Umi omanóva haʼete ku okéva hína. Haʼekuéra ndoikuaái mbaʼépa oiko ijerére ha ndaikatúi ojapo mbaʼeve. Péro ñande Apohare ikatu omoingove jey chupekuéra. Ohechauka hag̃ua upéva, omeʼẽ vaʼekue podér Jesúspe oporomoingove jey hag̃ua. (Elee Eclesiastés 9:5 ha Juan 11:11, 43, 44.)

Ñandejára omoĩma peteĩ ára omoingove jey hag̃ua umi omano vaʼekuépe ikatu hag̃uáicha oiko ko yvy ape ári. Ñandejára ipuʼakapáva oipotaitereíma oikove jey umi omano vaʼekue. (Elee Job 14:14, 15.)

Umi oikove jeýva oikuaáta mávapa ihénte ha iñamigokuéra. Hete oñembyaipáramo jepe, Ñandejára omeʼẽta chupekuéra hete pyahurã. (Elee 1 Corintios 15:35, 38.)

Umi omanóva apytégui oĩ oikove jeýtava yvágape (Revelación [Apocalipsis] 20:6). Péro hetave oĩ la oikótava ko yvy ape ári peteĩ hardín neporãvape. Haʼekuéra ikatúta oiko vyʼápe opa árare. (Elee Salmo 37:29 ha Hechos 24:15.)