Habacuc 3:1-19
3 Ko ñemboʼe ojogua umi músika jaheʼópe. Kóva hína peteĩ ñemboʼe ojapóva proféta Habacuc:
2 “Jehová, che ahendúma nde rejapo hague heta mbaʼe.
Jehová, che ningo chejurujái aikuaávo umi mbaʼe nde rejapóva.
Ejapo jeýna umi mbaʼe koʼág̃a ore tiémpope.*
Koʼág̃a ore tiémpope* eikuaauka umi héntepe umi mbaʼe rejapóva.
Ág̃a oiko vove pe sarambi guasu, anína nderesarái oreporiahuvereko hag̃ua.+
3 Ñandejára ou Temán territóriogui,pe Dios Sánto ou Sérro Parángui.+ (Sélah)*
Ipodér tuichaitéva omyenyhẽ pe yvága,+ha ko yvy henyhẽ umi mbaʼe ombotuichávagui chupe.
4 Ñandejára omimbipa haʼete pe kuarahy ojajáiva,+ipópe oñongatu ipodér tuichaitéva,ha upégui osẽ mokõi rrájo overa hendýva.
5 Henonderã iñasãi ohóvo peteĩ mbaʼasy,+ha pe akãnundu oho hapykuéri.
6 Ñandejára opyta ha ombokachapa pe yvy,+omaña haguénte umi tetãre, oryryipáma opytávo hikuái.+
Omonguʼi umi montáña oĩ vaʼekue siémpre,ha umi sérro ymaite guive oĩva ojayvy henondépe.+
Péicha haʼe ojapóva ymaite guivéma.
7 Ahecha heta provléma umi óga kárpape oĩva Cusánpe.
Umi óga kárpa oĩva Madiánpe oryryipa.+
8 Jehová, ¿nde piko ndepochy umi rríore?
¿Nde piko rerrenega umi y rehe?
¿Térã piko pe mar rehe la ndepochy?+
Nde reju umi kavaju ha kárro de gérra árireporosalva* hag̃ua.+
9 Nde rejagarra nde árko ha reĩma preparádo repoi hag̃ua umi flécha.
Umi árma* oĩma ojapo hag̃uáicha itraváho ojehura haguéicha. (Sélah)
Nde reipuru umi rrío reavri hag̃ua pe yvy.
10 Umi montáña ohasa asy ha ojepokapa nderechávo,+tuichaiterei oky ha oguerahapa la oĩva guive haperãme.
Pe mar ipypukuetéva hatã okororõ,+ha umi oláda yvate opuʼã.
11 Pe kuarahy ha pe jasy nosẽi, opytánte kañyháme pe yvágape.+
Umi nde flécha repoíva omimbipa ohóvo,+umi ne lánsa overapa haʼete aravera.
12 Ñandejára, nde ndepochy ha rekrusa rehóvo ko yvy,repyrũmba* umi tetãre pórke ndepochy.
13 Nde resẽ resalva hag̃ua nde puévlope, resalva hag̃ua nde elehídope.*
Nde rembochipe upe omoakãvape iñañáva róga,*
ha ojeitypaite hóga, oñehundi isimiénto guive itécho peve. (Sélah)
14 Umi gerréro ovyʼa voi ikatu haguére ohundi umi hénte ohasa asývape, haʼekuéra opeska ha oataka chupekuéra.
Péro umi soldádo osẽrõ guare peteĩ torméntaicha orembodipara hag̃ua,nde rejagarra umi ilánsa* ha removandea iñakãrekuéra.
15 Nde rehasa pe mar rehe nde kavaju ári,repyrũmba umi oláda tuichaichávare.
16 Ahendúvo la oikótava añepyrũ aryryipa,ahendúvo pe mensáhe che rembe osysyipa.
Umi che kanguekuéra ikangypaite,+che retyma oñembotapa ojuehe.
Péro ahaʼarõ kirirĩháme ou pe sarambi guasu,+upéva ou hína pe puévlo oreatakáva kóntrape.
17 Pe ígo máta ndaipotýiramo,ha umi parralty ndahiʼáiramo jepe,umi olivoty oñehundipáramo,ha mbaʼeve nosẽiramo umi kokuére,ha umi ovecha odesapareséramo ikoráguiha opytáramo nandi vera umi vaka oñemoingeha,
18 upéicharamo jepe, che asegíta avyʼa chemanduʼávo Jehová rehe,chepyʼarorýta apensávo Ñandejárare, haʼe hína che Salvadór.+
19 Ñandejára Jehová ogovernáva opa mbaʼe, omeʼẽ chéve fuérsa.+
Haʼe chepytyvõ adipara hag̃ua umi guasúicha,ha haʼe rupive aguatáta umi lugár ijyvate porãvare”.+
Nóta
^ Hebréope: “umi áño mbytérupi”.
^ Hebréope: “Umi áño mbytérupi”.
^ Hebréope: “regana”.
^ Ikatu avei: “flécha”.
^ Hebréope: “retrilla”.
^ Térã: “iñañáva róga líderpe”.
^ Hebréope: “ivára”.
