¿Jarai chi aluwataakai saaʼu wayuu sainküin mmaka?
Eeshii eekai namüin:
-
«Nia Maleiwa».
-
«Naya na wayuukana».
-
«Nia chi Yolujaakai».
¿Jamüsüjaʼa saaʼin pümüin?
TÜ SÜMAKAT TÜ BIBLIAKAT
«Aluʼusaʼa tü wayuukalüirua sainküinpünaa mmakat süpüshuaʼa, nia aluwataaka saaʼu chi kamaʼüraikai» (1 Juan 5:19, Traducción del Nuevo Mundo).
«Müshijeseʼe nüntüin chi Nüchonkai Maleiwa süpüla najaʼttirüinjatüin tü kasa mojusü naainjakat chi Yolujaakai» (1 Juan 3:8, Traducción del Nuevo Mundo).
¿JAMÜSÜ ANEETKA WAKUWAʼIPA WATÜJAALE SAAʼU TIA?
Watüjaajeerü aaʼu jamüin joutka kasa mojusü sainküin mma (Apocalipsis 12:12).
Waʼatapajeerü sunoutaain nakuwaʼipa na wayuukana (1 Juan 2:17).
¿JAMÜSHII WANOUJÜINJANAKA SÜNAIN TÜ SÜMAKAT TÜ BIBLIAKAT?
Eesü apünüinsü kasa wanoujainjatka atuma tia:
-
Ajaʼttajatü nuluwataaya Satanás. Ajaʼttinnajachi Satanás nutuma Jehová süpüla nnojolinjachin nuluwataain naaʼu na wayuukana. Naashin Jehová, najaʼttirajachin chi Yolujaakai otta nunouteʼerüinjatü tü kasa numojujakat (Hebreokana 2:14).
-
Nia Jesucristo nüneekaka Maleiwa süpüla aluwatawaa. Nia aluwataaka Satanás saaʼu tü wayuukalüirua; mojulaashi maʼin otta eʼrüi maʼin wayumüin. Aluʼujasaʼa Jesús nnojotsü müin nukuwaʼipa. Müsü nünüiki Maleiwa nüchiki Cristo: «Amülialaajeerü naaʼin naalin chi nnojoikai yaletüin aaʼin jee naalin chi maʼletsekai [...]. Nükaalinjeena naya suulia müliain naya atumawaa» (Salmo 72:13, 14, Traducción del Nuevo Mundo).
-
Matüjainsai aküjaa alawaa Maleiwa. Lotusü maʼin sünüiki tü Bibliakat nüchiki Maleiwa: «Matüjainsai nia aküjaa alawaa» (Hebreokana 6:18, Traducción del Nuevo Mundo). Makalaka nikeraajeerüin Maleiwa tü nümakat (Isaías 55:10, 11). Müshi nia: «Ojutuneechi anooipaʼamüin chi aluwataashikai saaʼu wayuu» (Juan 12:31, Traducción del Nuevo Mundo).
PÜSAKIREʼERA PAAʼIN
¿Jameerü nakuwaʼipa na wayuukana nnojoitpa niain aluwataain Satanás?
Puusüteerü anain tü susoutiakat suluʼu SALMO 37:10, 11 otta APOCALIPSIS 21:3, 4.
Eesüjaʼa kamalainjeerüle pümüin aashajeʼeraa tüü
AAPIRIA WAYUU
¿Jamüsü nnojotka eein jimataa aaʼin saaʼu tü mmakat?
Mayaapejeʼe naʼyataain maʼin na wayuukana süchiirua eeinjatüin jimataa aaʼin sainküin mmakat, isasü nachiki. Pikirajaa sünain jamüin maka shia.
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Jamüsü nuuʼulaaka Maleiwa eein kasa mojusü otta müliaa?
Asoutusü tü Wiwüliakat shiʼipajee tia jee sütütüleʼerüin waaʼin.
SUSOUTAKA EʼIPAJEE TÜ BIBLIAKAT
¿Shiimüinchejeʼe sünain eein chi Yolujaakai?
¿Shiimainchejeʼe sünain eein chi Yolujaakai? ¿Niataapa shiyaakuayaa wanee kasa mojusü suluʼuka saaʼin wayuu?
AAPIRIA WAYUU
¿Mmoluinjanache waya neema chi Yolujaakai?
Pikirajaa sünain pienchisü kasa nükaaliinjaka aka waya Maleiwa suulia jamajüin waya nutuma chi Yolujaakai.
WACHIKI
¿Jamüshii wekirajaainjanaka sünain tü Bibliakat?
Talatüsü maʼin naaʼin watta naalii wayuu sainküin mmaka süka nekirajaain sünain tü Bibliakat, yala, ekirajaashii sünain tü kasa natüjaweekat maʼin aaʼu na wayuukana. Pikirajaa sünain tü Bibliakat.
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
