Conn Khoreaninch Sounsarachem Raz Cholloita?

Zaito lok voilo soval ekuch utran zabab ditole-Dev. Punn, khunn dacoun, khuinch Bibliant sangona que eok tor Jesu Christ nam tor tacho pae khoro raza zavun asat munnon hea sounsarache. Tachea virodant, Jesun mutlem: “Hea sounsarachea razak bhair vodoitole.” Ani tannem anink sanglem: “Sounsaracho raza eta. Ani tacho tabo mojer nam.”—Juanv 12:31; 14:30; 16:11.

Tea pasot hea sounsaracho raza Jesuchea virodhant asa. To conn zait?

Sounsarachea Poristiti thaun eok Suchonam

Borea monachea munxanim kelolea khotpotta idman akhea itihasant sounsaran bhirancull dukh sonslem. Hea carannank lagon chintpi munis ojap zatat, zoso zalolo somplolo sompadak lekh boroinnar David Lawrence: “‘Sounsaracher sovoskai’—lagim lagim zonn ekleak ti zai. ‘Munxank borem ontoskorn’—chod corun sounsarachea soglea lokak eka meka thaim tachi bhavona eta. Tor Kitem thuim chukta? Lokachea zolma thaun ailolea khoxe idman kiteak zuz dhomki dita?”

Hem ek virodhachem ulvonnem dison eta noim cai? Zednam lokachi sobhavik axa sovoskaen zionk asa, torui te sogleakuch dusvastat ani ziv cadtat eka mekacho—ani kitlea darunn ponnan. Chintun polloiat bhavona naslolim noxtim cortubam racos ponnanchea nixturae bhitor. Munxanim upeg kelolea vostum modem gazicheo khollio, sama kendr mukkam, ujeachem kend xeuttun marpachim hatyaram, napalm bomb ani dusreo bhirancull noxteo manneo kakut nastonam eka mekak hal corunk ani hotya corunk.

Tumi zanant cai munis ze sovoskai ani sontos axetat tech dusreanchea virodhak oslem khor vaxtaponn corunk somorth asat munon? Oslim cantalleachim cama corunk vo oslea  poristitint hadunk khuinchi fouz tanka fudem lotta? Oslim modfodichim cama corunk ekade thodi vaxt, odrox sokot munxancher prabhav ghalta munon tumi kednai ojapleat cai?

Sounsarachea Razank Vollkole

Hi vost somzun ghevpachi goroz nam, kiteak Bible suttavem dacoita que ek gynianvont, dixti podonam toslo oshami raxtrancher ani munxancher, dogancherui apli sotya gazoita munnon. To sangta: “Soglo sounsar noxteachea odhikara khala podla.” Ani Bible taca volkota munnon: “Zaka munttat Deunchar ani Soitan . . . akhea sounsarachea rohivasank dixa bhull corta.”—1 Juanv 5:19; Prokasnni 12:9.

Eka porsongar, zednam Jesuk “Deucharan tallnent ghatlo,” tednam Jesun Soitanachea hea sounsarachea raiponnachea kamgirek lagon cainch soval corunk nam. Kitem zalem tem Bible suttavem corta: “Deucharan taka sompe ponnim asonam titlea unchaechea dongrar velo, ani sounsaracheo sogleo razvotkeo ani tancho dobazo taka dacoilo ani taka tannem mutlem: ‘Heo sogleo vostu hanv tuka ditolom zor tor tum maka ek pavt sorpott podun bhoktechem cortub cortai zalear.’ Tednam Jesun taka oso portipall kelo: ‘Pois sor, Soitana.’”—Matev 4:1, 8-10.

Hea vixim chintun polloi. Soitanan Jesuk “Sounsaracheo sogleo razvotkeo” divunk cobul zavun tallnent ghatlo. Torui astana, Soitan zor tor hea razvotkeancho raza nasolo zalear tachi dengi ek khori tallni zata asloli cai? Nam, ti zaina asloli. Ani motint dhorat, sounsaracheo heo sogleo razvotkeo Soitanacheo asat munnon Jesun nakarunk nam, zem to corta aslolo zor tor Soitanacho odhikar tancher naslolo zalear. Tor, tea pasot, Soitan zo Deunchar khoroch dixti podona toslo hea sounsaracho raza zavun asa! Puravea soit Bible taka muntta “Hea vostunchea mandavollicho dev.” (2 Korintkarank 4:4) Torui astana, oslo noxto oshami hea bolladik podvecher coso pavlo?

Zo conn Soitan zalo to Devan rochlolo ek ainz zavn aslolo, punn to Devachea odhikarak dusvaxi zalo. Devachem caidexir raiponn tannem biryak ghatlem. Hea zaguiar tannem poilea osturek Evek, fottoupak lagon ek sorpak upeg kelo ani xekim tika ani tichea ghorkarak, Adanvank, mellovun ghevunk soklo, zea udexim Devacho hukum pallchea bodlek aplem  biryem khellonk. (Utpoti 3:1-6; 2 Korintkarank 11:3) Anink tannem oso pasun davo kelo que Adanv ani Eve hanchi aizun pasun zolmank evunk nam tea sonstik pasun Deva thaun pois vortolom munnon. Tea pasot Devan Soitanacho davo xarti pavoichea pasot proyotn corpak lagon taka vogot dilo, punn Soitan zoit pavunk nam.—Job 1:6-12; 2:1-10.

Mhotvachem, munche tachea sounsarachea razkharbarant Soitan ekloch nam. Dusrea thodea ainzachem, Devachea virodhak bondʼd corchea pasot apnank xamil zavche munnon tanchem mon volloupak to zoitivont zalo. Te duratme tache atmik sangathi gunyanvkari ponnant podle. Bible tanchea vixim Christanvank fudem lottun ulloita: “Soitanachea nadponnachea virodhak ghott ube ravat; Kiteak  amcam zuzonk asa, noim rogta masa virodhak punn hea kallkachea sounsarachea razkarbhaream virodhak, khottea atmeachea fouze virodhak ze sorginchea zaguiar asat.”—Efezkarank 6:11, 12.

Noxtea Atmeancho Portikar Cor

He dixti podonant te noxte sounsarache razkarbhari nichev corun asat que soglea munxa cullak Devachea bhokte thavn pois vochonchea pasot vankdi vatt dacoupak lagon. Noxte atme hem zem cortat ti ek vatt zavn asa, ek colponam, que melea uprant munis vanchun urta munnon, zorui astana Devacho sobd suttavem dacoita que melole sintidant nant munnon. (Utpoti 2:17; 3:19; Ezekiel 18:4; Stotram 146:3, 4; Upodexok 9:5, 10) Hea porim eok noxto atmo melolleancho tallo nokkol corun, ghodie tachea zivont asat tea parentam lagim vo ixtam lagim ulloita, ek tor atmik sadhane thaun nam tor ek “tallo” dixti podonam tea rochnem thaun. “Tallo” dhong corta melollea munxachem, zavn aslearui apunn eok duratmo!

Tea pasot zor tor tumi kednaim oslo ek “tallo” aicolo zalear fotvo nakat. To kitem sangta tem portikar corat ani Jesuchim utram portun sadoiat: “Pois sor, Soitana.” (Matev 4:10; Jacob 4:7) Atmik rochnem vixim zannam zavunk uttavill zainakat zea carannank lagon tumin noxteaxim gunton podtat. Oxem gunton podop haka ghadiponn muntat ani Dev tachea bhoktant oslea kamanchea soglea rupanchea virodak dhomki dita. Bible gunyanvkari corta munnon “connuim eklo bhovix sangpachem kam corta . . . vo connuim eklo atmik ghadianxim vinchar corta vo ghadianchim bhakitam corta to evarik bhaknar vo connuim eklo melolleanxim vinchar corta” tankam.—Dusri sumurt 18:10-12; Galasiekarank 5:19-21; Prokasnni 21:8.

Ghadiponn eka munxak deuncharachea dobava khala hadta decun, tachim soglim cortubam zavum kitlim pasun tim mouzechim vo ojapachim, tim porro cor. Tea cortubant sambavleat christal-ball pollovop, Ouija boardacho upeg, ESP, ekleachea hatacheo volli parkivop (palmistry) ani khagol xaxtr. Deucharanim zea ghorant aplem thikann kela thuim avaz ani bhoutik ojapam keleat.

Tantunt bhor ghalun, noxtea atmeanim munxanchi patki sonvoim bhandvoll kelea fudem ghalun pustokam, cenema,  ani televisiona zache bhag zavn asat onoitik ani osombhavik laingik chalavoll. Deunchar zannant khottim chitnam monantulean bhair marinam zalear pusonk zainam toslo chap tim monacher martelim ani munxank onoitik ponnan cholonk fudem sartelim munnon—zeaporim Deunchar khud cortat.—Utpoti 6:1, 2; 1 Tesalonikkarank 4:3-8; Judas 6.

Khorem, zaite zann hea sounsarachem raz duratme cholloitat hea colponecher moscoreo corit. Punn tancho ovisvas ojap corina zednam Bible sangta: “Soitan legun uzvaddachea dutachem sovong gheta.” (2 Korintkarank 11:14) To ani tache duratme khoreanich ostitvant asat, hea puraveak zaiteank curde corop hem tachem sogleam poros hod xanne ponnachem fottovop zavn asa. Punn fotvo nakat! Deunchar ani tache duratme khore asat, ani tankam xegit portikar corpachi tumcam goroz asa.—1 Pedru 5:8, 9.

Sontos bhogta, atam vell laginch pavla zednam Soitan ani tache zaite sangathi nanch zavun vochpacho! “Sounsar [tachea duratmea razam soit] nam zatolo,” Bible khatri dita, “Punn zo conn Devachi khoxi corta to sasnnank urtolo.” (1 Juanv 2:17) Cosli sutka ti zatoli que to soitani dobav cadun vodoilea uprant! Tea pasot, ami ghodie, Devachi khoxi cortat tanchea modem asom eta ani Devachea nitivont novea sounsarant sasnachi zinn bhogum eta.—Stotram 37:9-11, 29; 2 Pedru 3:13; Prokasnni 21:3, 4.

Zorui tori suchounni divunk nam zalear soglim Bible avatarannam New World Translation of the Holy Scriptures hantutlim asat.

[Pan 4-acher aslolo vixoi]

Tacheo noim zalear Soitan Jesuk sounsaracheo heo sagleo razvotkeo dita aslo cai?