Jülüjataa paaʼin tü namakat waneinnua wayuu. Aashajaashii naya süchiki anain nakuwaʼipa sünainjee naashajeʼerüin tü Wiwüliakat otta naainjain tü sümakat.

«Anashaataitpa takuwaʼipa. Anaitpa tü jülüjakat taaʼin jee nnojoluitpa mojuin maʼin taaʼin. Jaʼitairü kasain alatüin, tatüjaa aaʼu aneerüin taya» (Fiona).

«Tayaawatüitpa aaʼu takuwaʼipa sutuma tekirajaain sünain tü Wiwüliakat» (Gnitko).

«Anashi taya maaʼulu, nnojolichipa taya outiraain sünain aʼyatawaa noulia tapüshi jee alatirüichipa taya kaʼi namaa» (Andrew).

Nanüiki tia apünüinshii wayuu. Wainmapejeʼe maʼin wayuu sainküin mmakat eʼrakana sünain kaluʼuin anaa aainjaa tü sümakat tü Wiwüliakat.

¿Kasa waaʼinrüinjatka saashin tü Wiwüliakat wanaapünaa sümaa tü yaakat wünaapünaa?

• Suulia ayuulin waya

• Suulia mojuin maʼin waaʼin

• Namaa wapüshi otta waʼaleewainyuu

• Süpüla keisalain waya sümüin wanneetse

• Süpüla anain wanoula

Wayaawateerü sünainjee tü wekirajaweetkalü anain, aneerüin wakuwaʼipa waainjale tü sümakat tü Wiwüliakat mayaainjeʼe saashajaain nüchiki Maleiwa.