Job 19:1-29
19 Upémarõ Job heʼi:
2 “¿Arakaʼe peve piko péicha chetrata vaíta?*+
Peẽ ningo chekutu rasy pejévo chéve koʼã mbaʼe.+
3 Peẽ ningo 10 vése chejaʼo vai,napetĩri voi chetrata vai hag̃ua.+
4 Oiméramo che ajavy raʼe,upéva che provléma.
5 Peẽ pesegi peñembovaleve chehegui,ha peje perekoha derécho peju hag̃ua chekorrehi.
6 Péro che aipota peikuaa Ñandejára haʼeha la chegueraháva tape vaíre,peikuaáke avei haʼe chereity hague iñuhãme.
7 Asegi asapukái oĩ haguére violénsia, péro ndaipóri openáva cherehe.+
Asegi ajerure asy algúno chepytyvõ hag̃ua, péro ndaipóri hustísia chéve g̃uarã.+
8 Ñandejára omoĩ che raperãme peteĩ murálla ijyvatéva ha ndaikatúi ahasa,haʼe omoypytũ che rape.+
9 Che ajerrespeta vaʼekue, péro haʼe oipeʼa chehegui upéva,ha oipeʼa chehegui che koróna.
10 Haʼe cherundi ohóvo amano meve,ha ohapoʼo che esperánsa peteĩ yvyramátaicha.
11 Ñandejára ipochyeterei chendive,ha cherecha iñenemígoramo.+
12 Isoldadokuéra ojeprepara oñorairõ hag̃ua chendiveha ou oñembyatypa che róga* jerére.
13 Ñandejára káusare che ermanokuéra jepe cherejapa,ha che konosidokuéra mombyry ojere chehegui.+
14 Umi che amigoite vaʼekue* ohopa,umi che sosiokuéra ni naimanduʼái cherehe.+
15 Umi chevisitáva ógape+ ha umi che siérva ndachekuaavéi, che peteĩ extráño chupekuéra g̃uarã,haʼete voi peteĩ persóna oúva ótro tetãgui mbaʼe.
16 Ahenói peteĩ che siérvope péro haʼe nopenái cherehe,ajerure asy chupe cheporiahuvereko hag̃ua, péro nopenái cherehe.
17 Che pytu ombojeguaru che rembirekópe,+cheryakuã vaieterei ha che ermanokuérape avei ambojeguaru.
18 Umi mitã jepe chedespresia,ha apuʼãvo haʼekuéra oñepyrũma oñembohory cherehe.
19 Umi che amigoite ndoikuaasevéima mbaʼeve chehegui,+ha umi che ahayhu vaʼekue ojerepa chehegui.+
20 Che chepiru séko+ ha chekostillasẽmba,ha haimete mete amano.
21 Pehechaukamína chéve pembyasyha ko oikóva cherehe, mbaʼére piko pendepyʼahatãite,Ñandejára ningo chekastiga vaipaite.+
22 ¿Mbaʼére piko peẽ pesegi chetrata vai Ñandejára ojapoháicha?+
Peẽ piko napenekaneʼõi voi la péicha chetrata hague.+
23 Aipotaite ojeskrivi umi mbaʼe haʼéva,aipota oñemoĩ peteĩ lívrope,
24 térã tojeskrivi itáre kórta iérrope*
ha toñeñohẽ hese plómo opyta hag̃ua opa árare.
25 Che aikuaa porã upe chesalvátava+ oikoveha,haʼe oúta upe rire ha oñemboʼýta ko yvy ape ári.
26 Pe mbaʼasy ombyaipa rire che pire,ha amano mboyve che ahecháta Ñandejárape.
27 Che ahecháta chupe,chete la amañátava hese+ ha ndahaʼemoʼãi ótro.
Upéicharamo jepe añeñandu vaieterei gueteri.*
28 Peẽ ningo peje chéve che kúlparente voi asufriha,ha upéi katu peiko peporandu chéve: ‘¿Mbaʼére piko ere rotrata vaiha?’.+
29 Peẽ peikuaa vaʼerã oĩha peteĩ oporohusgáva,+espádape ojekastiga umi hembiapo vaívape,upévare pekyhyje vaʼerã pe espádagui”.+
Nóta
^ Térã: “petrata vaíta che álmape”.
^ Hebréope: “róga kárpa”.
^ Térã: “parientekuéra”.
^ Térã: “umi che rriñón ofalla che retepýpe”.
