Job 20:1-29
20 Upémarõ Zofar,+ pe naamatita,* osẽ heʼi:
2 “Umi mbaʼe arekóva che akãme chekevranta ha chepyʼapyeterei,ha umíva chemomýi añeʼẽ hag̃ua.
3 Umi mbaʼe nde eréva Job cheofende,che aikuaa ha antende heta mbaʼe, upévare ndaikatúi akirirĩ.
4 Ko haʼétava ndéve ojekuaáma yvyporakuérape ojekrea guive,anichéne la nde ndereikuaái, si ndéngo reikuaapa guaʼu entéro mbaʼe.+
5 Pe iñañáva osapukáiramo jepe vyʼágui, upéva sapyʼaitépe opa,ha pe iñañáva* katu sapyʼaiténte ovyʼa.+
6 Haʼe ojekreeterei, oñeñandu voi yvágare,ni nopyrũmbái, haʼete iñakã ohupytýtava umi arai.
7 Upévare haʼe omanóta ha odesapareséta ytýicha.
Umi ohecha vaʼekue chupe heʼíta: ‘¿Mbaʼe piko oiko chugui?’.
8 Peteĩ suéñoicha ovevéta ha ndojetopamoʼãvéima chupe,haʼe opa reíta peteĩ visión ojehechávaicha pyharekue.
9 Umi ohecha vaʼekue pe iñañávape, ndohechamoʼãvéima chupe,ni hogayguakuéra ndohechamoʼãvéima chupe.+
10 Ifamiliakuéra ojerure asýta imboriahúvape oipytyvõ hag̃ua chupekuéra.
Pe iñañáva omeʼẽmba jeýta umi mbaʼe ahéno oipeʼa vaʼekue.+
11 Haʼe* ningo imbarete vaʼekue imitãrõ guaréicha,upéicharõ jepe haʼe omanóta imbarete reheve.
12 Chupe ogustaiterei la mbaʼe vai, heʼẽ asy voi ijurúpe,ha oreko ikũ guýpe hyku hag̃ua upépe.
13 Haʼe ndohejaséi pe mbaʼe vai, osavorea upéva kontinuadoiteha orekosénte voi ijurúpe.
14 Péro upéi, upéva hái sapyʼa chupe,ha oikévo hetepýpe haʼete umi kóvra ponsóña.
15 Umi rrikésa hoʼupa vaʼekue, upéi ovomitapa jeýta,Ñandejára omonandíta chugui ipyʼa.
16 Haʼe oipytéta umi kóvra ponsóña,peteĩ mbói oisuʼúta ha ojukáta chupe.
17 Haʼe núnka ndaikatumoʼãi hoʼu pe kamby ha eíra hetéva,ýicha osyrýva.
18 Pe iñañáva omeʼẽ jeýta ikosakuéra oipuruʼỹre,ha orekóramo jepe heta mbaʼe ndovyʼamoʼãi.+
19 Pórke haʼe otrata vai ha noipytyvõi umi imboriahúvape,haʼe oñemombaʼe peteĩ óga nomopuʼãi vaʼekuére.
20 Pe iñañáva ndaipyʼaguapymoʼãi,haʼe irríko péro umi mbaʼe orekóva ndosalvamoʼãi chupe.
21 Mbaʼeve nahembýi pórke haʼe hoʼupáma,upévare oiko porãramo jepe, ndohopukumoʼãi.
22 Haʼe oĩ porãvehágui,umi mbaʼe vai ojejapetepáta hese ha ojedesesperáta.
23 Pe iñañáva oñemohyg̃uatã aja,Ñandejára omondóta hiʼári ipochykue,amáicha oúta hiʼári la mbaʼe vai.
24 Pe iñañáva odiparáta umi árma de iérrogui,péro peteĩ árko de kóvregui ojepoíta umi flécha ha ovandeáta hese.
25 Haʼe onohẽ pe flécha oike vaʼekue ilómore,pe flécha omimbipa ha ovandea hiʼígado.*
Haʼe ojedesespera okyhyjetereígui.+
26 Haʼe operdepaitéta irrikésa,peteĩ tata ijehegui rei hendýva ohapypaitéta la orekóva.
Ha oiméramo hógape* oĩ ojesalváva, katuete oñehundíta.
27 Pe yvága ohechaukáta pe iñañáva hembiapo vaiha.
Ha pe yvy opuʼãta hese.
28 Peteĩ ama guasu oúta ha pe rraudál oguerahapáta hóga,Ñandejára ipochyha díape, pe y hatã oúta hiʼári.
29 Péicha Ñandejára ojapóta pe iñañávare,upéva ohaʼarõma hína chupe”.
Nóta
^ Térã: “Naamá desendiénte”.
^ Térã: “apóstata”.
^ Hebréope: “Umi ikangue”.
^ Hebréope: “hiél”.
^ Hebréope: “hóga kárpape”.
