Miqueas 3:1-12
3 Koʼág̃a che haʼe: “Peẽ pemoakãva Jacob rogayguakuérape,ha peẽ pegovernáva Israélpe, pehendumína la haʼétava peẽme.+
¿Mbaʼéicha piko ndapeikuaamoʼãi mbaʼépa la iporãva?
2 Peẽme napendegustái la oĩ porãva,+ síno pehayhu la oĩ vaíva.+
Peẽ peipeʼa che puévlogui ipire, ha hoʼo ikanguekuéragui.+
3 Peẽ peʼu che puévlo roʼo ha peipireʼo chupekuéra.+
Peẽ pedeskuartisa che puévlope,+pemonguʼi ikanguekuéra ojejapoháicha oñekosináta jave peteĩ óllape,*
haʼete umi soʼo oñekosináva peteĩ óllape.
4 Upe tiémpope peẽ pejerure asýta ajúda Jehovápe,péro haʼe nopenamoʼãi penderehe.
Upe tiémpope haʼe oñemolómota* pendehegui,+pórke peẽ penerembiapo vai.+
5 Umi proféta ogueraha vai che puévlope.+ Oñemeʼẽ aja umi profétape álgo hoʼu hag̃ua, haʼekuéra oiko heʼi oĩtaha pyʼaguapy.+
Péro noñemeʼẽiramo chupekuéra mbaʼeve hoʼu hag̃ua,+ koʼã proféta omongyhyje umi héntepe heʼívo oĩtaha gérra.
Upévare, Jehová heʼi péicha koʼã proféta kóntrape:
6 ‘Peĩta pytũmbýpe pyharerõguáicha,+ péro ndapehechamoʼãi umi visión.+
Peikóta pytũmbýpe ha ndaikatumoʼãvéima pejapo adivinasión.
De diakue jepe iñypytũta peẽme g̃uarã,pórke pe kuarahy okañýta pendehegui.+
7 Umi kuimbaʼe ohecháva visión opyta vaíta umi hénte renondépe,+ha umi adivíno oñemotĩta.
Enterove omoʼãta ivigóte* otĩetereígui hikuái,pórke Ñandejára nokontestamoʼãi chupekuéra’”.
8 Péro Jehová espíritu omeʼẽ chéve fuérsa,chepytyvõ chepyʼaguasu hag̃ua ha ajapo hag̃ua umi mbaʼe iporãva.
Upéicha rupi amombeʼu Jacob familiarépe umi mbaʼe vai ojapóva, ha Israélpe ipekádo.
9 Peẽ pemoakãva Jacob rogayguakuérape,ha peẽ pegovernáva Israélpe, pehendu la haʼétava peẽme.+
Peẽ ningo ndapeikuaaséi mbaʼeve pe hustísiagui, ha pemokarẽ umi mbaʼe iderécho porãva.+
10 Peẽ pemopuʼã hag̃ua Sion peñohẽ hetaiterei tuguy, ha pemopuʼã hag̃ua Jerusalén heta inhustísia pejapo.+
11 Umi omoakãva chupekuéra oasepta kóima* oporohusga hag̃ua,+umi saserdóte okovra oporomboʼe hag̃ua.+
Umi proféta katu ojapo adivinasión ha okovra upévare.+
Upéicharamo jepe ohaʼarõ Jehová oipytyvõ chupekuéra, ha heʼi:
“Jehová ningo oĩ orendive,+mbaʼeve ivaíva ndoikomoʼãi orerehe”.+
12 Pende káusare Sion ojearáta peteĩ kokuéicha,Jerusalén oñehundietéta ha opytáta nandi vera.+
Ha pe témplo* oĩvagui pe montáña ári,oikóta peteĩ lugár yvate ikaʼaguypáva.+
Nóta
^ Térã: “peteĩ ólla ijuru guasúvape”.
^ Hebréope: “omokañýta hova”.
^ Térã: “ijuru”.
^ Térã: “otransa”.
^ Hebréope: “óga”.
