ગીતશાસ્ત્ર ૨૭:૧-૧૪
દાઉદનું ગીત.
૨૭ યહોવા મારું અજવાળું+ અને મારો ઉદ્ધાર છે,તો પછી મને કોનો ડર?+
યહોવા મારા જીવનનો કિલ્લો છે,+તો પછી મને કોનો ભય?
૨ જ્યારે દુષ્ટ માણસોએ મને ખતમ કરવા હુમલો કર્યો,+ત્યારે મારા વેરીઓ અને મારા શત્રુઓ પોતે જ ઠોકર ખાઈને પડ્યા.
૩ મારી વિરુદ્ધ ભલે આખું લશ્કર છાવણી નાખે,તોપણ મારું દિલ ગભરાશે નહિ.+
મારી વિરુદ્ધ ભલે યુદ્ધ ફાટી નીકળે,તોપણ મારો ભરોસો અડગ રહેશે.
૪ યહોવાને મારી એક વિનંતી છે,મારી એક તમન્ના છે કે,જિંદગીના બધા દિવસો હું યહોવાના મંદિરમાં રહું;+હું યહોવાની ભલાઈ પર મનન કરુંઅને આદરભાવથી* તેમનું મંદિર જોયા કરું.+
૫ સંકટના દિવસે તે મને પોતાના તંબુમાં સંતાડી દેશે.+
તે મને તેમના મંડપમાં છુપાવી દેશે.+
તે મને ઊંચા ખડક પર લઈ જશે.+
૬ મને ઘેરી વળેલા દુશ્મનો પર મારી જીત થાય છે.
હું ખુશીનો પોકાર કરતાં કરતાં તેમના મંડપમાં બલિદાનો ચઢાવીશ.
હું ગીતો ગાતાં ગાતાં યહોવાની સ્તુતિ કરીશ.*
૭ હે યહોવા, મારો પોકાર સાંભળજો,+મારા પર રહેમ કરજો, મને જવાબ આપજો.+
૮ મારું દિલ તમારી આજ્ઞા યાદ કરે છે:
“મારી કૃપા* શોધ.”
હે યહોવા, હું તમારી કૃપા શોધીશ.+
૯ મારાથી તમારું મુખ ફેરવી ન લેતા,+ગુસ્સે ભરાઈને તમારા ભક્તને કાઢી ન મૂકતા.
તમે જ મને સહાય કરનાર છો.+
હે મારા ઉદ્ધારના ઈશ્વર, મારો ત્યાગ ન કરતા, મને છોડી ન દેતા.
૧૦ ભલે મારાં માતા-પિતા મારો ત્યાગ કરે,+પણ યહોવા મારી સંભાળ રાખશે.+
૧૧ હે યહોવા, મને તમારો માર્ગ શીખવો,+સાચા* માર્ગે દોરીને દુશ્મનોથી મારું રક્ષણ કરો.
૧૨ મને મારા વેરીઓના હાથમાં સોંપી ન દો,+કેમ કે મારી વિરુદ્ધ જૂઠા સાક્ષીઓ ઊભા થયા છે+અને તેઓ મારઝૂડ કરવાની ધમકી આપે છે.
૧૩ હું મારા જીવનમાં યહોવાની ભલાઈ જોઈશ,એવી શ્રદ્ધા મારામાં ન હોત તો હું ક્યાં હોત?*+
૧૪ યહોવામાં આશા રાખો.+
હિંમત રાખો અને મન મક્કમ કરો.+
હા, યહોવામાં આશા રાખો.
ફૂટનોટ
^ અથવા, “ધ્યાનથી.”
^ અથવા, “સ્તુતિ કરવા સંગીત વગાડીશ.”
^ મૂળ, “મારું મુખ.”
^ અથવા, “ન્યાયીપણાના.” શબ્દસૂચિમાં “ન્યાયી” જુઓ.
^ અથવા કદાચ, “મને ચોક્કસ શ્રદ્ધા છે કે મારા જીવનમાં યહોવાની ભલાઈ જોઈશ.”
