ગીતશાસ્ત્ર ૧૨૨:૧-૯
ચઢવાનું ગીત. દાઉદનું ગીત.
૧૨૨ તેઓએ મને કહ્યું, “ચાલો, આપણે યહોવાના મંદિરે જઈએ,”
ત્યારે મને ઘણી ખુશી થઈ.+
૨ હે યરૂશાલેમ, હવે તો અમારાં પગલાંતારા દરવાજામાં પડ્યાં છે.+
૩ યરૂશાલેમ એવું શહેર છે,જે હારબંધ મકાનોથી બંધાયેલું છે.+
૪ ઇઝરાયેલને અપાયેલા નિયમ પ્રમાણે,યહોવાના નામનો આભાર માનવાઇઝરાયેલનાં કુળો, હા, યાહનાં* કુળોઉપર ચઢીને એ શહેરમાં ગયાં છે.+
૫ ન્યાયનાં રાજ્યાસનો,+દાઉદના ઘરનાં રાજ્યાસનો ત્યાં ગોઠવેલાં હતાં.+
૬ યરૂશાલેમની શાંતિ માટે પ્રાર્થના કરો.+
હે શહેર, તને ચાહનારાઓ સલામત રહેશે.
૭ તારી અડીખમ દીવાલોમાં કાયમ શાંતિ રહે,તારા મજબૂત મહેલોમાં સલામતી રહે.
૮ મારા ભાઈઓ અને સાથીદારોને લીધે હું કહીશ:
“તારામાં શાંતિ ફેલાયેલી રહે.”
૯ આપણા ઈશ્વર યહોવાના મંદિરને લીધે+હું તારા ભલા માટે પ્રાર્થના કરીશ.
ફૂટનોટ
^ યહોવા નામનું ટૂંકું રૂપ “યાહ” છે.