Job 18:1-21
18 Upémarõ Bildad,+ pe suhita, heʼi:
2 “¿Arakaʼe peve piko pesegíta* peje koʼã mbaʼe?
Peipurúna la pene akã jasegi hag̃ua ñañemongeta.
3 ¿Mbaʼére piko peiko pepensa oretavyhaha rojoguaha animálpe?+
4 Nde ningo ndepochy ha ndénte la rejeperhudikáva.
¿Reimoʼã piko upe haguére ko yvy opytataha nandi?
Térã, ¿reimoʼã piko umi ita ojeitaha ilugárgui nderehehápe?
5 Pe iñañáva lus opáta,ha pe hatarendy nomimbimoʼãi.+
6 Hógape* ndaiporimoʼãi ni peteĩ lus,ha ilámpara ndohesapemoʼãvéima.
7 Pe iñañáva ndaikatuvéima oguata porã yma guaréicha,amo ipahápe haʼe hoʼa pórke ikonsého voi ogueraha vai chupe.+
8 Haʼe ohóta derechoite peteĩ ñuhãme,ha upépe ipy opaʼãta.
9 Pe trámpa ojagarra chupe ipytáguiha hoʼaite pype.+
10 Haperãme ohaʼarõ chupe peteĩ ñuhã,ha pe yvýpe oñemoĩ chupe peteĩ pióla.
11 Omañahápente oĩ umi mbaʼe omongyhyjéva chupe,+ha umíva haʼete voi opersegíva chupe.
12 Koʼág̃a naimbaretevéima,ha ndoikuaái mbaʼépa ojapóta hetágui iprovléma.+
13 Peteĩ mbaʼasy ivaietereíva ojagarrapaite chupe,ipire katu oñembyaipaite.
14 Pe iñañáva oiko segúro porã hógape, péro upéinte oñeguenohẽ chupe upégui,+ha ojegueraha omano asy hag̃ua.*
15 Ótroma oikóta hógape,haʼe oiko hague opytáta oñehundiete hag̃ua tatápe.*+
16 Pe iñañáva haʼete peteĩ yvyramáta hakã ipirupávaha hapo itujupáva.
17 Upéi avave ko yvy ape ári naimanduʼamoʼãi hese,ha avave ni hérare naimanduʼamoʼãi.*
18 Haʼe oĩ hesakãháme, péro ojegueraháta pytũmbýpe,ha oñemosẽta chupe ko yvýgui.
19 Haʼe ndorekomoʼãi família ha niéto,ndaiporimoʼãi ni peteĩ opytátava oiko hag̃ua hendaguépe.
20 Haʼe oñehundi vove, umi hénte oikóva oéste gotyo oñemondyipáta,ha umi oikóva éste gotyo avei okyhyjepáta.
21 Koʼã mbaʼe oiko umi iñañáva rógare,péicha opyta umi ndoikuaáiva Ñandejárape”.
Nóta
^ Amalisia oñeʼẽ Job rehe ha umi hénte ojoguávare chupe térã opensáva haʼéicha.
^ Hebréope: “Hóga kárpape”.
^ Hebréope: “pe rréi oporomongyhyjéva rendápe”.
^ Térã: “asúfrepe”.
^ Hebréope: “ha kállepe haʼe ndaheramoʼãi”.
