ગીતશાસ્ત્ર ૪૮:૧-૧૪
કોરાહના દીકરાઓનું ગીત.+
૪૮ આપણા ઈશ્વરના શહેરમાં, તેમના પવિત્ર પર્વત પરયહોવા જ મહાન છે અને સૌથી વધારે સ્તુતિને યોગ્ય છે.
૨ દૂર ઉત્તરે આવેલો સિયોન પર્વતમહાન રાજાનું શહેર છે.+
ઊંચાઈ પર વસેલું એ શહેર ખૂબ સુંદર છે. એ આખી પૃથ્વીને આનંદ આપે છે.+
૩ એ શહેરના મજબૂત મિનારાઓમાંઈશ્વરે જાહેર કર્યું છે કે પોતે સલામત આશરો* છે.+
૪ જુઓ, રાજાઓ ભેગા થયા છે,તેઓ એકસાથે ચઢી આવ્યા છે.
૫ પણ શહેરને જોઈને તેઓ દંગ રહી ગયા.
તેઓ ગભરાઈ ગયા અને ડરના માર્યા નાસી છૂટ્યા.
૬ તેઓ ભયથી થરથર કાંપવા લાગ્યા,બાળકને જન્મ આપતી સ્ત્રીના જેવી તેઓને પીડા થઈ.
૭ પૂર્વથી વંટોળ લાવીને તમે તાર્શીશનાં વહાણો તોડી પાડ્યાં.
૮ અમે જે સાંભળ્યું હતું એ હવે નજરોનજર જોયું છે.
ઈશ્વરના શહેરમાં, સૈન્યોના ઈશ્વર યહોવાના શહેરમાં એ જોયું છે.
ઈશ્વર એ શહેરનું કાયમ માટે રક્ષણ કરશે.+ (સેલાહ)
૯ હે ઈશ્વર, અમે તમારા મંદિરમાંતમારા અતૂટ પ્રેમ પર મનન કરીએ છીએ.+
૧૦ હે ઈશ્વર, તમારા નામની જેમ તમારી સ્તુતિ પણપૃથ્વીના છેડાઓ સુધી ગુંજે છે.+
તમારો જમણો હાથ સચ્ચાઈથી ભરેલો છે.+
૧૧ તમારા ન્યાયચુકાદાઓને લીધે,સિયોન પર્વત+ આનંદ કરોઅને યહૂદાનાં નગરો* ખુશી મનાવો.+
૧૨ સિયોન ફરતે કૂચ કરો, એની ચારે બાજુ પ્રદક્ષિણા કરો.
એના મિનારાઓની ગણતરી કરો.+
૧૩ એની અડીખમ દીવાલોનો વિચાર કરો,+એના મજબૂત મિનારાઓ પર ધ્યાન આપો,જેથી આવનાર પેઢીઓને તમે એ વિશે જણાવી શકો.
૧૪ આ ઈશ્વર સદાને માટે આપણા ઈશ્વર છે.+
તે સદાને માટે* આપણને દોરશે.+
