ગીતશાસ્ત્ર ૧૧૩:૧-૯
૧૧૩ યાહનો જયજયકાર કરો!*
હે યહોવાના ભક્તો, સ્તુતિ કરો.
યહોવાના નામની સ્તુતિ કરો.
૨ આજથી લઈને યુગોના યુગો સુધી+યહોવાના નામના ગુણગાન ગાવામાં આવે.
૩ સૂરજ ઊગે ત્યારથી લઈને આથમે ત્યાં સુધી,યહોવાના નામનો જયજયકાર કરો.+
૪ બધી પ્રજાઓમાં યહોવા સૌથી મહાન છે.+
તેમનું ગૌરવ તો આકાશો કરતાં પણ ઊંચું છે.+
૫ યહોવા આપણા ઈશ્વર જેવું બીજું કોણ છે?+
તે તો ઉપર ઊંચાણમાં રહે છે.*
૬ તે નીચા નમીને આકાશ અને પૃથ્વીને જુએ છે.+
૭ તે દીન-દુખિયાને ધૂળમાંથી ઉઠાવે છે.
તે ગરીબને ઉકરડામાંથી* ઉપાડે છે,+
૮ જેથી તેને રાજવીઓ સાથે બેસાડે,હા, ઈશ્વરના લોકોના રાજવીઓ સાથે બેસાડે.
૯ ઈશ્વર વાંઝણી સ્ત્રીનું ઘર આબાદ કરે છે,તેને સંતાનનું સુખ આપે છે.+
યાહનો જયજયકાર કરો!*
ફૂટનોટ
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.
^ અથવા, “તે રાજ્યાસન પર બિરાજે છે.”
^ અથવા, “રાખના ઢગલામાંથી.”
^ અથવા, “હાલેલુયાહ!” યહોવા નામનું ટૂંકું રૂપ “યાહ” છે.
