1 Crónicas 16:1-43
16 Péicha haʼekuéra ogueru Ñandejára tee Árka del Pákto, ha omoĩ ilugárpe pe óga kárpa David ojapoka vaʼekuépe pe árkape g̃uarã.+ Ha ojapo hikuái ofrénda ojehapýva ha umi ofrénda de paz Ñandejára tee renondépe.+
2 David ojapopa rire umi ofrénda ojehapýva+ ha umi ofrénda de paz,+ ovendesi pe puévlope Jehová rérape.
3 Avei omeʼẽ enterovete israelítape, káda kuimbaʼe ha káda kuñáme, peteĩ pan apuʼa, peteĩ tórta ojejapóva palmeraʼágui, ha avei peteĩ tórta ojejapóva úva pásagui.
4 Upémarõ omoĩ unos kuánto levita ombaʼapo hag̃ua Jehová árka oĩháme,+ ombotuicha,* oagradese ha omombaʼeguasu hag̃ua Israel Jára Jehovápe.
5 Asaf+ omoakã vaʼekue chupekuéra, ha haʼe rire, pe segundo lugárpe oĩ vaʼekue Zacarías. Jeiel, Semiramot, Jehiel, Matitías, Eliab, Benaya, Obed-Edom ha Jeiel+ ombopu umi árpa+ ha umi instruménto de kuérda. Asaf ombopu umi platíllo,+
6 ha umi saserdóte Benaya ha Jahaziel kontinuadoite ombopu umi trompéta Ñandejára tee Árka del Pákto renondépe.
7 Upérõ primera ves David oofrese* peteĩ purahéi ojeagradese hag̃ua Jehovápe, ha heʼi Asaf+ ha iñermanokuérape opurahéi hag̃ua. Kóva hína pe purahéi:
8 “¡Peagradese Jehovápe+ ha pejerovia hérare!
¡Peikuaauka umi héntepe umi mbaʼe haʼe ojapo vaʼekue!+
9 Pepurahéi Ñandejárape, pemombaʼeguasu* chupe músika púpe.+
Pejepyʼamongeta* umi mbaʼe porãita haʼe ojapo vaʼekuére.+
10 Pendeorgullóso vaʼerã ikatu haguére pemombaʼeguasu héra porãite.+
Pevyʼákena peẽ peñehaʼã meméva Jehová pendeguerohory hag̃ua.+
11 Peñemoag̃uíkena Jehováre+ ha pejerure chupe tapenemombarete.
Pesegíkena peñehaʼã haʼe pendeguerohory hag̃ua.+
12 Penemanduʼákena umi mbaʼe porãita Ñandejára ojapo vaʼekuére,+ani penderesarái umi milágrogui ha mbaʼéichapa haʼe oporokastiga.
13 Peẽ ningo isiérvo Israel familiare,+peẽ hína Jacob raʼykuéra, peẽme haʼe pendeporavo vaʼekue.+
14 Jehová hína ñande Dios,+haʼe ohusga ko yvy kompletoite.+
15 Penemanduʼákena siémpre pe kompromíso ojapo vaʼekuére,penemanduʼa 1.000 henerasión peve pe promésa ojapo vaʼekuére.*+
16 Haʼe ojapo upe kompromíso Abrahán ndive,+ha ohura voi Isaácpe okumplitaha.+
17 Oñekompromete avei Jacóbpe okumplitaha iñeʼẽ.+
Haʼe ojapo Israel ndive peteĩ kompromíso ndopytareimoʼãiva.
18 Ñandejára heʼi chupe: ‘Ameʼẽta ndéve Canaán,+upéva opytáta pene erensiarã’.+
19 Upéva oiko vaʼekue peẽ penembovýrõ guare,saʼieterei peime vaʼekue ha peiko tetã ahénope.+
20 Haʼekuéra ova peteĩ nasióngui ótro nasiónpe,oho peteĩ puévlogui ótro puévlope.+
21 Ñandejára ndohejái vaʼekue avavete ombohasa asy chupekuéra,+umi rréipe jepe okorrehi ipuévlo rehehápe.+
22 Ñandejára heʼi voi: ‘Ani pepoko umi che aiporavo* vaʼekuére,ani pejapo mbaʼeve ivaíva che profetakuérare’.+
23 ¡Enterove pepurahéi vaʼerã Jehovápe!
¡Káda día pemombeʼu haʼe oporosalvaha!+
24 Pemombeʼu umi tetãrupi haʼe ipoderosoha,peikuaauka umi puévlorupi umi mbaʼe porãita haʼe ojapóva.
25 Jehová ningo ipoderosoiterei, haʼe omerese ñamombaʼeguasu chupe.
Jakyhyjeve vaʼerã Ñandejáragui, jakyhyje rangue umi ótro diósgui.+
26 Jehová hína pe yvága apohare.+
Entéro umi ótro dios orekóva umi puévlo ndovaléi mbaʼeverã.+
27 Ñandejára oĩ peteĩ lugár iporãiterei ha omimbipávape,+upe lugár oĩháme ojehecha mbaʼeichaitépa haʼe ipoderóso ha ovyʼa.+
28 Pemombaʼeguasu vaʼerã Jehovápe, peẽ puevlokuéra.
Ñandejára omerese opavave ombotuicha chupe, pórke Jehová ipoderóso ha imbarete.+
29 Pemombaʼeguasu vaʼerã Jehová réra.+
pegueru chupe rregálo ha peike henondépe.+
Pemoĩ ao iporãva, ipotĩ asýva* ha peñesũ Jehová renondépe.*+
30 ¡Entéro hénte okyhyje vaʼerã chugui!
Pe yvy* oñemoĩma hendag̃uáme, ha ndaipóri omonguʼe* vaʼerã upégui.+
31 Tovyʼa pe yvága ha pe yvy.+
Peje umi tetãrupi: ‘¡Koʼág̃a Jehová haʼéma Rréi!’.+
32 Tomombaʼeguasu Ñandejárape pe mar ha opa mbaʼe oĩva pype.
Tovyʼa umi ñu ha opa mbaʼe oĩva pype.
33 Upéicha avei umi yvyramáta oĩva kaʼaguýpe tombotuicha Jehovápe,pórke haʼe ou hína* ohusga hag̃ua ko yvy.
34 Peagradese Jehovápe, pórke haʼe ivuenoiterei.+
Haʼe siémpre oporohayhueterei.*+
35 Ha peje: ‘Oresalvamína, nde ningo Ñandejára ikatu oresalva,+oresalvamína ha orembyaty jey umi nasionkuéragui.
Upéicha ore rombotuicháta nde réra porãite,+ha vyʼápe romombaʼeguasúta.+
36 Toñemombaʼeguasu Israel Jára Jehovápeopa árare’”.*
Ha pe puévlo kompletoite heʼi: “¡Amén!”,* ha omombaʼeguasu hikuái Jehovápe.
37 Upéi David oheja Asaf+ ha iñermanokuérape upépe, Jehová Árka del Pákto oĩháme, ikatu hag̃uáicha kontinuadoite ombaʼapo hikuái pe árka oĩháme+ ha ojapo umi hembiapokuéra káda diagua.+
38 Obed-Edom ha iñermanokuéra oĩ vaʼekue en totál 68, ha Jedutún raʼy Obed-Edom ha Hosá haʼe vaʼekue umi guárdia oñangarekóva okẽre.
39 Sadoc+ pe saserdóte ha umi iñirũnguéra saserdóte oĩ vaʼekue Jehová tavernákulo renondépe, pe lugár yvate oĩvape Gabaónpe,+
40 ikatu hag̃uáicha ojapo hikuái kontinuadoite umi ofrénda ojehapýva Jehovápe g̃uarã, pe altár ojejapohápe ofrénda ojehapýva. Haʼekuéra ojapo upéva pyhareve ha kaʼaru, ha ojapopaite hikuái umi mbaʼe ojeskrivi vaʼekue Jehová léipe, upe haʼe omanda vaʼekue Israélpe ojapo hag̃ua.+
41 Hendivekuéra oĩ kuri Hemán ha Jedutún+ ha umi ótro kuimbaʼe ojeporavo vaʼekue hérarupi oagradese hag̃ua Jehovápe,+ pórke “haʼe siémpre oporohayhueterei”.*+
42 Ha hendivekuéra oĩ Hemán+ ha Jedutún ombopu hag̃ua umi trompéta, platíllo ha umi ótro instruménto ojepurúva oñemombaʼeguasu* hag̃ua Ñandejára teépe. Ha Jedutún raʼykuéra+ oñenkarga vaʼekue oñatende hag̃ua pe okẽre.
43 Upéi kompletoite umi hénte oho hógape, ha David oho ovendesi hag̃ua umi hogayguápe.
Nóta
^ Hebréope: “imanduʼa hag̃ua”.
^ Térã: “okontrivui”.
^ Térã: “pejapo purahéi”.
^ Ikatu avei: “Peñeʼẽ”.
^ Hebréope: “pe ñeʼẽ haʼe omanda vaʼekuére”.
^ Ikatu avei: “isantida omimbi ha ojajaipa rupi”.
^ Térã: “peadora Jehovápe”.
^ Térã: “Pe yvy oprodusi porãva”.
^ Térã: “ombokacha”.
^ Térã: “ja oúma”.
^ Térã: “etérno ymaite guive ha pára siémpre”.
^ Térã: “¡Taupéicha!”.
^ Térã: “ohechauka mborayhu ifiélva”.
^ Térã: “ojegueropurahéi”.
