmean, monan ani soktin ani amchea xezareacho amchech baxen mog cortão, ani rashtriy, vounxavol, ani samajik ritin avibhagit asat. (Mark 12:30, 31) Amche Kristão bhav ze soglea rashtrant meutat, tanchea modem dista tea mogak lagon ami vistarit nondhleat. (Juanv 13:35; 1 Juanv 3:10-12) Hea porim ami tea rashtranchea rajkiy evarant ek tattast bhumika ballgitao. Jesuchea purvillea disciplam baxen zavunk ami proyotn cortão, zachea vixim tannem mutlem. “Hanv sounsaracho nhoim, toxe te pasun sounsarache nhoim.” (Juanv 17:16) Ami patietão ki sounsara thaun vegle dovrop munche onoitik cholavnuk advarop zi aiz kitli sarvojonik asa, bhorson fotti, chori, pordvari, vyabhicharponn, samalingiponn, rogtacho durupeg, murthipuja ani osleo dusreo vostu Bibliant hinnxileat.—1 Korintkarank 6:9-11; Efezkarank 5:3-5; Dhormdutancho Itihas 15:28, 29.

Fudaracho Bhorvanso

Jehovache Sakxi patietat ki amchem chaltem jivit hea sounsarant itlench noim. Ami patietão ki Jehovan Kristak sounsarant patoilo tachem zivit rogot varvoun zoxem ek bolidan tea vorvim munis deva mukar nitivont pavitro ghetele ani vostunchea novea poristitint sasnachi zin ghetele. Jesuchea eklea apostlan sanglem: “Tachea rogtan atam amcam nitivont munnon zahir keleat.” (Romkarank 5:9; Matev 20:28) Jehovache Sakxi Devak ani tachea putak fudarachem zivit sutavem cortelea hea bolidanachea purvotteak lagon kholaeche abhari asat.

Devachea Razvotke khala meloleam thaun punorzivontponn buniyader bhovixcal zivitant puro atmvisvas Jehovachea Sakxank asa. Ami patietão, zoso Bible  xincoita, jedna eklo morta tachem ostitv khorench sompta ki, “tea disak tache vinchar noxt zatele.” (Stotram 146:3,4; Ezekiel 18:4; Utpoti 9:5) Oi, vondoun asa meloleank bhovixcal zivit Devacho tanche vixim ugdas punorzivontponnant.—Juanv 5:28,29.

Torui astana, Jehovache Sakxiank potla ki zaite atam zientat te bochav zatele zednam Devachi Razvotki asa tea soglea serkarank ek xevot hadteli ani, Noe ani tachem kuthumbh budte thaun bochav zalem, te toxe eke nitoll prithumicher sasnnanchi zinn bhogtele. (Matev 24:36-39; 2 Pedru 3:5-7, 13) Punn ami patietão ki bochav vondota Jehovak zai tem melloupacher, zoso Bible sangta: “Sounsar nanch zatolo, punn zo conn Devachi khoxi corta to urtolo sasnnank.”—1 Juanv 2:17; Stotram 37:11; Prokasnni 7:9, 13-15; 21:1-5.

Ugdapeponnim, hanga sogleo Jehovachea Sakxancheo patienneo ontorbhavunk sutavem nam, punn ami tumcam fudli khobor mellovunk amontronn ditão.

Xivar suchovnnem bogor, soglim Bible avatarannam Holy Scriptures hantuntlim asat.

[Pan 4-acher Mottea Okxoramnim Boroiloli Mahiti]

Ami Jehovache Sakxi não ghetla kiteak ami Jesuchem anukarann cortão