Job 40:1-24
40 Jehová osegi heʼi Jóbpe:
2 “¿Oĩ porã piko peteĩ yvypóra rei okritika Ñandejára Todopoderósope ha odiskuti chupe?+
Toñeʼẽmína oiméramo oĩ opensáva ikatuha okorrehi Ñandejárape”.+
3 Upépe Job heʼi Jehovápe:
4 “Atĩete ningo ndehegui,+mbaʼe piko che haʼéta ndéve.
Ambotyetéma la che juru.+
5 Che añeʼẽma kuri una ha 2 vése,péro koʼág̃a ndarekovéima haʼe vaʼerã, akirirĩtantema”.
6 Upéi Jehová oñeʼẽ jey Jóbpe peteĩ yvytu atã+ guive ha heʼi:
7 “Ejepreparáke por favór peteĩ kuimbaʼéicha,pórke aporandúta ndéve heta mbaʼe, ha nde rekontesta vaʼerã chéve.+
8 ¿Mbaʼére piko nde ere che arekoha la kúlpa?
¿Eréta piko che ajapoha ivaíva nde nerrasón hag̃uánte?+
9 Ñandejára oñeʼẽ jave haʼete voi osunúva, ¿ne ñeʼẽ piko péicha avei oñehendu?+
¿Nde piko ndepoderóso Ñandejáraicha?+
10 Upéicharõ, ehechaukána la nde autorida ha nde podér,ehechauka remanda guasuha ha neimportanteha.
11 Ani rejejoko, ehechauka katu ndepochyha.
Emaña umi oñembotuichávare ha eapoʼi chupekuéra.
12 Toĩ oĩháme umi iñañáva, emona chupekuéra yvýre,toñemotĩ hikuái.
13 Emoinge chupekuéra yvyguýpe,toho hikuái pe lugár iñypytũetévape.
14 Upéicha rejapóramo,che arrekonoséta nde ikatuha rejesalva nde podér rupive.
15 Emañami pe ipopótamo* rehe.
Che ajapo chupe ha ndéve avei, haʼe pástonte avei hoʼu peteĩ tóroicha.
16 Emañamína mbaʼeichaitépa imbarete umi hetyma,*
umi múskulo orekóva hyépe imbarete porã.
17 Huguái ipoguasu ha imbarete peteĩ sédro mátaicha,ikuártope katu umi hajygue ojeliapa ojuehe ha imbarete.
18 Umi ikangue haʼete káño de kóvre,hetyma katu ojejapo iérrogui.
19 Chupe raẽvete che ajapo vaʼekue koʼãichagua animál imbaretéva apytépe.
Ha che, Ijapohare añoite ikatu chepuʼaka hese.
20 Umi montáña oprodusi chupe hembiʼurã,ha upépe umi ótro animál trankílo oñembojaru ijypýpe.
21 Haʼe oñeno umi yvyramáta hatĩmbáva guýpe,okañy umi estéro rehe, umi takuarílla apytépe.
22 Upépe oĩ yvyramáta hatĩmbáva ojeroʼáva hiʼári ha haʼe opytuʼu umi sómbra guýpe,umi álamo máta oĩva pe ñúme* ojerepa pe ipopótamo rehe.
23 Pe rrío osyry hatãramo jepe, haʼe ndokyhyjéi,pe Rrío Jordán+ korrentáda oúramo jepe ojejapete hese, haʼe ndojepyʼapýi.
24 ¿Ikatúne piko peteĩ persóna ojagarra chupe?
¿Máva piko oñanimáta omosã chupe itĩgui?”.
