Job 15:1-35
15 Upémarõ Elifaz,+ pe temanita, ombohovái Jóbpe:
2 “¿Mbaʼéicha piko peteĩ persóna iñarandúva heʼíta vyrorei?
Térã, ¿mbaʼéicha piko ohejáta ikorasõ henyhẽ mbaʼe vaígui?
3 Ndaideprovéchoi ningo la haʼe heʼíva oporokorrehi hag̃ua,ha avavépe noipytyvõi umi vyrorei heʼíva.
4 Nde kúlpare umi hénte ndokyhyjevéi Ñandejáragui,ha nde káusare umi hénte ndojepyʼamongetavéi Ñandejárare.
5 La eréva ohechauka umi mbaʼe vai rejapo vaʼekue,ha nde reiko reñemoñeʼẽkuaa reporombotavy hag̃ua.
6 Che norokondenái, nde jurúrupi ningo reʼa,umi mbaʼe eréva ohechauka nerembiapo vai hague.+
7 ¿Nde guaʼu piko pe primer kuimbaʼe onase vaʼekue?
Térã, ¿nde piko renaséma vaʼekue umi sérro oĩ mboyve?
8 ¿Ndéiko ikatu rehendu Ñandejára oñeʼẽ jave yvágape?
¿Ndénte voi mbaʼe piko la nearandúva?
9 ¿Nde piko mbaʼe reikuaavéta orehegui?+
¿Moõ piko nde rentendevéta orehegui mbaʼeve?
10 Ore apytépe oĩ iñakãrangue morotĩva ha ijedámava,+kuimbaʼe ijedavéva nde túagui.
11 ¿Ndahaʼeiete voi piko ndéve mbaʼeve pe konsuélo Ñandejára omeʼẽva,térã umi mbaʼe pyʼaporãme ojeʼéva ndéve?
12 ¿Mbaʼére piko reju peichaite peve reñemombaʼeguasu?
¿Ha mbaʼére piko ndepochy ha nderesa rendypa voi?
13 Nde ndepochy Ñandejárare,nderejokói nde juru ha ere heta mbaʼe vai ikóntrape.
14 ¿Ikatu piko peteĩ persóna ipotĩ Ñandejára renondépe?
¿Peteĩ yvypóra rei piko ikatu ojapo iporãva?+
15 Ñandejára ningo ndojeroviái ni hiʼanhelkuérare,*
ha pe yvága jepe naipotĩri chupe g̃uarã.+
16 Upéicharõ, menovéntema ojeroviáta peteĩ persóna hembiapo kyʼávare ha haʼe ndochaʼéivare.+
Koʼãichagua persóna ojapose voi ivaíva, peteĩ ijuhéiva hoʼuseháicha y.
17 Cherendumína,che amombeʼúta ndéve la ahecha vaʼekue.
18 Aikuaaukáta ndéve umi hénte arandu omombeʼu vaʼekue,umi mbaʼe haʼekuéra oaprende vaʼekue ituakuéragui,+ ha nomokañýi avavégui.
19 Ituakuérape añoite oñemeʼẽ ko yvy,ha ni peteĩ extráño ndohasái upérupi.
20 Pe iñañáva ohasa asy káda día oikove aja,ha sufrimiéntomante la ohaʼarõva chupe umi áño pukukue.
21 Haʼe ohendu heta mbaʼe omongyhyjéva chupe,+ha itrankílo porã aja, oike chupe mondaha.
22 Pe iñañáva haʼete voi oikóva pytũmbýpe, ha opensa ndaikatumoʼãveimaha osẽ upégui,+chupe ningo ojejukáta peteĩ espádape.
23 Haʼe oiko oheka opárupi rei hoʼu vaʼerã ha oñeporandu: ‘¿Moõ piko ikatu atopa?’.
Haʼe oikuaa porã hiʼag̃uimbaitemaha pe día iñypytũetéva.
24 Okyhyjeterei pórke kevránto ha provléma oupa hiʼári,peteĩ rréi ijehérsito reheve oatakatarõguáicha chupe.
25 Haʼe ohupi ipooñemoĩ ha odesafia hag̃ua Ñandejára Todopoderósope.
26 Pe iñañáva hovaʼatã ha oho oñorairõ hag̃ua Ñandejára kóntrape,ha oraha peteĩ eskúdo tuicha ha imbaretéva.
27 Hova ningo ikyra guasu,ha hye katu tuichaiterei.*
28 Haʼe oiko umi siuda oñehundítavape,umi óga avave ndoikomoʼãihápe,umíva ningo oñehundipáta.
29 Pe iñañáva ndairrikomoʼãi, operdepáta ikosakuéra,nandi vera opytáta.
30 Haʼe ndaikatumoʼãi okañy pe día iñypytũetévagui,ojoguáta yvyra rakãme okáiva tatápe,*
Ñandejára oipejuʼimítante ha haʼe omanóta.+
31 Ani oñembotavy ijupe voi ojeroviávo umi mbaʼe ndovaléivare mbaʼeverã,pórke amo ipahápe nokonsegimoʼãi mbaʼevete.
32 Koʼã mbaʼe koʼẽrõitéma oikóta upe persónare,haʼe ojoguáta peteĩ yvyramáta hakã ndokakuaáivape.+
33 Ojoguáta peteĩ parrál mátape hiʼa hoʼapáva hiʼaju mboyve,haʼetéta peteĩ olívo máta ipoty okuipáva.
34 Umi iñañáva* nosẽporãmoʼãi,+umi oaseptáva kóima* róga* okáita tatápe.
35 Haʼekuéra okalkula ivaívante ha operhudika hapichápe,ipyʼapýpe mbaʼe vaínte oreko hikuái”.
Nóta
^ Hebréope: “isantokuérare”.
^ Koʼápe heʼívo ikyra heʼise hína peteĩ persóna oiko porãva, omeʼẽtereíva ijupe gústo ha oñemombaʼeguasúva.
^ Péva heʼise ndaiporiveimaha esperánsa chupe g̃uarã.
^ Térã: “apóstata”.
^ Térã: “otransáva”.
^ Hebréope: “róga kárpa”.
