Job 23:1-17
23 Upéi Job osẽ heʼi:
2 “Koestedía avei asegíta ajeplagea,*+
hetáma añekevranta ha nameʼẽvéima.
3 Aikuaaseténgo moõpa ikatu ajuhu Ñandejárape,+upéicharõ aháta pe haʼe oĩháme.+
4 Ha apresentáta Ñandejárape la che káso,ha apreparapaitéta umi mbaʼe haʼétava añedefende hag̃ua.
5 Che ahendúta la haʼe okontestáva chéve,ha añatende porãta umi mbaʼe heʼívare chéve.
6 ¿Oipurúta piko haʼe ipodér oñorairõ hag̃ua chendive?
Nahániri, haʼe katuete ohendúta la che káso.+
7 Upépe pe ihústova osolusionáta ikáso hendive,ha aikuaa porã che hués heʼitaha ndajapói hague mbaʼeve ivaíva.
8 Péro ndaikatúi voínte atopa hese, aháramo éste gotyo haʼe ndaipóri upépe,ha aju jeýramo pe aime haguépe, ndatopái jeýnte avei hese.
9 Ñandejára ombaʼapo nórte gotyo ha upéi ojere sur gotyo,péro che núnka ndahechái chupe.
10 Péro haʼe oikuaa porã opa mbaʼe che ajapóva.+
Haʼe omoĩ chéve heta pruéva, péro aikuaa upe rire apytataha potĩ asy, pe óro opytaháicha oñemopotĩ rire.+
11 Che siémpre asegi porã Ñandejára rape,ha núnka ndahái ótro tapérupi.+
12 Che ajapo Ñandejára omandáva guive,ha amombaʼe la haʼe heʼíva,+ ha amombaʼeve voi upe oñehaʼarõvagui chehegui.
13 Haʼe odesidi jave peteĩ mbaʼe, ¿máva piko ojokóta chupe?+
Haʼe ojapose jave algúna kósa, ojapóntema.+
14 Ñandejára okumplipaitéta pe odesidi vaʼekue ojapo cherehe,haʼe oreko hetave mbaʼe iñakãme che kóntrape.
15 Ikáusare che ajepyʼapyeterei,ha apensáramo hese akyhyjevéntema.
16 Ñandejára kúlpare koʼág̃a chepyʼaju,pe Todopoderóso chemongyhyje.
17 Pe pytũmby ningo okuvripaitéma che rova,upéicharõ jepe che nakirirĩmoʼãi”.
Nóta
^ Térã: “ajerrevela”.
