ODHEAI 05
Bible-ant Devacho Sondex Asa
Jehova Devan amkam khub borem dennem dilam. Tem mhunnttlear Bible. Tantunt lhan-lhan 66 pustokam asat. Punn Devan hem dennem munxank koxem dilem? Hea prosnacho zobab ami hea odheai-ant polloum-ia.
1. Bible munxamnim boroila zalear tantunt Devacho sondex asa oxem ami kiteak mhunnonk zata?
Bible sumar 40 munxamnim boroila. Tantuntlem poilem pustok sumar 3,500 (1513 K.X.A.) vorsam adim ani nimannem pustok sumar 1,900 (98 K.X.) vorsam adim boroilʼlem. Tor, Bible-achim soglim pustokam borounk sumar 1,600 vorsam laglim. Bible-ache thodde boroupi gonvlli, kharvi vo raza asle. Torui, eka pustokant umkench boroilam ani dusrea pustokant boltench boroilam oxem na. (1 Tesalonikekarank 2:13 vachat.) Karonn Bible boroupeamnim Bible-ant aple vichar nhoi, punn “Devachea povitr xoktechea margdorxona pormonnem” boroilam mhunn kolltta. (2 Pedru 1:21) Tor, Devan povitr xokte udexim tankam aple vichar kolloile ani tannim te boroile.—2 Timotak 3:16.
2. Aiz Bible konna-konnank vachunk melltta?
“Dor eka raxttrachea, kullachea, bhaxechea ani zatichea lokank” Bible-antlo sondex mellttolo mhunn Devan adinch sanglolem. (Prokasovnni 14:6 vachat.) Devache khuxe pormonnem Bible aiz zaitea bhasamnim asa. Itlea bhasamnim ani khoinchech pustok bhaxantor zaunk na. Ek munis khoinchea-i desantlo zaum, to apleak zai te bhaxent Bible vachunk xokta.
3. Jehova Devan Bible koso samballʼllo?
Bible-achem borovop chambddeacher vo her vostuncher kelʼlem jeo chodd temp ttikon uro nasleo. Tor, Devacho mog kortoleamnim tantuntlim utram bariksannen dusrea vostuncher boroilim. Toxench, Bible-achem bhaxantor zaunchem nhoi ani to lokank mellcho nhoi mhunn thoddea odhikareamnim ani dhormik fuddareamnim khub proitn kelo. Punn thoddea lokamnim Bible-acho samball korunk aplo jiv pasun dhokeant ghatlo. Bible-acho konnuch nas korunk xoklo na karonn Devan to samballun dovorlo. Hoi, “Amchea Devachem utor togta sodam-sorvodam.”—Izaias 40:8.
KHOLAIEN XIKAT
Devan Bible borounk munxank koxe uzar kele, tannem Bible-acho koso samball kelo ani to sogleank mellonk tannem kitem kelem tem zannam zaiat.
4. Bible Devachem Utor
VIDEO polloum-ia. Uprant 2 Timotak 3:16 vachun sokol dilʼlea prosnanche zobab zannam zaum-ia.
-
Bible munxamnim boroila zalear taka Devachem Utor kiteak mhunnttat?
-
Dev aplim chintnam munxank sangonk xokta kai? Tumkam kitem dista?
Ek patranv aplea khala kam kortoleak chitt borounk sangta. Tor, tantunt boroila to sondex patranvacho zaun asa. Tech bhaxen, Bible munxamnim boroila, punn tantuntlo sondex Deva thaun asa
5. Konnuch Bible-acho nas korunk xoklo na
Devan munxam khatir Bible aiz pasun samballun dovorla. Lokamnim Bible vachlolo dhormik fuddareank ani her odhikareank naka aslem mhunn itihas dakhoita. Tannim Bible-acho nas korunk pasun khub proitn kelo. Punn, thoddea lokamnim aplo jiv dhokeant ghalun Bible samballʼllo. Oslea eka munxa vixim zannam zaunk, VIDEO polloun sokol dilʼlea prosnanche zobab zannam zaum-ia.
-
Ho video polloun Bible vachunk tumkam urba mellʼlli? Kiteak?
Stotr 119:97 vachun hea prosnacho zobab zannam zaum-ia:
-
Bible bhaxantor korunk ani to lokank mello-so korunk thoddeamnim aplo jiv dhokeant kiteak ghatlo?
6. Soglea lokam khatir ek pustok
Bible soglea pustokam poros chodd bhasamnim bhaxantor kela ani soglea desantlea lokam lagim asa. Itihas 10:34, 35 vachun hea prosnanche zobab zannam zaum-ia:
-
Bible chodd ani chodd bhasamnim bhaxantor zauncho ani soglea lokank mellcho mhunn Devak kiteak zai?
-
Bible-a vixim tumkam kitem avoddtta?
Sonvsarantlo sumar
100%
lok
tankam somzota tea bhaxent Bible vachunk xokta
Akʼkho Bible vo tacho thoddo bhag sumar
3,000
bhasamnim
vachunk melltta
Bible-achi chhapnni atam porian sumar
5,00,00,00,000
mhunnche painxim kotti zalea. Dusrem khoinchench pustok itlem chhaplolem na
THODDO LOK MHUNNTTA: “Bible ek adlem pustok ani tem munxamnim boroilam.”
-
Tumkam kitem dista?
-
Bible Devachem Utor mhunnonk kosle purave asat?
KITEM XIKLIM
Bible Devachem Utor ani tem sogleank mellʼllolem Devak zai.
Porot Ugddas Korum-ia
-
Bible Devachea preronnan boroila mhunnttlear kitem?
-
Tumi Bible-a vixim jem xiklim tantuntlem tumkam kitem avoddlem?
-
Tumkam lagon Devan Bible aiz pasun samballun dovorla hem zannam zaun tumkam koxem dista?
ANIK SODHAT
Adlea hostolekam thaun atanchea bhaxantora porian Bible-acho itihas zannam zaiat.
Bible-ak tin dhoke asle, tori astana Bible amche-xim koso pavlo tem zannam zaiat.
Bible-achem bhaxantor korunk thoddeamnim koslea oddchonneancho fuddo kelo tem zannam zaiat.
Bible zaite pavtti hatamnim boroila ani bhaxantor kela. Tor, tantuntlo sondex bodlonk na mhunn ami koxi khatri dovrunk zata?
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
