ગીતશાસ્ત્ર ૧૦૬:૧-૪૮
૧૦૬ યાહનો જયજયકાર કરો!*
યહોવાનો આભાર માનો, કેમ કે તે ભલા છે.+
તેમનો અતૂટ પ્રેમ* કાયમ ટકે છે.+
૨ યહોવાનાં બધાં પરાક્રમી કાર્યો કોણ જાહેર કરી શકે?
તેમનાં બધાં પ્રશંસાપાત્ર કામો વિશે કોણ જણાવી શકે?+
૩ એ લોકો સુખી છે, જેઓ ન્યાયથી વર્તે છેઅને હંમેશાં ખરું જ કરે છે.+
૪ હે યહોવા, તમે પોતાના લોકો પર કૃપા કરો ત્યારે મને યાદ રાખજો.+
મારો ઉદ્ધાર કરજો અને મારી સંભાળ રાખજો,
૫ જેથી તમારા પસંદ કરેલાઓને બતાવેલી ભલાઈનો આનંદ હું પણ માણી શકું.+
તમારી પ્રજા સાથે ખુશી મનાવી શકું,તમારા સેવકો* સાથે ગર્વથી તમારી સ્તુતિ કરી શકું.
૬ અમારા બાપદાદાઓની જેમ અમે પણ પાપ કર્યાં છે.+
અમે ખરાબ કામો કર્યાં છે, દુષ્ટતા કરી છે.+
૭ અમારા બાપદાદાઓએ ઇજિપ્તમાં તમારાં અદ્ભુત કામોની કદર કરી નહિ.*
તમારો અતૂટ પ્રેમ તેઓ ભૂલી ગયા
અને સમુદ્ર પાસે, હા, લાલ સમુદ્ર પાસે તેઓએ બળવો પોકાર્યો.+
૮ તોપણ તેમણે પોતાના નામને લીધે તેઓને બચાવ્યા,+જેથી તેમનું સામર્થ્ય દેખાય.+
૯ તેમણે લાલ સમુદ્રને ધમકાવ્યો અને એ સુકાઈ ગયો.
તે તેઓને એના ઊંડાણમાં થઈને લઈ ગયા, જાણે તેઓ રણમાં* ચાલતા હોય.+
૧૦ તેમણે તેઓને દુશ્મનોના હાથમાંથી બચાવ્યા+અને વેરીઓના પંજામાંથી છોડાવ્યા.+
૧૧ તેઓના દુશ્મનો પર પાણી ફરી વળ્યુંઅને એકેય બચ્યો નહિ.+
૧૨ પછી તેઓએ તેમના વચન પર ભરોસો મૂક્યો.+
તેઓ તેમની સ્તુતિનું ગીત ગાવા લાગ્યા.+
૧૩ પણ તેઓ તરત તેમનાં કામો ભૂલી ગયા.+
તેઓએ તેમના માર્ગદર્શનની રાહ ન જોઈ.
૧૪ વેરાન પ્રદેશમાં તેઓ સ્વાર્થી ઇચ્છાઓને તાબે થયા.+
રણમાં તેઓએ ઈશ્વરની કસોટી કરી.+
૧૫ તેમણે તેઓની માંગ પ્રમાણે આપ્યું.
પણ પછી તેમણે એવી ખતરનાક બીમારી મોકલી, જેનાથી તેઓ કમજોર થઈને મરી ગયા.+
૧૬ તેઓએ છાવણીમાં મૂસાની અદેખાઈ કરી,યહોવાના પવિત્ર સેવક+ હારુનની+ અદેખાઈ કરી.
૧૭ પછી પૃથ્વીએ મુખ ઉઘાડ્યું અને દાથાનને ગળી ગઈ,અબીરામ અને તેની સાથેના લોકોને ભરખી ગઈ.+
૧૮ તેઓના ટોળા પર અગ્નિ ઊતરી આવ્યો,જ્વાળા એ દુષ્ટોને સ્વાહા કરી ગઈ.+
૧૯ હોરેબમાં તેઓએ ધાતુમાંથી વાછરડાની મૂર્તિ* બનાવી
અને એની આગળ નમન કર્યું.+
૨૦ તેઓએ મને મહિમા આપવાને બદલે,ઘાસ ખાનાર વાછરડાની મૂર્તિને મહિમા આપ્યો.+
૨૧ તેઓ પોતાને બચાવનાર ઈશ્વરને ભૂલી ગયા,+જેમણે ઇજિપ્તમાં મોટાં મોટાં કામો કર્યાં હતાં.+
૨૨ તેમણે હામના દેશમાં ચમત્કારો કર્યા હતા,+લાલ સમુદ્ર પાસે જોરદાર કામો કર્યાં હતાં.+
૨૩ તે તેઓના સર્વનાશનો હુકમ આપવાની તૈયારીમાં હતા,પણ મૂસા વચમાં પડ્યો, જેને તેમણે પસંદ કર્યો હતો.
તેમનો વિનાશક રોષ તેણે શાંત પાડ્યો.+
૨૪ પછી પસંદ પડે એવો દેશ તેઓએ તુચ્છ ગણ્યો.+
તેઓને તેમના વચનમાં જરાય ભરોસો ન હતો.+
૨૫ તેઓ પોતાના તંબુઓમાં કચકચ કરતા રહ્યા.+
તેઓએ યહોવાની વાત જરાય માની નહિ.+
૨૬ એટલે તેમણે હાથ ઊંચો કરીને તેઓ વિશે સોગંદ લીધા કે,તે તેઓને વેરાન પ્રદેશમાં મોતને હવાલે કરશે.+
૨૭ તે તેઓના વંશજોને બીજી પ્રજાઓમાં મરણ પામવા દેશે,તે તેઓને બીજા દેશોમાં વેરવિખેર થઈ જવા દેશે.+
૨૮ પછી તેઓ પેઓરના બઆલની* પૂજા કરવા લાગ્યા,+તેઓ ગુજરી ગયેલા લોકોને ચઢાવેલાં બલિદાનો* ખાવા લાગ્યા.
૨૯ તેઓએ એવાં કામો કર્યાં કે ઈશ્વરનો ક્રોધ ભભૂકી ઊઠ્યો.+
તેઓમાં રોગચાળો ફાટી નીકળ્યો.+
૩૦ પણ ફીનહાસ આગળ આવ્યો અને વચમાં પડ્યો ત્યારે,એ રોગચાળો બંધ થયો.+
૩૧ એના લીધે તે પેઢીઓની પેઢીઓ સુધી,હા, કાયમ માટે નેક ગણાયો.+
૩૨ તેઓએ મરીબાહના* પાણી પાસે ઈશ્વરને ઉશ્કેર્યા.
તેઓના લીધે મૂસા માટે મોટી મુસીબત ઊભી થઈ.+
૩૩ તેઓના લીધે તેનું મન ખાટું થઈ ગયુંઅને તે વગર વિચાર્યું બોલ્યો.+
૩૪ યહોવાએ તેઓને આજ્ઞા કરી હતી તેમ,+તેઓએ લોકોનો વિનાશ કર્યો નહિ.+
૩૫ પણ તેઓ બીજી પ્રજાઓમાં ભળી ગયા+અને તેઓના રીતરિવાજો પાળવા લાગ્યા.+
૩૬ તેઓની મૂર્તિઓને તેઓ પૂજવા લાગ્યા.+
એ તેઓ માટે ફાંદો બની ગઈ.+
૩૭ તેઓ દુષ્ટ દૂતોને*પોતાનાં દીકરા-દીકરીઓનાં બલિદાનો ચઢાવવા લાગ્યા.+
૩૮ તેઓએ નિર્દોષ લોહી,+હા, પોતાનાં દીકરા-દીકરીઓનું લોહી વહેવડાવ્યું,કનાનની મૂર્તિઓને તેઓનાં બલિદાનો ચઢાવ્યાં.+
તેઓએ લોહીથી આખો દેશ અશુદ્ધ કર્યો.
૩૯ તેઓ પોતાનાં કામોથી ભ્રષ્ટ થયા.
તેઓ પોતાનાં કાર્યોથી ઈશ્વરને બેવફા બન્યા.*+
૪૦ એટલે યહોવાનો ક્રોધ પોતાના લોકો પર સળગી ઊઠ્યો,તેમને તેઓથી* નફરત થઈ ગઈ.
૪૧ તેમણે તેઓને વારંવાર બીજી પ્રજાઓના હાથમાં સોંપી દીધા,+જેથી તેઓને ધિક્કારનારા તેઓ પર રાજ કરે.+
૪૨ તેઓના દુશ્મનોએ ભારે જુલમ ગુજાર્યોઅને તેઓએ વેરીઓની સત્તાને તાબે થવું પડ્યું.
૪૩ તેમણે તેઓને કેટલી બધી વાર છોડાવ્યા!+
પણ તેઓ બંડ પોકારીને આજ્ઞા તોડતા+અને તેઓએ પોતાની ભૂલનાં પરિણામ ભોગવવાં પડતાં.+
૪૪ પણ તે તેઓની વેદના જોતા+અને મદદ માટેનો તેઓનો પોકાર સાંભળતા.+
૪૫ તેઓના લીધે તે પોતાનો કરાર યાદ કરતા,તેમને પોતાના પુષ્કળ પ્રેમને* લીધે તેઓ પર દયા આવતી.+
૪૬ તેઓને ગુલામીમાં લઈ જનારાઓનાં+ દિલમાંતે હમદર્દી જગાડતા.
૪૭ હે યહોવા અમારા ઈશ્વર, અમને બચાવો.+
પ્રજાઓમાંથી અમને ભેગા કરો,+જેથી અમે તમારા પવિત્ર નામનો આભાર માનીએઅને જોરશોરથી તમારી સ્તુતિ ગાઈએ.+
૪૮ યુગોના યુગો સુધી,+ઇઝરાયેલના ઈશ્વર યહોવાના ગુણગાન ગાવામાં આવે.
બધા લોકો કહે, “આમેન!”*
યાહનો જયજયકાર કરો!*
ફૂટનોટ
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.
^ મૂળ, “વારસા.”
^ અથવા, “અર્થ સમજ્યા નહિ.”
^ અથવા, “વેરાન પ્રદેશમાં.”
^ અથવા, “ઢાળેલી મૂર્તિ.”
^ એટલે કે, ક્યાં તો મરેલા લોકોને અથવા નિર્જીવ દેવોને ચઢાવેલાં બલિદાનો.
^ અર્થ, “ઝઘડો.”
^ અથવા, “તેઓએ બીજા દેવોને ભજીને જાણે વેશ્યાગીરી કરી.”
^ મૂળ, “વારસાથી.”
^ અથવા, “અતૂટ પ્રેમને.”
^ અથવા, “એમ થાઓ!”
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.