Bibleacho Sondhex —Thoddi Mukhel Sozmonni
Jehovah Dev Adanv anink Eve-k bhuimkuttant sasnnak jieunk rochta. Soitan Devacher arop ghalta ani Tachea raz-odhikaracher proxn ubarta. Soitana sangata Adanv ani Eve Devacher virodh vetat ani patok korun apleak anink aple sonsoticher moronn haddtat
Jehovah virodheank formonn marta ani ek Soddvonndar vo Bim ietolem mhonn bhasaita, zo Soitanak mostitolo, Devak virodh ani patok korun vaitt porinam zaleat te nanch kortolo
Jehovah Abrahamank ani Davidak bhas dita ki te Bim-ache vo Mesiasache purvoz zatele, zo Raza sasnnak raz choloitolo
Jehovah provadeam udexim bhakit korta ki Mesias patok ani moronn kaddun uddoitolo. Devachea Rajacho Raza zavun Mesias aplea sangati razam borobor raz kortolo ani tem Raz zhuzam, pest pidda ani moronn porian na kortelem
Jehovah aplea Putak prithumecher dhaddta ani Jezuch Mesias mhonn govai dita. Jezu Devachem Raj porgott korta ani xevottak aplea jivitachem bolidan dita. Magir Jehovah atmik kuddin taka novean jivont korta
Jehovah aplea Putak Sorgant Raza korta ani tedna thaun hea kallache xevottache nimanne dis suru zale. Ak’khea sonvsarant Devachem raz porgott korunk Jezu aplea xisank adar korta
Jehovah aplea Putak prithumecher razvott cholounk odhikar dita. Hem Raz sogllea khottea rajeancho churo kortolem, bhuimkutt sthaptolem ani visvaxi monxank sompurnnaiek haddtolem. Monxancher raz korpak fokot Jehovahkuch odhikar asa hem To siddh kortolo ani Tachea nanva vhelo arop pois korun tem sasnnak povitr kortolo