ગીતશાસ્ત્ર ૮૪:૧-૧૨
ગિત્તીથ* વિશે સંગીત સંચાલક માટે સૂચન. કોરાહના દીકરાઓનું ગીત.+
૮૪ હે સૈન્યોના ઈશ્વર યહોવા,મને તમારા ભવ્ય મંડપ પર ખૂબ પ્રેમ છે.+
૨ યહોવાનાં આંગણાં માટે+હું તડપું છું,હા, એના માટે ઝૂરી ઝૂરીને હું બેભાન થયો છું.
મારું તન-મન આનંદથી જીવતા ઈશ્વરનો જયજયકાર કરે છે.
૩ હે મારા રાજા, મારા ઈશ્વર!
હે સૈન્યોના ઈશ્વર યહોવા, તમારી ભવ્ય વેદી પાસેપક્ષીને પણ ઘર મળી રહે છે,અબાબીલ ત્યાં માળો બાંધે છેઅને પોતાનાં બચ્ચાંની સંભાળ રાખે છે.
૪ તમારા મંદિરમાં રહેનારાઓ કેટલા સુખી છે!+
તેઓ કાયમ તમારી સ્તુતિ કરે છે.+ (સેલાહ)
૫ એ લોકો સુખી છે, જેઓ તમારી પાસેથી શક્તિ મેળવે છે,+જેઓનાં દિલ તમારા મંદિરના માર્ગો પર જવાની તમન્ના રાખે છે.
૬ તેઓ બાકા ખીણમાંથી* પસાર થાય છે ત્યારે,એને જાણે ઝરાઓનો વિસ્તાર સમજે છે.
પહેલો વરસાદ એના પર આશીર્વાદો વરસાવે છે.*
૭ ડગલે ને પગલે તેઓનું બળ વધતું જાય છે.+
દરેક વ્યક્તિ ઈશ્વર આગળ સિયોનમાં હાજર થાય છે.
૮ હે સૈન્યોના ઈશ્વર યહોવા, મારી પ્રાર્થનાને કાન ધરો.
હે યાકૂબના ઈશ્વર, સાંભળો. (સેલાહ)
૯ હે અમારા ઈશ્વર, અમારી ઢાલ,+ ધ્યાન આપો.*
તમારા અભિષિક્તને કૃપા બતાવો.+
૧૦ હજાર દિવસો બીજે વિતાવવા કરતાં, તમારાં આંગણાંમાંનો એક દિવસ વધારે સારો છે!+
દુષ્ટોના તંબુઓમાં રહેવા કરતાં,મારા ઈશ્વરના મંદિરના ઉંબરા પર સેવા કરવાનું* હું વધારે પસંદ કરું છું.
૧૧ યહોવા ઈશ્વર સૂર્ય+ અને ઢાલ છે.+
તે કૃપા કરે છે અને ગૌરવ આપે છે.
જેઓ નિર્દોષ* રહીને જીવે છે,+તેઓથી યહોવા કોઈ પણ સારી ચીજ પાછી નહિ રાખે.
૧૨ હે સૈન્યોના ઈશ્વર યહોવા,તમારા પર ભરોસો રાખનાર માણસ સુખી છે.+
ફૂટનોટ
^ અથવા, “બાકા ઝાડીઓની ખીણમાંથી.”
^ અથવા કદાચ, “શિક્ષકનો જયજયકાર થાય છે.”
^ અથવા કદાચ, “હે ઈશ્વર, અમારી ઢાલ પર કૃપા બતાવો.”
^ મૂળ, “ઊભા રહેવાનું.”
^ અથવા, “પ્રમાણિક.” શબ્દસૂચિમાં “પ્રમાણિક” જુઓ.
