“Entéro mbaʼe oĩva Ñandejára Ñeʼẽme ou Ñandejáragui” (2 Timoteo 3:16, Ñandejára Ñeʼẽ La Biblia Traducción del Nuevo Mundo).

Orresponde umi pregúnta iñimportantevéva (Proverbios 2:1-5).

Oreko konsého nepytyvõtava redesidi porã hag̃ua (Salmo 119:105).

Omeʼẽ esperánsa iporãva (Romanos 15:4).

Si, jahechamína mbaʼérepa:

• Ndojoavýi ni peteĩ mbaʼépe. La Biblia oskrivi vaʼekue 40 kuimbaʼérupi, ha oñekompleta 1.600 áñope. Umi eskritór apytépe oĩ ni ndojokuaái vaʼekue, upéicharõ jepe la Biblia ndojoavýi ni peteĩ hendápe ha oñeʼẽ peteĩ téma prinsipál rehe.

• Opa mbaʼe oñemombeʼu oiko hagueichaite. Heta eskritór omokañy jepi umi mbaʼe vai ojapóva umi ipaispegua. Péro umi oskrivíva la Biblia omombeʼupaite mbaʼépepa ojavy haʼekuéra voi ha avei umi ipaispegua (2 Crónicas 36:15, 16; Salmo 51:1-4).

• Umi profesía katuete oñekumpli. La Biblia heʼi vaʼekue pe Mesías onase vaʼerãha Belénpe mas de 700 áño oiko mboyve upéva. Belén haʼe vaʼekue peteĩ puevloʼi oĩva Judápe (Miqueas 5:2). Ha Jesús onase upe lugárpe, pe profesía heʼi hagueichaite (Mateo 2:1-6).

  La Bíbliape oĩ hetave profesía oñekumpli vaʼekue umi detalleʼípe jepe. Ha upéva nañanesorprendéi pórke la Biblia ou Ñandejáragui (2 Pedro 1:21).