¿Jara kanüikika tü Bibliakat?
Eeshii eekai namüin:
-
«Süshajala neʼe wayuu».
-
«Aküjalaa neʼe».
-
«Nünüiki Maleiwa».
¿Jamüsüjaʼa saaʼin pümüin?
TÜ SÜMAKAT TÜ BIBLIAKAT
«Süpüshuaʼa tü pütchi ashajuushikat, nümaʼanajeejatü shia Maleiwa» (2 Timoteo 3:16, Traducción del Nuevo Mundo).
¿JAMÜSÜ ANEETKA WAKUWAʼIPA WATÜJAALE SAAʼU TIA?
Watüjaajeerü aaʼu süchiki tü süsakitkat maʼin achiirua wayuu (Proverbios 2:1-5).
Watüjaajeerü aaʼu tü waaʼinrajatkat süpüla anain wakuwaʼipa (Salmo 119:105).
Kaʼatapaleena waya sutuma (Roma 15:4).
¿JAMÜSHII WANOUJÜINJANAKA SÜNAIN TÜ SÜMAKAT TÜ BIBLIAKAT?
Eesü apünüinsü kasa wanoujainjatka atuma tia:
-
Pansaasü tü süküjakat. Ashajünüsü tü Bibliakat soʼutpünaa 1600 juya natuma 40 wayuu tooloyuu. Mayaapejeʼe nnojoliin neʼraajiraain na wayuu ashajakana tü Bibliakat, pansaasü tü sümakat jee wanaawasü tü shikirajakalü anain suʼttiajee otta sajaʼlajaayamüin.
-
Naküjaleeinña tü shiimainkat na wayuu ashajakana shia. Na wayuu ashajakana süchiki kasa eekai sülatüin paala, nounjulajüin süchiki nakanajuule. Akanasaʼa na ashajakana tü Bibliakat, nnojotsü nounjulajüin süchiki tü naainjalakat jee tü saainjalakat napüshi (2 Crónicas 36:15, 16; Salmo 51:1-4).
-
Ekeraajüsü tü süküjakalü achiki. 200 juya süpülapünaa sajaʼlajeʼennüin Babilonia süküjatüjülia tü Bibliakat tü alatajatkat sümüin tia pueulokot (Isaías 13:17-22). Nnojotsü shiain neʼe süküjain tü sukuwaʼipainjatkat süpüla sajaʼlajeʼennüin tia pueulokot, süküjaleeinña nünülia chi wayuu ashatüinjachikai saaʼu (Isaías 45:1-3).
Saaʼu nünüikin Maleiwa tü Bibliakat, ekeraajüsü wainma pütchi aküjünatüjütkalia suluʼu (2 Pedro 1:20, 21).
PÜSAKIREʼERA PAAʼIN
¿Jamüsü anaka wakuwaʼipa sutuma tü Nünüikikat Maleiwa?
Puusüteerü anain tü susoutiakat suluʼu ISAÍAS 48:17, 18 otta 2 TIMOTEO 3:16, 17.
Eesüjaʼa kamalainjeerüle pümüin aashajeʼeraa tüü
SUSOUTAKA EʼIPAJEE TÜ BIBLIAKAT
¿Kasa ashajünaka suluʼu tü Bibliakat?
Puʼtta sünain aashajeʼeraa tü Nünüikikat Maleiwa.
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Jamüsü wanoujüinjatka sünain tü sümakat tü Wiwüliakat?
Nünüikire shia Maleiwa, naatasüje shia suulia tü wanee karalouktakalüirua.
WACHIKI
¿Jamüshii wekirajaainjanaka sünain tü Bibliakat?
Talatüsü maʼin naaʼin watta naalii wayuu sainküin mmaka süka nekirajaain sünain tü Bibliakat, yala, ekirajaashii sünain tü kasa natüjaweekat maʼin aaʼu na wayuukana. Pikirajaa sünain tü Bibliakat.
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
