Job 7:1-21
7 “Ñande rekove ko yvy ape ári henyhẽ provlémagui, ha ñambaʼapo pohýi vaʼerã,jajogua umi personál ombaʼapo jejopývape.+
2 Jajogua umi esklávo oĩse asývape sómbra guýpe.
Ñande jajogua umi personál ohaʼarõntemava hína ojepaga chupekuéra.+
3 Upéicha rupi día ha méserema ahasa asy,ha pyharekue katu aiko añembyasy ha ajaheʼo.+
4 Añeno jave añeporandu: ‘¿Mbaʼe óra piko apuʼãta?’.+
Ha upéi tódo el pyhare koʼẽmba peve ajerepa rei pe che rupápe, nacherendái.
5 Che rete kompletoite hasopa ha kyʼámante hatãmba cherehe,+che pire ikuru ha ipeupa.+
6 Chéve g̃uarã umi día pyaʼeterei ohasa, umi otehéva pyaʼe ombaʼapoháicha.+
Káda día opa arekoʼỹre esperánsa.+
7 Ñandejára, nemanduʼákena che rekove mbykyetereiha,*+
ha umi che resa núnka ndohechamoʼãveimaha mbaʼeve iporãva.*
8 Pe cherecháva, núnka ndacherechamoʼãvéima,nde cherekáta reikóvo péro che naimemoʼãvéima pórke amanótama.+
9 Pe ohóva Sepultúrape* ndojevyvéima,+haʼete umi arai ohasa ha opa reíva.
10 Haʼe ndoumoʼãvéima hógape,ha avave ni naimanduʼamoʼãi hese.+
11 Che korasõ mbytete guive añembyasy,upévare ndajokomoʼãi che juru ha amombeʼúta la añandúva.
Ivaietereíma la che situasión, upévare añamarga ha ajeplageáta.+
12 ¿Che piko mar térã peteĩ animál tuichaitéva oĩva márperemoĩ hag̃ua chéve peteĩ guárdia?
13 Che apensa: ‘Che rupa chekonsoláta,upépe apytuʼúta ha michĩmi jepe cheresaráita che sufrimiéntogui’.
14 Péro upéi asoña vaipande rembou rupi chéve umi visión chemongyhyje ha chemondýiva.
15 Upévare, péicha aikove rangue,ikuentave chéve chepytupa ha amano mbaʼe.+
16 Chekueráima che rekovégui,+ amanoséntema voi.
Aipota chereja trankílo, pórke che rekove ningo tatatĩcha* opa reíta.+
17 Yvypórango ndahaʼéi mbaʼevete nde rejepyʼapy hag̃ua hese,ni reiko hag̃ua repena hese.+
18 ¿Mbaʼére piko reiko rekontrola chupe káda pyhareve?
¿Mbaʼére piko manterei reiko reprova chupe+ rehecha hag̃ua mbaʼépa ojapo?
19 Anivéna emaña cherehe,cherejamíntena trankílo sapyʼaite jepe ha anive epena cherehe.+
20 Ñandejára, nde ningo rejesareko yvyporakuérare,+ ha oimérõ che apeka raʼe, ¿mbaʼéicha piko upéva ndeperhudikáta?
¿Mbaʼére piko cherehénte rejahéi vaipa?
¿Koʼág̃a piko che peteĩ kárga ndéve g̃uarã?
21 ¿Mbaʼére piko nacheperdonái apeka haguére,ha chediskulpa ajavy haguére?
Pórke che koʼẽrõitéma amanóta ha oiko jeýta chehegui yvy rei.+
Nde remañáta che aime haguépe ha che naimemoʼãvéima upépe”.
