Melolim Khorench Portun Jietolim?
Tum kitem mhunntta . . .
-
hoi?
-
nam?
-
ghoddiek zait?
BIBLE HACHE VIXIM KITEM SANGTA
‘Melolim portun utt’thelim.’—Itihas 24:15, Povitr Pustok.
HEM ZANNAM ZAL’LEAN TUKA KITEM MELLTTA
Mogache mortat tednam, buzvonn.—2 Korintkarank 1:3, 4.
Mornnachea bhirantin jieteleank suttka.—Hebrevank 2:15.
Melolim mogachim munxam tumkam portun melltolim mhunn khori axa.—Juanv 5:28, 29.
BIBLE KITEM SANGTA TEM AMI KHOREANINCH PATIEUNK ZATA?
Hoi, tin karonnank lagon:
-
Dev jivitacho rochnnar. Bible Jehova Devak “jivitachi zhor” mhunnta. (Stotram 36:9; Itihas 17:24, 25) Soglleo jiveo vostu tannench rochleat dekhun taka, melloleank portun jivont korpachi xokti asa.
-
Adlea kallar Devan mel’lea munxank jivont kelim. Mel’leank Devan sonvsarant portun jivont kel’leo aatth ghoddnneo Bible-ant asat. Tantuntle thodde lok tornnatte, zanntte, daddle, ani bailo asleo. Thoddea mel’leank rokddech jivont kele, punn ekleak, moron char dis zalea uprant jivont kelo.—Juanv 11:39-44.
-
Dev portun oxem korpak axeta. Jehova mornnacho dves korta; tache nodrent moronn ek dusman. (1 Korintkarank 15:26) Meloleank portun jivit diun, moronn kaddun uddounk, Dev axeta. Tachea ugddasant asat tankam heach sonvsaracher portun haddun, jivit diunk To axeta.—Job 14:14, 15.
HACHE VIXIM CHITAT
Ami zannttim zaun kiteak mortat?
Hea proxnnacho zobab Bible-ant UTPOTI 3:17-19 ani ROMKARANK 5:12-ant mellta.
Tumkam Hem-ui Avoddttolem
ESSENTIAL BIBLE TEACHINGS
Melea Uprant Amchem Kitem Zata?
Lazara bhaxen zaite melole lok jivont zatole, toslea eka vella vixim Bible bhasaita.
AMCHEA VIXIM
Bible Kiteak Xikonk Zai?
Sonvsarbhor lok Jehovache Sakxeank, tanchea funkott Bible xikoupachea kariavollik lagon vollkhota. Hi manddavoll koxi cholta ti polloiat.
