ગીતશાસ્ત્ર ૧૪૩:૧-૧૨
દાઉદનું ગીત.
૧૪૩ હે યહોવા, મારી પ્રાર્થના સાંભળો,+મદદ માટેની મારી અરજને કાન ધરો.
મને જવાબ આપો, કેમ કે તમે વફાદાર અને નેક છો.
૨ તમારા આ સેવક પર મુકદ્દમો ચલાવશો નહિ,કેમ કે કોઈ પણ માણસ તમારી આગળ નેક ઠરી શકતો નથી.+
૩ દુશ્મન મારો પીછો કરે છે.
તેણે મને ભોંયભેગો કરીને કચડી નાખ્યો છે.
લાંબા સમયથી મરણ પામેલા લોકોની જેમ,મને અંધકારમાં નાખી દીધો છે.
૪ હું કમજોર થતો જાઉં છું,+મારું મન ઉદાસ થઈ ગયું છે.+
૫ હું વીતેલા દિવસો યાદ કરું છું,તમારાં બધાં કાર્યો પર વિચાર કરું છું.+
હું તમારા હાથનાં કામો પર મનન* કરું છું.
૬ હું તમારી આગળ હાથ ફેલાવું છું.
હું સૂકી વેરાન જમીન જેવો છું અને તમારા માટે તરસું છું.+ (સેલાહ)
૭ હે યહોવા, મને જલદી જવાબ આપો.+
મારી શક્તિ ખૂટી ગઈ છે.+
મારાથી તમારું મુખ ફેરવી ન લેશો,+નહિ તો હું કબરમાં* ઊતરી જનાર જેવો થઈ જઈશ.+
૮ મને સવારે તમારા અતૂટ પ્રેમ વિશે જણાવો,કેમ કે હું તમારા પર ભરોસો રાખું છું.
કયા માર્ગે ચાલવું એ મને જણાવો,+કેમ કે હું તમારા તરફ મીટ માંડું છું.
૯ હે યહોવા, દુશ્મનોથી મને છોડાવો,તેઓથી મારું રક્ષણ કરો.+
૧૦ મને તમારી ઇચ્છા પ્રમાણે ચાલતા શીખવો,+કેમ કે તમે મારા ઈશ્વર છો.
તમે ભલા છો;તમારી શક્તિ મને નેકીના દેશમાં* દોરી જાય.
૧૧ હે યહોવા, તમારા નામને લીધે મને જીવતો રાખો.
મને મુશ્કેલીઓમાંથી છોડાવો, કેમ કે તમે નેક છો.+
૧૨ તમારા અતૂટ પ્રેમને લીધે મારા દુશ્મનોનો સંહાર કરો.+
મને સતાવનારા લોકોનો નાશ કરો,+કેમ કે હું તમારો સેવક છું.+
