ગીતશાસ્ત્ર ૨૬:૧-૧૨
દાઉદનું ગીત.
૨૬ હે યહોવા, મારો ન્યાય કરો, કેમ કે હું નિર્દોષ* રીતે ચાલું છું.+
યહોવા પર મારો ભરોસો અડગ છે.+
૨ હે યહોવા, મને ચકાસો અને મારી કસોટી કરો.
મારા અંતરના વિચારો* અને મારું દિલ શુદ્ધ કરો.+
૩ તમારો અતૂટ પ્રેમ* હંમેશાં મારી નજર આગળ છે,હું તમારા સતના પંથે ચાલું છું.+
૪ હું કપટી માણસોની દોસ્તી રાખતો નથી+અને ઢોંગી માણસો સાથે હળતો-મળતો નથી.*
૫ ખરાબ માણસોની સંગત હું ધિક્કારું છું+અને દુષ્ટ માણસથી તો હું દૂર જ રહું છું.+
૬ હે યહોવા, હું નિર્દોષ છું એ સાબિત કરવા મારા હાથ ધોઈશઅને તમારી વેદીની* આસપાસ ફરીશ,
૭ જેથી હું મોટેથી તમારી આભાર-સ્તુતિ કરું+અને તમારાં બધાં મહાન કામો જાહેર કરું.
૮ હે યહોવા, તમે રહો છો એ મંદિર મને ખૂબ પ્રિય છે,+જેના પર તમારું ગૌરવ છવાયેલું રહે છે.+
૯ પાપીઓ સાથે મારો પણ નાશ ન કરતા,+ખૂની માણસો સાથે મને પણ મિટાવી ન દેતા.
૧૦ તેઓના હાથ શરમજનક કામો કરતા રહે છેઅને તેઓનો જમણો હાથ લાંચથી ભરેલો છે.
૧૧ પણ મેં નક્કી કર્યું છે કે હું નિર્દોષ* રીતે ચાલીશ,મને છોડાવી લો અને કૃપા બતાવો.
૧૨ હું સલામત જગ્યાએ ઊભો છું,+ભક્તોના ટોળામાં હું યહોવાનો જયજયકાર કરીશ.+
ફૂટનોટ
^ અથવા, “પ્રમાણિક.” શબ્દસૂચિમાં “પ્રમાણિક” જુઓ.
^ અથવા, “મારી ઊંડી લાગણીઓ.” મૂળ, “મારાં મૂત્રપિંડો.”
^ અથવા, “પોતાની ઓળખ છુપાવનારાને ટાળું છું.”
^ અથવા, “પ્રમાણિક.” શબ્દસૂચિમાં “પ્રમાણિક” જુઓ.
