Etẹwẹ Biblu Plọn Mí?
Be Jiwheyẹwhe tindo yinkọ de ya?
MẸDELẸ NỌ DỌ DỌ e ma tindo yinkọ de, mẹdevo lẹ nọ dọ dọ yinkọ etọn wẹ Jiwheyẹwhe kavi Oklunọ, podọ mẹdevo lẹ sọ nọ dọ dọ yinkọ susu wẹ e tindo. Etẹwẹ mì lẹn?
NUHE BIBLU DỌ
“Hiẹ, mẹhe oyín towe nọ yin Jehovah, hiẹ dopo kẹdẹ wẹ yin Gigogán to aigba lẹpo ji.”—Salmu lẹ 83:18.
NUDEVO TẸWẸ MÍ SỌGAN PLỌN SỌN BIBLU MẸ?
Mahopọnna dọ Jiwheyẹwhe tindo tẹnmẹ-yinkọ susu, yinkọ dopo gee wẹ e tindo.—Eksọdusi 3:15.
Jiwheyẹwhe ma yin nudabla de; ewọ jlo dọ mí ni yọ́n emi.—Owalọ lẹ 17:27.
Yinkọ Jiwheyẹwhe tọn yinyọnẹn sọgan yin afọdide tintan he na zọ́n bọ mí na jihọntọn hẹ ẹ.—Jakọbu 4:8.
Be e ylan nado nọ ylọ yinkọ Jiwheyẹwhe tọn wẹ ya?
ETẸWẸ HIẸ NA DỌ?
Mọwẹ
Lala
N’ma yọnẹn
NUHE BIBLU DỌ
“Hiẹ ma dona nọ yí oyín Jehovah Jiwheyẹwhe towe tọn zan to ovọ́ mẹ.” (Eksọdusi 20:7) Yinkọ Jiwheyẹwhe tọn yiylọ to aliho sisi-matindo tọn mẹ kẹdẹ wẹ ylan.—Jelemia 29:9.
NUDEVO TẸWẸ MÍ SỌGAN PLỌN SỌN BIBLU MẸ?
Jesu yọ́n yinkọ Jiwheyẹwhe tọn bosọ nọ yí i zan.—Johanu 17:25, 26.
Jiwheyẹwhe jlo dọ mí ni nọ ylọ yinkọ etọn to whenue mí to hodọ hẹ ẹ.—Salmu lẹ 105:1.
Kẹntọ Jiwheyẹwhe tọn lẹ nọ tẹnpọn nado hẹn gbẹtọ lẹ na yé nido wọn yinkọ etọn.—Jelemia 23:27.
A Gán Sọ Pọ́n Hosọ Ehelẹ
NUPLỌNMẸ TANGAN BIBLU TỌN LẸ
Be Jiwheyẹwhe Tindo Yinkọ de Ya?
Jiwheyẹwhe tindo tẹnmẹ-yinkọ susu taidi Ganhunupotọ, Mẹdatọ, podọ Oklunọ. Amọ́ yinkọ Jiwheyẹwhe tọn titi yin yiyizan nudi whla 7 000 to Biblu mẹ.
GBLỌNDO NA KANBIỌ SINAI DO BIBLU JI LẸ
Yinkọ Nẹmu Wẹ Jiwheyẹwhe Tindo?
Mẹlẹ gán nọ lẹndọ Jiwheyẹwhe tindo yinkọ lẹ taidi ‘Allah’, ‘El Shaddai,’ ‘Jehovah-Jile’, ‘Alfa po Omega po.’ Be lehe mí nọ ylọ Jiwheyẹwhe dọ yin nujọnu ya?
GBLỌNDO NA KANBIỌ SINAI DO BIBLU JI LẸ
Be Jesu Wẹ Yinkọ Jiwheyẹwhe Tọn Ya?
Jesu ma dọ gbede dọ emi yin Jiwheyẹwhe Ganhunupotọ. Naegbọn e ma do dọ mọ?
