Hon Ti’isɛ Ti Beere Sa’am Wan Ana La Wani?
To tingɔŋɔ wa wan . . .
-
ana la bala?
-
sa’am gaŋɛ bala?
-
malum ana soŋa?
BAABULE LA N YELE SE’EM
“[Naayinɛ] . . . wan duuhe ba nintam ba nini poan bahɛ. Kum, la sunsagaŋɔ la kɛlega bii iŋduŋa ka maan bɔna. Yelekɛgɛhe la mɛlom ya.”—Liligere 21:3, 4, Yenɛ Gɔŋɔ—Farefare.
BALA N WAN BASƐ TI HO VOM ANA SE’EM
Tuuma n wan nɛ nini ge ti daaŋɔ kan bɔna.—Isaiah 65:21-23.
Bã’asi bii namesegɔ kan le bɔna.—Isaiah 25:8; 33:24.
Hon la ho yidoma la ho zɔdoma wan tara pupeelum ge vɔna daarewoo.—Yooma 37:11, 29.
TO WAN SIRUM SAKƐ BAABULE LA N YETI SƐLA LA?
Ɛɛ, yeen bisɛ yɛla ayi wa ma’a:
-
Naayinɛ tari paŋa n wan eŋɛ sɛla ti a pu’ulumbiŋe la. Baabule la poan, Yehowa Naayinɛ ma’a n de “Gaŋɛ Zan’an [Naayinɛ],” sɛla n sɔi la eŋa ma’a paŋa n ka tari tɛka. (Liligere 15:3) Bala a wan ta’an doose sɛla ti a pu’ulumbiŋe la basɛ ti tingɔŋɔ wa tee ana soŋa. Baabule la yeti: “la ka tɔe bo [Naayinɛ].”—Matu 19:26.
-
Naayinɛ boti a eŋɛ sɛla ti a pu’ulumbiŋe la. Makerɛ n wana, Yehowa kɔ’ɔn bɔta ti a isige sɛba n ki la mɛ ti ba nyɛ vom.—Yob 14:14, 15.
Baabule la le yeti Naayinɛ Dayɔa Yezu yuun tibɛ bã’adoma mɛ. Beni n sɔi ti a yuun eŋɛ bala? Amea n yuun boti bala. (Mark 1:40, 41) Yezu yuun kɔ’ɔn tɔɣesɛ a Sɔ la nima nima, soŋera sɛba n de nasedoma.—Yon 14:9.
Mina ti Yehowa la Yezu boti ba soŋɛ to mɛ ti to beere sa’am nyɛ pupeelum!—Yooma 72:12-14; 145:16; 2 Peter 3:9.
TI’ISƐ BISƐ
Naayinɛ wan tee tingɔŋɔ wa la wani ti la ana soŋa?
Bisɛ Baabule la n lebese sokere wa se’em MATU 6:9, 10 la DANIEL 2:44.
Ho Me Ta'an Bɔta Yele Ana
ESSENTIAL BIBLE TEACHINGS
Naayinɛ Na’am La Dela Bem?
Yezu na’am mɔɔlegɔ la poan, a yuun tɔɣɛ Naayinɛ Na’am la yele mɛ gaŋɛ yetɔɣum woo. Yuun kɔbesi poan, a podɔleba me zusɛ mɛ ti Na’am la wa’ana.
TO YƐLA
Mam Boti La Ya Wa’ana
Sɔsɛ ya sɛla n boi Baabule la poan bii ho zamesɛ Yehowa Sɛɛradoma yɛla pa’asɛ.
