Job 3:1-26
3 Oiko rire koʼã mbaʼe, Job oñepyrũ oñeʼẽ ha omaldesi pe día haʼe onase hague.+
2 Job heʼi:
3 “Iporãve vaʼerãmoʼã núnka nog̃uahẽirire pe día che anase hague,+ni pe pyhare ojeʼérõ guare: ‘¡Onase peteĩ mitãraʼy!’.
4 Aipota upe día iñypytũmba.
Ani Ñandejára yvagapegua oprotehe upe díape,ha ani pe kuarahy ohesape.
5 Aipota ou pe pyhare ojagarrapaite upe díape.
Peteĩ arai hũ topyta hiʼári,ha de diakue jepe taiñypytũete.
6 Aipota upe pyhare taiñypytũmbaite,+ani avave ovyʼa upe díape,ha upe día ani oñemoĩ ni peteĩ méspe.
7 Iporãvéta kuri avave nonaséirire upe pyharépe,ani oñehendu avave osapukáiva vyʼágui.
8 Tomaldesi pe día che anase hagueumi kuimbaʼe oñanimáva ombopochy pe jakarépe.*+
9 Koʼẽtĩvo, ani ohesape umi estrélla,tohaʼarõ rei pe kuarahy ohesape,ani ohecha mbaʼéichapa koʼẽ ohóvo.
10 Che sy oheja haguére anase upe día,+koʼág̃a che nasẽvéi provlémagui.
11 ¿Mbaʼére piko namanói raʼe anasére?
¿Mbaʼére piko nañehundíri asẽrõ guare che sy retepýgui?+
12 ¿Mbaʼére piko anasérõ guare che sy chemoĩ hapypaʼũme,ha maʼerã chemokambu raʼe?
13 Nanaséirire, koʼág̃a aime vaʼerãmoʼã trankílo avave chemolestaʼỹre,+ake ha apytuʼu vaʼerãmoʼã.+
14 Aime vaʼerãmoʼã umi rréi ha ikonseherokuéra ndive,haʼekuéra omopuʼã konstruksión tuicháva koʼág̃a opytapa reíva,
15 térã prinsipekuéra ndive, umi orekóva heta óro,umi hogakuéra henyhẽtéva plátagui.
16 ¿Mbaʼére piko namanóima raʼe che sy retepýpe, haʼe oikuaa mboyve hyeguasuha?
¿Mbaʼére namanóima raʼe anase mboyve?
17 Pe sepultúrape umi iñañáva jepe ipyʼaguapy,umi ikaneʼõva opytuʼu.+
18 Upépe umi préso oĩ trankílo porã,avave ndoovligái chupekuéra ombaʼapo hag̃ua.
19 Upépe peteĩchante imboriahúva ha iplátava.+
Ha umi esklávo ojei ipatronkuéra poguýgui.
20 ¿Mbaʼére piko Ñandejára opermiti oikove* peteĩ osufríva?
¿Ha mbaʼére oheja oikove umi ohasa asyetereíva?+
21 ¿Mbaʼére piko umi omanoséva nomanói?+
Haʼekuéra oheka upéva, ohekave voi pláta yvyguýgui.
22 Haʼekuéra ovyʼaitereíne otopávo pe sepultúra,katuete ipyʼarorýta hikuái.
23 Ñandejára omongora vaipaitéramo peteĩ kuimbaʼépe provlémape, ha ndoikuaavéi mbaʼe tapérupipa oho vaʼerã,¿mbaʼére piko opermiti oikove upe kuimbaʼe?+
24 Koʼág̃a ñembyasy ha pyahẽ la che rembiʼu,+ha ýicha osyry pe che resay.+
25 Umi mbaʼe chemongyhyjéva oupaite che ári.
Koʼág̃a cheahoʼi umi mbaʼe chemongyhyjete vaʼekue.
26 Ndaipóri chendive pytuʼu ni trankilida, ndarekovéi pyʼaguapy,ha la provléma katu ndopíri chehegui”.
