•  -Deeghwlu- 2

•  ˈˈGhwlii- nɩan ˈe Ɲɔnsoa aˈ ghwlu ˈdhi 3-5

  •  -Bo 3

  •  Ɲɔnsoadhɛ ɛˈ ˈˈghwlii- 4

  •  Dhɛdhiizroɛ- 5

•  Kpʋn ˈe -manˈ -bobhladhbho ˈˈjhri 6-11

  •  Dhɛtosʋn- anˈ videe 7

  •  Ɲankɔn -zɔn 8

  •  ˈBho ɲɔn bho dhemuɛn- 9

  •  Biiblʋ ˈcɩan- 10

  •  -Bo 11

•  Kletiɛn ɛnˈ ˈkmʋn 12-13

  •  Ɲɔnsoagbu aˈ Biiblʋ ˈcɩan- 13

•  Dhebhɔɔghwlu- 14

•  Kpʋn ˈe dhɛdhiizroɛ -e ɲʋndhɛtɔɔɛn ˈˈjhri 15

•  -Klainˈˈ -ɲnun -mɩɩnˈˈ anˈ ˈsrɩn ˈˈduɛ- 16

•  Nɔnˈˈ ɔnˈ klɛɛ ˈˈdhruigbooɛ ˈyea ˈo po ɛ 17

•  ˈDhɔɔ -ɔ ˈdhe ˈdhi kpɔ ɔˈ ˈˈjhriɛbhodui ɔɔ jhia 18

•  ˈˈDhruigbooɛ- klaaˈˈ -aeˈˈ kpɔ ˈˈzaan anˈ ˈˈdhruigbooɛ ɛˈ ˈdhɔɔ 19

•  Zezi ɔˈ ˈmɛan anˈ -ˈgwlɩinaanzɔn ɔnˈ ˈdhɔɔ 20

•  Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ ɛˈ ˈˈjhriɛbhodui- 21

•  Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ ɛˈ jiebhopoi- 22

•  Ɲʋnsrɩndui- ɔˈ ˈsɔɔn -nɔn 23

•  -Klaingbu aˈ ˈsɔɔn -nʋn 24

•  Videe 25

1. ˈSrɩn nɩan ˈdhe Kletiɛn ɛnˈ ˈkmʋn -e ɔɔˈ -bobhladhbho-: ˈˈDhruigbooɛ- ɛˈ ˈsɛɛ ˈdhi -e ˈsrɩn nɩan da ˈzɔn da ɩmɩn- ɲʋn ˈye ˈˈjhriɛ ˈˈdu -bho ɲʋn an sa Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ nʋn ɛnˈ. Ɲʋn ˈye -bobhlaʋn anˈ klɛɛ ˈkpɩ po ʋʋ ˈye -klaindhbho nʋn ˈdhe ˈˈdhruigbooɛ- -ˈnɛn ɛnˈ -klainˈˈ. Ɲʋn -an jhia ˈˈdhruigbooɛ- ɛˈ klɛɛ ˈmʋn ˈˈdhe -ʋa- ˈŋwɔɔan dhɩ Biiblʋ a tɔɔn an ɲʋn -wɛeˈ -ʋa- ˈˈduɩ ˈˈjhriɛ ˈdhe ʋaˈ ˈkmʋn ˈdhi ɛ, ʋʋ ˈbhɛɛˈ ʋʋ ˈye dhɛ -to ˈdhe ˈˈdhruigbooɛ- -ˈnɛn ˈmʋn.—be-F ˈˈjhriɛ- 282.

  2. Minitɩ dhueˈ. ˈDhɔɔ ooˈˈ ˈdhɔɔ, ˈbho ˈdhʋ -e bhaeɛ ˈdhe ɛ, ˈˈdhruigbooɛ- kletiɛn ɛnˈ ˈkmʋn -e ɔɔˈ -bobhladhbho ɔˈ jiebhopoi ˈye dhɩ ˈyea -nʋʋɛn- ɛnˈ ˈmʋnan ˈbho ɲʋn jhia -gwlɩˈˈ po. Dhɩ kman ɲɔnsoagbu ˈˈbhli ɛ, ɩmɩn- anˈ dɩ ɔ ˈye ˈtmʋn.

  3. -Bo: Minitɩ -bue-. Kletiɛn ɛnˈ ˈkmʋn -e ɔɔˈ -bobhladhbho ɛˈ ˈsɛɛ ɛ toɛ ˈo bo ɔˈ ˈˈdhru -e dɩ aˈ kpɛ ˈsɔɔn -aeˈˈ taan -ɩn kɔandɩ ˈdhe bo ˈdhi. Ɲankɔin- -aeˈˈ ɲankɔʋn anˈ ˈsɔɔnpoi- nɩan ɛɛˈ ka ʋaˈ ˈsʋ ˈbhɛɛ -ʋʋ ˈye -bo nɔn bhla. -Ka ˈˈdhruigbooɛ ɛˈ ˈsɛɛ ɛ nʋan ɛɛˈ -to sʋn ɛn, ˈdhɔɔ -ɔ ˈdhe ˈdhi ɲʋn an deea  Biiblʋ aˈ ˈsɛɛ -dhee ˈdhii -zroa a, ɲʋn ˈye video dhueˈ -to -ɔ ˈye ˈsɛɛ- -ˈnɛn ɛnˈ dɩ ˈtmʋn. -Ka video -ˈnɔn -nɩn bo ɔˈ ˈˈdhru a nʋan -jie- dhueˈ -kpa sʋn ɛn, -bobhlai ˈbhɛɛˈ ɔ ˈye ɛɛˈ dɩ ˈtmʋn ˈKlaa dɩ aˈ kpɛ nɩan ˈe bo ɔˈ tɔˈ ˈdhi ˈbho ˈsɛɛ ˈˈkpe ɛ, ɔ ˈye ɩanˈ klɛɛ ɛˈ dɩ ˈtmʋn. -Bho nɔnˈˈ nɩɔn ˈkwa aˈ, ɔ ˈbhɛɛˈ ɔ ˈye fete -e Biiblʋ aˈ ˈsrɩn -ɩan- kpa bo ɔˈ tɔˈ -jieˈˈ aˈ dɩ ˈtmʋn. Ɔ ˈbhɛɛˈ ɔ ˈye ˈsɛɩ- -ˈnɩɩn -ɩn -nɩn ɔnˈ bo ɔˈ tɔˈ ɔ kpa -jie- dhue aˈ dɩ ˈtmʋn.

 4. -A ˈbɔn ˈˈghwlii- nɩan ˈe Ɲɔnsoa aˈ ghwlu ˈdhii: Minitɩ -bue-. ˈˈDhruigbooɛ ɛˈ ˈfɔ nɔn -nɩɛn- po ˈe -za ˈe. Ɔ se ghwlu ɲʋn an deea ˈbho ˈˈkpe -e dhebhɔɔghwlu- ˈbhle. Ɲankɔin- -aeˈˈ ɲankɔʋn anˈ ˈsɔɔnpoi- nɩan ɛɛˈ ka, ɔmɔn- ˈyeɛ jiebhopo. ˈDhoudhi -ɔɔ poa ˈfɔ nɔn jie bho ˈye dhɩ kman ɲɔnsoagbu ˈˈbhli aˈ dɩ tɔˈinaan- -wɛeˈ ɔ ˈse nɔnˈˈ nɩan dhueˈ -nʋn in ˈbho ideedɩ- nɩan taan ˈˈkpe. ˈKlaa ɔ ˈye ˈe ideedɩ aˈ klɛɛ po. Biiblʋ aˈ ˈˈjhri ideedɩ- nɩan ˈsɔɔn kɔanɲan tbha ˈo ˈˈkpe ɛ, -bho ɲʋn ˈyɩ ˈdhii zro -aeˈˈ ɲʋn ˈsɩ ˈdhii -zro i ɛˈ, ɛɛˈ dɩ -nɩɛn- ˈdhe ɔ ˈkwa. Ɲʋn -an za ˈe dɩ ɛ, ʋaˈ ˈtmʋʋndɩ ˈse segɔndɩ aˈ 30 i -zi i.

 5. Biiblʋ ˈdhii -zroɛ-: Minitɩ ɲiɛn, ɩn ˈbhɛɛˈ ɩn ˈse -ɲnin in. -Klainˈˈ -jhu ˈˈzaan- ˈyea dhbho nɔn nʋn ɛn, ɔ ˈye ˈdhoudhi -ɲmau -nɩn. Dhɛdhiizroɛ- nɛn ˈse -deeghwlu -e dhebhɔɔghwlu ˈbhle i. ˈDhoudhi -ɔɔ poa ˈˈdhruigbooɛ jie bho ɛ, ɔ ˈye -klainˈˈ -ɲnun -mɩɩnˈˈ sʋn bho po ʋaˈ dhɛdhiizrosʋn ˈye ˈˈɩ ˈsrɛ, ʋʋ ˈye -ghwlu -ka ʋa ghwlua see, ʋʋ ˈye dhɛ ˈdhii zro -ka ɛ nʋan ˈcreɛ- sʋn ɛn, ʋʋ ˈye ghwlu aˈ ˈˈɩ ziansʋn jhibho-. Biiblʋ aˈ ˈˈjhri ɲʋn ˈyea ˈdhiizro ˈbhɛɛˈ ɩn ˈye ˈˈjhriikʋan -aeˈˈ ɩn ˈye ˈˈjhriitɛn-, -ˈmɛn Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ- ɛˈ ˈˈjhriɛbhodui ˈye dhɛ -klainˈˈ -ɲnun -mɩɩnˈˈ ˈbhɛa ʋʋ ˈyea nʋn jhibho- -wɛeˈ ɔ ˈyʋbʋ Biiblʋ ˈdhii -zroɛ- ˈˈɲɩn.

 6. Minitɩ aˈ -buɔˈ -mmˈˈ, ɩn ˈbhɛɛˈ ɩn ˈse -ɲnin in. ˈˈDhruigbooɛ ɛˈ ˈfɔ nɔn ˈye ɲʋn anˈ klɛɛ sʋn bho po ʋʋ ˈye -bo ɲʋn an bhla ˈdhe kpaeˈˈ ˈcɩan, ʋʋ ˈye ʋaˈ -bobhlasʋn -e ɲʋndhɛtɔɔnsʋn ˈkpa po. -Bho ˈdhoudhi -ˈˈwe -ˈyea dhɛ -to ˈye ˈo dhɛtosʋn nɩan ˈbho ˈsɛɛ ˈˈkpe ˈˈkpei tbha mɔn -dhe ɛˈ, -ka ʋʋ ˈyea ɛɛˈ -to sʋn nʋn ˈˈdhe ɲʋn nɩan ˈdhe ʋaˈ kpɔ ˈdhi yʋbʋ -dheinˈˈ bho po ɛ, ʋʋ ˈbhɛɛˈ ʋʋ ˈyeɛ -to kaˈ. -Bho -bobhlaʋn ˈbɔn ɔnˈ, ʋʋ ˈbhɛɛˈ ʋʋ ˈye ˈsɛɩ -e videe nɩan ˈdhe -aaˈ ɲʋndhɛtɔɔndhɩ ˈˈklun aˈ dhueˈ -to. -Da dhɛtosʋn nɩan, -da dhueˈ -nɩn ˈo ɲʋn ˈcre “Ɲʋndhɛtɔɔnsɛɩ -a ˈtmʋan Biiblʋ aˈ ˈˈjhriɛ- nɛn ɛnˈ dɩ ka”, ɛ ˈbhɛɛˈ ɛ ˈye -aʋ sʋn bho po -ke ˈdhe -bobhlaaˈ. -Bho -klainˈˈ -jhu ˈˈzaan- ˈbɔn ɔnˈ, ɔ ˈbhɛɛˈ ɔ ˈye dhɩ nɩan ˈe ˈfɔ -ˈnɔn ˈdhi aˈ dɩ ˈtmʋn -bho ɔɔ sa ɔɔˈ dhbho nʋn ɛnˈ. Nɔnˈˈ -e ˈsrɩn -klainˈˈ -jhu ˈˈzaan- -an toa dhɛ ˈyea ˈˈjhriɛ ˈˈdu ɛ, ɩanˈ dɩ ˈtmʋʋɛnˈ ˈdhe Kletiɛn ɛnˈ ˈkmʋn -e ɔɔˈ -bobhladhbho ɛˈ ˈsɛɛ- ˈdhi. -Bho dɩ -klainˈˈ -jhu ˈˈzaan ˈyea ˈtmʋn -gwɛ ˈe ˈˈdhe nɔnˈˈ -sie- ˈo ɛˈ, ɔ ˈse ˈo dɩ -dhee -ˈnɩɩn ˈtmʋn i dhɛ nɔnˈˈ sia ˈo ɛɛˈ dɩ. Dhɛtoɛ- -nʋʋan- -kajɔɔnka, ɛ ˈbhɛɛˈ ɛ ˈye minitɩ dhueˈ nʋn -aeˈˈ ɛ ˈbhɛɛˈ ɛ ˈseɛ nun in. -Bho ɛɛˈ nʋan -kɔndɩ ɛˈ, ɲʋn ˈbhɛɛˈ ɲʋn ˈye ɲankɔin -aeˈˈ ɲankɔʋn anˈ ˈsɔɔnpoi -nmanˈˈ -ˈˈklaindhbho ˈˈɲɩn.

 7. Dhɛtosʋn- anˈ videe: ˈDhe ˈcʋ ooˈˈ ˈcʋ ˈdhi ɛ, ɲʋn an muɛn dhɛtosʋn- anˈ videe i ˈjhe -wɛeˈ ɲʋn ˈye ɩanˈ dɩ ˈtmʋn. -Ka ɲʋn an nʋan ɲankɔn- -zɔn -e ˈbho ɲɔn bho dhemuɛn- ɛnˈ nʋn sʋn ɛn, ɛmɛn- videe -ˈnɩn ˈye -to. ˈˈDhruigbooɛ- ɛˈ jiebhopoi- -nɩn ɲʋn ˈye ˈfɔ nɔn ɔnˈ dɩ ˈtmʋn.

 8. Ɲankɔn- -zɔn: -Klainˈˈ -jhu ˈˈzaan ˈyeɛ nʋn ɛn, ɛ ˈbhɛɛˈ ɛ ˈye ˈdhoudhi -ɲmau- -aeˈˈ ˈdhoudhi -ɲnʋnkpaoˈ -nɩn. Ɲmai- -e ɲmai- -aeˈˈ ˈɲnʋnkpaeˈ -e ˈɲnʋnkpaeˈ aˈ ˈsʋ ˈye dhɛtoɛ- nɛn nʋn. -Bho ˈɲnʋnkpaoˈ -e ɲmau ˈye dhɛtoɛ- nɛn nʋn ɛnˈˈ, ʋʋ ˈye ˈˈgbuzɔncɛ- nɩan dhueˈ -nɩn. Ʋʋ ˈbhɛɛˈ ʋʋ ˈye ide- -aeˈˈ ʋʋ ˈye i -ɲnan ˈˈdhe ʋʋ ˈye dhɛ -to. -Ka ɲʋn an nʋan ɲʋn ˈsɛ -po sʋn ˈdhe ɔ ˈˈbhli ɛ, ɛmɛn- ɔ ˈye nʋn. Dhɛtosʋn- nɩan ˈbho Kletiɛn ɛnˈ ˈkmʋn -e ɔɔˈ -bobhladhbho ɛˈ ˈsɛɛ ɛˈ -deenanˈ an, ɛmɛn- ɔ ˈye jha -ŋmʋn ˈˈdhe ɔ ˈyeɛ nʋn.

 9. ˈBho ɲɔn bho dhemuɛn-: -Klainˈˈ -jhu ˈˈzaan ˈyea -klaindhbho- nɔn nʋn ɛn, ɛ ˈbhɛɛˈ ɛ ˈye ˈdhoudhi -ɲmau- -aeˈˈ ˈdhoudhi -ɲnʋnkpaoˈ -nɩn. ˈƝnʋnkpaoˈ -e ɲmau ˈse dhɛtoɛ- nɛn nʋn in. (km-F 5/97 ˈˈjhriɛ- 2) Ʋʋ ˈbhɛɛˈ ʋʋ ˈye ide- -aeˈˈ ʋʋ ˈye i -ɲnan ˈˈdhe ʋʋ ˈye dhɛ -to. -Bho ɲʋn an sa ˈbho ɲɔn bho dhemuɛn- nʋn ɛnˈ, dhɛ ɲʋn ˈbhɛa ɲʋn ˈyea ˈo ˈˈkpe -dee ɛ, ɛmɛn- dhɛtoɛ- nɛn ɛn po -aʋ sʋn bho -aa ˈŋwɔin. -Bho -klainˈˈ -jhu ˈˈzaan ˈye -klaindhbho nɔn nʋn ɛnˈ, dhɛtosʋn nɩan ˈo Kletiɛn ɛnˈ ˈkmʋn -e ɔɔˈ -bobhladhbho ɛˈ ˈsɛɛ ɛˈ -deenanˈ an, ɛmɛn- ɔ ˈye ˈˈjhriɛ ˈˈdu.

  10. Biiblʋ ˈcɩan-: Klainˈˈ -jhu ˈˈzaan -ˈyeɛ nʋn ɛn, ɛ ˈbhɛɛˈ ɛ ˈye ˈdhoudhi -ɲmau- -aeˈˈ ˈdhoudhi -ɲnʋnkpaoˈ -nɩn. ˈƝnʋnkpaoˈ -e ɲmau ˈse dhɛtoɛ- nɛn nʋn in. (km-F 5/97 ˈˈjhriɛ- 2) Ʋʋ ˈbhɛɛˈ ʋʋ ˈye ide- -aeˈˈ ʋʋ ˈye i -ɲnan ˈˈdhe ʋʋ ˈye dhɛ -to. -Ka ɲɔn -nɩn ɲɔn -deea Biiblʋ ˈcɩan- see ɔɔ nʋan Biiblʋ ˈcɩan- sʋn ɛn, ɛmɛn- -klainˈˈ -jhu ˈˈzaan ˈye -to. -Klainˈˈ -jhu ˈˈzaan anˈ dhɛtoɛ ˈbhɛɛˈ ɛ ˈse -deeghwlu -e dhebhɔɔghwlu ˈbhlei. -Bho ɛ ˈyɩ ˈbhle ɛˈ, -ˈmɛn ɛ dhɛ ɲʋn deeɔ i ɔ ˈye nʋn ˈdhe ɛɛˈ -zɔn tu ˈdhi. Ɛ ˈse dɩ -kɔn ɲʋn ˈye dhɩ aˈ kpɛ nɩan ˈe ˈsɛɛ ˈdhi aˈ klɛɛ ˈdhii zro. -Bho video -nɩn ˈe dhɛtosʋn ˈdhi ɛˈ, ɲʋn ˈseɔ i ˈjhei, ɲʋn ˈye ɔɔˈ dɩ ˈtmʋn. Dhɛ kɔandɩ ɛ, ɛmɛn- -nɩn -ka ɲʋn an nʋan ɲʋn dhɛtɔɔn sʋn -kajɔɔnka a, ɛmɛn- ɲʋn ˈye -jiɛ ˈˈkpe de.

 11. -Bo: -Klainˈˈ -jhu ˈˈzaan ˈyea -klaindhbho nɔn nʋn ɛnˈ, ɛ ˈye ˈdhoudhi -ɲmau -nɩn. Ɛ -bo ɔ ˈye bhla ɔ ˈye ɲɔnsoagbu ˈˈɲɩn.

 12. ˈBho ˈdhʋ ˈdhe ɛˈ, ˈdhe ˈˈdhruigbooɛ ɛˈ ˈfɔ nɔn ɔnˈ minitɩ aˈ 15 kɔanɲan ˈdhi ɛˈ, dɩ aˈ kpɔ dhueˈ -aeˈˈ ˈsɔɔn ˈye -nʋʋɛn -ɩn ye ɲʋn jhia sʋn bho po -wɛeˈ ʋʋ ˈye Ɲɔnsoa aˈ Ghlwu ˈˈjhriɛ ˈˈdu. -Bho ˈsrɩn -ˈnɩɩn ˈse ˈo -nɩn ɛnˈ, ɲankɔʋn -aeˈˈ ɲankɔʋn anˈ ˈsɔɔnpoʋn- ˈbhɛɛˈ ʋʋ ˈye ˈˈdhruigbooɛ ɛˈ ˈfɛ nɩn jie bho po.

  13. Ɲɔnsoagbu aˈ Biiblʋ ˈcɩan-: Minitɩ aˈ -kwla taan, ɩn ˈbhɛɛˈ ɩn ˈse -ɲnin in. Ɲankɔin nɩan ɛɛˈ ka ɔmɔn- ˈyeɛ jiebhopo. (-Bho ɲankɔʋn se ˈˈɩ -die- ɛˈ, ɲankɔʋn- anˈ ˈsɔɔnpoi- nɩan ɛɛˈ ka ˈbhɛɛˈ ɔ ˈyeɛ jie bho po.) Ɲʋn ˈyea ɲɔnsoagbu aˈ Biiblʋ ˈcɩan- jiebhopo ɛ, ɲankɔʋn anˈ kpɔ ˈye ˈo ʋbʋ -za. ˈDhoudhi -ˈˈwe ɲʋn an muan ˈo -za a, ʋʋ ˈyeɛ jiebhopo -kajɔɔnka ˈˈdhe ʋʋ ˈyeɛ jha gwɛ ˈdhe nɔnˈˈ ˈdhi, ʋʋ ˈye Biiblʋ aˈ ˈˈjhri kɔandɩ -jiɛ ˈˈkpe de, ʋʋ ˈye ɲʋn anˈ klɛɛ sʋn bho po -wɛeˈ ˈsrɩn ʋʋ ˈyea ˈˈjhriɛ ˈˈdu ɛ, ʋʋ ˈyɩ i ˈŋwɔn. ˈSrɩn ɲʋn toa ˈo ˈdhe Ɲʋndheifuoi- ɔˈ -deɩn- anˈ jiebhoposʋn anˈ dɩ ˈdhi ɛ, ɩn ˈbhɛɛˈ ɩn ˈyʋbʋ sʋn bho po -ke. -Bho dhɩ aˈ klɛɛ kɔandɩ ˈdhe ˈcɩaandhɛ ˈdhi -gwɛ ˈe ɛˈ, ɛ se dɩ -kɔn -wɛeˈ ɲʋn ˈye dhɛcɩan- ɲan kpa. -Bho ɛ ˈbhɛɛ ɛ ˈye -nʋʋɛn- ɛnˈ, ɲɔn -ɔn poa dhɛcɩan- jie bho -e ɲɔn -ɔn zroa dhɛ ˈdhii ɛ, ɲʋn ˈbhɛɛˈ ɲʋn ˈyʋbʋ ˈˈɩ zian- ˈdhɔɔ ooˈˈ ˈdhɔɔ. -Bho Kletiɛn ɛnˈ ˈkmʋn -e ɔɔˈ -bobhladhbho ɛˈ jiebhopoi ˈnaan ɲɔn ˈye ɲɔnsoagbu aˈ Biiblʋ ˈcɩan- anˈ nɔnˈˈ ˈˈkpe cɛn ɛnˈ, -ka ɛɛˈ jiebhopoi ˈyea nʋn -wɛeˈ ɔ ˈyea nɔnˈˈ ˈˈjhriikʋaan- an, ɔ ˈbhɛɛˈ ɔ ˈyeɛ tɔˈinaan-. Ɔ ˈbhɛɛˈ ɔ ˈyeɛ nʋn ɲʋn ˈse dhɩ aˈ kpɛ -ˈnɩɩn ˈdhii -zro i.

  14. Minitɩ taan, ɩn ˈbhɛɛˈ ɩn ˈse -ɲnin in. Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ- ɛˈ jiebhopoi ˈye dhɩ kɔandɩ -ɩanˈ dɩ ɲʋn ˈtmʋan bhoi -jhii. Dhɩ ˈyea -nʋʋɛn- ˈdhɔɔ -ɔɔ jhia ɔ ˈbhɛɛˈ ɔ ˈye ɩan -ˈnɩɩn anˈ dɩ ˈtmʋn, ɛ ˈbhɛɛ ɛ ˈye ideedɩ- ɲʋn ˈyea ˈe -za ˈdhɔɔ -ɔɔ jhia -nɩn. -Bho nɔnˈˈ nɩɔn ˈkwa aˈ, ɔ ˈbhɛɛˈ ɔ ˈye -klainˈˈ -ɲnun -mɩɩnˈˈ ˈyea dhbho nʋn ˈdhɔɔ -ɔɔ jhia aˈ ˈɲnɩn ˈˈsi. -Bho dɩ -ˈnɩɩn ˈse ˈo -nɩn ɛnˈ, ˈˈdhruigbooɛ- ɛˈ jiebhopoi- ˈye -manɩanˈ -e ˈsɛɩ ˈdhii zro ˈdhe dhebhɔɔghwlu ˈdhi. -Manɩanˈ nɩan see ɲʋn an poa ˈdhe -bobhladhbho ɔˈ ˈˈdhruigbooɛ- -e ɲɔnsoagbu aˈ ˈdheigeeɛ- ɛˈ dɩ ˈdhi ɛ, ɲʋn ˈse ɩanˈ dɩ ˈtmʋn in ˈbho ˈˈkpa ˈˈkpe ˈklaa ɲʋn ˈyɩ ˈo tu -gwlɩˈˈ po. -Bho nɔnˈˈ -duuˈˈ se -nɩn -wɛeˈ ɲʋn ˈye -manɩanˈ -e ˈsɛɩ ˈdhii zro ˈdhe dhebhɔɔghwlu ˈdhi ɛˈ, ˈˈdhruigbooɛ- ɛˈ jiebhopoi ˈbhɛɛˈ ɔ ˈye ɲʋn ˈbhlea dhbho ˈdhe Kletiɛn ɛnˈ ˈkmʋn ɛnˈ ˈfɔ bho ˈtmʋʋn- ʋʋ ˈye ʋaˈ nɔnˈˈ ˈˈkpe cɛn. (-Ŋmʋn ˈe  kpɔ ɔˈ 13 -e  17 ˈdhi.) ˈBho ˈˈdhruigbooɛ- ɛˈ ˈˈtianˈ an, ˈdhʋ -e bhaeɛ- ˈye ˈo ˈbhɔɔ-.

 15. -Bho klainˈˈ -ɲnun -mɩɩnˈˈ an sa Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ ˈmʋn jhi ɛˈ, ʋʋ ˈye ʋaˈ Ɲʋndhɛtɔɔɛn ɛnˈ ˈsɛɛ -jha. Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ- ɛˈ jiebhopoi ˈye ˈo ˈsɛɛ- -ˈnɛn ˈˈkpe tbha -wɛeˈ ɔ ˈye -klainˈˈ -ɲnun -mɩɩnˈˈ dɩ bho po -aeˈˈ ɔ ˈyʋbʋ ˈsrɩn ˈˈdu. ˈCɩaandhɛ- -klainˈˈ -jhu ˈˈzaan ˈyea ˈcɩan an, ɛɛˈ ˈˈjhriɛ -mɛn -nɩn ˈbho -klaindhbho- ɔ ˈyea nʋn ɔn ˈsrɩn ˈˈjhibhaˈ ˈdhe Kletiɛn ɛnˈ ˈkmʋn -e ɔɔˈ -bobhladhbho ɛˈ ˈsɛɛ ˈdhi. ˈDhe ˈsɛɛ ɲʋndhɛtɔɔɛn ˈdhi ɛˈ, -da ɲʋn ˈcrea “ˈCre -zɔn ˈˈdua ˈcɩaandhɛ ˈˈjhriɛ” ɛ, klainˈˈ -jhu ˈˈzaan anˈ ˈˈjɛ ˈye ˈo ˈcre.

  16. -Bho klainˈˈ -jhu ˈˈzaan gwɛ ɔɔˈ dhbhoˈˈ ɛˈ, Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ- ɛˈ jiebhopoi ˈye minitɩ dhueˈ ˈmʋn ˈˈdhuo- ɔ ˈye ɲʋn toa dhɛ dɩ bho po ˈˈdhe ɔ ˈye ˈsrɩn ˈdhe Ɲʋndhɛtɔɔɛn ɛnˈ ˈsɛɛ ˈdhi -za ɔ ˈyʋbʋ ˈˈdu. -Bho ˈˈdhruigbooɛ- ɛˈ jiebhopoi ˈdha -klainˈˈ -jhu ˈˈzaan -wɛeˈ ɔ ˈye ɔɔˈ dhbho nʋn ɛnˈ, ɔ ˈse ˈcɩaandhɛ- ɔ ˈyea ˈˈjhriɛ ˈˈdu ˈɲnɩn ˈˈsi i. -Bho klainˈˈ -jhu ˈˈzaan gwɛ ɔɔˈ dhbho ɔˈ nʋanˈ anˈ, -bho ɔ gwɛ ɔɔˈ dɩ bho -poaˈ, ɔ ˈbhɛɛ ɔ ˈye ˈcɩaandhɛ- ɔ ˈˈdua ˈˈjhriɛ ɛˈ dɩ ˈtmʋn. Dhɩ klainˈˈ -jhu ˈˈzaan nʋan -ɩan- toɛ -ka ɔ ˈˈdua ˈcɩaandhɛ ˈˈjhriɛ ɛ, ˈˈdhruigbooɛ- ɛˈ jiebhopoi ˈbhɛɛˈ ɔ ˈye ɩanˈ dɩ ˈtmʋn -aeˈˈ dhɛ ɔ ˈbhɛɛa ɔ ˈyea nʋn -wɛeˈ ɔ ˈyeɛ ˈˈjhriɛ ˈˈdu -kajɔɔnka, ɔ ˈbhɛɛˈ ɔ ˈye ɛɛˈ dɩ ˈtmʋn ˈdhe ɲʋndɩkman ˈmʋn. -Bho ˈˈdhruigbooɛ -gwɛ jha -aeˈˈ ˈghwɩ -ˈnɩɩn bho ɛˈ, ˈˈdhruigbooɛ- ɛˈ jiebhopoi ˈbhɛɛˈ ɔ -nɩn klainˈˈ -jhu ˈˈzaan ˈye ˈsɔɔn -nɩn ɔ ˈye ˈsrɩn ˈdhe ɲʋndhɛtɔɔɛn -aeˈˈ École du ministère ˈdhi -za ɔ ˈyeɔ ˈˈdu. (Dhɩ Kletiɛn ɛnˈ ˈkmʋn -e ɔɔˈ -bobhladhbho ɔˈ jiebhopoi- -e ɲʋnsrɩndui ɔˈ ˈsɔɔn nɔn ˈyea jhibho- ˈdhe ʋaˈ dhbho ɔˈ dɩ ˈdhi ɛ, ɩn -nɩɛn- ˈdhe  kpɔ ɔˈ 17,  22, -e  23 ˈdhi.).

     17. Ɲɔn ooˈˈ ɲɔn ˈse dhbho ɔ ˈyea nʋn ɔnˈ nɔnˈˈ i -zi i. ˈˈDhruigbooɛ- ɛˈ jiebhopoi ɔˈ ɲʋndɩbhopoɛ ˈse nɔnˈˈ i -zi i -ke. -Bho -klainˈˈ jhu ˈˈzaan anˈ dhbho zi nɔnˈˈ in ɛnˈ, ɲʋn ˈye ɔɔˈ i -ɲnaan ka jhibho-. ˈˈDhe ˈdhoudhi nɩan ɲʋnsrɩndui- ɔˈ ˈsɔɔn -nɔn ˈyeɔ ˈsrɩn ˈˈdu ˈdhe dhɩ ˈdhe. (-Ŋmʋn ˈe  kpɔ ɔˈ 23 ˈdhi.) ˈˈDhruigbooɛ- ɛˈ klɛɛ ( -ɛ nɩan ˈdhɩ -e bhaeɛ- -ke ɛ) ˈye lɛɛ ɛˈ ˈˈjhri 1 minitɩ aˈ 45 nʋn.

 18. -Bho kpɔ ɔˈ ˈˈjhriɛbhodui jhi ɛˈ, -ka Kletiɛn ɛnˈ ˈkmʋn -e ɔɔˈ -bobhladhbho ɛˈ ˈsɛɛ nʋan ɛnˈ desʋn ˈkamɔn- ˈˈdhruigbooɛ ˈye -nʋʋɛn-. Ɲɔnsoagbu aˈ Biiblʋ ˈcɩan- -an nʋan minitɩ aˈ 30 ˈse -nʋʋɛn- in. ˈBho ɛˈ ˈgɔ ɔˈˈ, Kpɔ ɔˈ ˈˈjhriɛbhodui ˈye bo bhla ˈdhe minitɩ aˈ 30 ˈdhi. -Bho kpɔ ɔˈ ˈˈjhriɛbhodui ˈye bo bhla aˈ, Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ- ɛˈ jiebhopoi ˈye dhɩ -nʋʋan- -e dhɩ ˈyea -nʋʋɛn ˈdhɔɔ -ɔɔ jhia aˈ dɩ ˈtmʋn, ɔ ˈye -manɩanˈ -e ˈsɛɩ dhii zro -wɛeˈ ɔ ˈye kpɔ ɔˈ ˈˈjhriɛbhodui ˈdha. ˈBho kpɔ ɔˈ ˈˈjhriɛbhodui ɔˈ bo ˈdhe ɛ, ˈdhʋ ɔɔ muan ˈo -za a, ˈbho ʋn ˈˈkpe ɔ ˈye ˈˈdhruigbooɛ ˈˈdhru -jraa, ˈbho ɛ ˈdhe ɛ, ɔ ˈbhɛɛˈ ɔ ˈye ˈdhoudhi dhueˈ ˈdha -ɔ ˈye bhae-. ˈDhɔɔ -ɔ ˈdhe ˈdhi kpɔ ɔˈ ˈˈjhriɛbhodui ɔ jhia, -klaingbu aˈ ˈsɔɔn nʋn ˈse -nʋʋɛn- in. -Bho kpɔ -ɔɔ poa ghwlu -ˈnʋʋn an sa ˈˈdhruigboo ˈdhe ɲɔnsoagbu ˈdhi ɛˈ, ʋʋ ˈbhɛɛˈ ʋʋ ˈye ʋaˈ ˈˈdhruigbooɛ nʋn, ˈklaa -bho kpɔ ɔˈ ˈˈjhriɛbhodui ɔ sa ɔɔˈ bo bhla aˈ, ʋaˈ klɛɛ ˈye ɛɛˈ da ˈjhe.

 19. ˈDhɔɔ -ɔ ˈdhe ˈdhi ˈˈdhruigbooɛ- klaaˈˈ -aeˈˈ kpɔ ˈˈzaan anˈ ˈˈdhruigbooɛ- ɛ nʋʋan, ɲɔnsoagbu- ˈse ˈˈdhrui ˈgboo- i. Dhɩ ˈyea -nʋʋɛn- ˈdhe ɲɔnsoagbu aˈ ˈˈdhruigbooɛ- ˈmʋn -dhe ɛ, ˈdhoudhi -ˈˈwe ˈyɩ ˈcɩan ˈdhe ʋaˈ -nɩn dhueˈ ˈcɩan Biiblʋ -aeˈˈ ˈˈgbuzɔncɛ ɛˈ Biiblʋ ˈcɩan anˈ nɔnˈˈ.

 20. -Bho ɲʋn ˈye Zezi ɔˈ ˈmɛan anˈ dɩ -glʋˈ bho po ˈbho ˈdhɔɔ ɔˈ gwea- aˈ, ˈˈdhruigbooɛ- Kletiɛn ɛnˈ ˈkmʋn -e ɔɔˈ -bobhladhbho ˈse -nʋʋɛn- in. ˈKlaa -bobhladhbho ɔˈ ˈˈdhruigbooɛ ˈye -nʋʋɛn- ˈbho ɛɛˈ -zɔn tu ˈˈkpe.

 21. Ɲankɔin-, ɲankɔʋn- anˈ kpɔ ɔ muan ˈo -za a, ɔmɔn- ˈye Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ- ɛˈ ˈˈjhriɛbhodui -nɩn. -Bho ˈˈdhruigbooɛ ˈye -nʋʋɛn- -kajɔɔnka -e ˈsrɩn nɩan ˈnɔn ˈsɛɛ nɛn ˈdhi aˈ ˈˈjhriɛ ˈˈduɛ- ɛˈ dɩ -nɩɛn- ˈdhe ɔ ˈkwa. Ɔ -nɩn ɲʋnsrɩndui ɔˈ ˈsɔɔn nɔn ˈye ghwluiŋwɔɔn- ˈbho ɛɛˈ nʋʋanˈ. -Bho Kletiɛn ɛnˈ ˈkmʋn -e ɔɔˈ -bobhladhbho ɛˈ ˈsɛɛ ˈˈsi ˈzɔn ɔnˈ, ɔ ˈye -klainˈˈ -ɲnun -mɩɩnˈˈ anˈ dhbho ˈˈɲɩanˈ -dee. (-Ŋmʋn ˈe  kpɔ 2-14 ˈdhi.) Ɲʋn ˈye ˈdhɔɔ taan ɲan sie -wɛeˈ ɲʋn ˈye -klainˈˈ -ɲnun -mɩɩnˈˈ -glʋˈ zela- -ka ʋʋ ˈbhlea dhbho ʋʋ ˈyea nʋn ɛn. -Bho ɔ ˈyeɛ nʋn ɛnˈ, ɔ ˈyeɛ ˈcre ˈbho ˈsɛɛ- Devoir d’élève à la réunion vie chrétienne et ministère (S-89-F) ˈˈkpe ɔ ˈyʋbʋ ˈˈɲɩn.

  22. ˈDhe ˈdhɔɔ ooˈˈ ˈdhɔɔ ˈdhi ɛ, ɲankɔin- dhueˈ ˈye Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ- ɛˈ jiebhopoi -nɩn. (-Da ɲankɔʋn sea ˈˈɩ -die- ɛ, ɲankɔʋn anˈ ˈsɔɔnpoi- nɩan ɛɛˈ ka ˈbhɛɛˈ ɔ ˈyeɛ -nɩn.) Ɔmɔn- -deeghwlu -e dhebhɔɔghwlu aˈ dɩ -nɩn ˈe ˈkwa. Ɔ ˈbhɛɛˈ ɔ -nɩn ɲʋn ˈye dhɛtosʋn anˈ videe aˈ dɩ ˈtmʋn. -Bho ɲɔn ˈbhle bo -aeˈˈ ɔ ˈye dhɛ to ɛˈ, ɔmɔn- ˈyeɔ ˈdha ˈbho ˈˈkpa ˈˈkpe. -Bho ɲankɔʋn se ˈˈɩ -die- ɛˈ, ɔ ˈbhɛɛˈ ɔ ˈye dhbho -ˈnɩɩn nʋn ˈdhe ˈˈdhruigbooɛ- -ˈnɛn ˈmʋn. -Bho ɲɔn gwɛ ɔɔˈ dhbhoˈˈ ɛˈ, dɩ ɔɔ ˈtmʋan ˈye ˈˈjhriikʋan. Ɲankɔʋn- anˈ kpɔ ˈye tɔˈinaan- -kajɔɔnka -wɛeˈ ɲɔn ˈbhɛɛa -ɔ ˈyea ɔɔˈ dhbho tu nʋn ɛn, ʋʋ ˈyeɔ ˈo -za. Ɲankɔʋn- ʋa muan ˈo -za a, ɲʋn ˈyʋbʋ ˈˈɩ zian- ˈdhɔɔ ooˈˈ ˈdhɔɔ. Ɲɔnsoagbi -ˈnɩɩn ˈdhii ɛ, Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ- ɛˈ ˈˈjhriɛbhodui ˈbhɛɛˈ ɔ ˈye ˈˈdhruigbooɛ- ɛˈ jiebhopoi -nɩn kpɛ -duuˈˈ ɛ ˈye ɲankɔʋn ɲʋn -za ˈo -zii. -Bho ɲankɔin ˈbhɛɛˈ ɔ ˈye ɲɔnsoagbu aˈ Biiblʋ ˈcɩan- jie bho po ɛˈ, -ˈmɛn ɔ ˈbhɛɛˈ ɔ ˈye ˈˈdhruigbooɛ- ɛˈ jiebhopoi- -nɩn. Aʋaˈ ˈˈmae -dhe, dhbho ˈˈdhruigbooɛ- ɛˈ jiebhopoi ˈbhlea ɔmɔn -nɩn ɔ ˈye klainˈˈ -ɲnun -mɩɩnˈˈ dɩ bho po ˈˈdhe ɔ ˈyʋbʋ ˈsrɩn ˈˈdu ˈdhe dɩkman- ˈmʋn. ˈˈDhruigbooɛ- ɛˈ jiebhopoi ˈye ˈe ˈkpɩ po -wɛeˈ ˈˈdhruigbooɛ- ɛˈ klɛɛ ˈye jha -gwɛ ˈdhe nɔnˈˈ ˈdhi. (-Ŋmʋn ˈe  kpɔ ɔˈ 14 -e  17 ˈdhi.) -Bho -deɩn -nɩn ˈo ˈˈkpa ˈˈkpe ɛˈ, ɲʋn ˈbhɛɛˈ ɲʋn ˈye miklo ˈbhlea bhɩ i -ɲnaan ˈbho ˈˈkpa ˈˈkpe -wɛeˈ ɔ ˈye ɲʋn ˈdha ˈbho ɔ ˈˈjhibha. -Bho ˈˈdhruigbooɛ- ɛˈ jiebhopoi- ˈbɔn ɔnˈ, ɔ ˈbhɛɛˈ ɔ ˈye i -de ˈbho ˈˈkpa ˈˈkpe -wɛeˈ ɔ ˈye -klainˈˈ -ɲnun -mɩɩnˈˈ -ʋa- zroa dhɛ ˈdhii -aeˈˈ -ʋa- toa dhɛ -dheinˈˈ bho po.

   23. -Bho ɛ ˈbhɛɛˈ ɛ ˈye -nʋɛn ɛnˈ, ɲankɔin- jhibha ɲʋndhɛtɔɔn ka -mɔn ˈye ɲʋnsrɩndui ɔˈ ˈsɔɔn nɔn -nɩn. -Bho ɛ -nmɔn ˈo i ɛˈ, ɔmɔn- ˈye ɲankɔʋn -e ɲankɔʋn anˈ ˈsɔɔnpoʋn- -an tɔɔan ɲʋn dhɛ ˈsrɩn ˈˈdu -bho ʋʋ -nɩn ɔn -nɩn ˈsɔɔn. -Bho ʋʋ nʋn dhbho ˈdhe Kletiɛn ɛnˈ ˈkmʋn -e ɔɔˈ -bobhladhbho ɛˈ ˈˈdhruigbooɛ ˈmʋn, -bho ʋʋ bhla bo, -bho ʋʋ po Ɲʋndheifuoi- ɔˈ -deɩn jie bho, -bho ʋʋ po ɲɔnsoagbu aˈ Biiblʋ ˈcɩan- jie bho -aeˈˈ -bho ɲɔn zro ˈcɩaandhɩ aˈ kpɛ ˈdhii ɛˈ, ɔmɔn- ˈbhle ʋbʋ aˈ ˈsrɩn ˈˈduɛ. (-Ŋmʋn ˈe  kpɔ ɔˈ 17 ˈdhi.) -Bho ɲankɔʋn- anˈ -da -duuˈˈ jhibho- ɲʋndhɛtɔɔɛn- ɛnˈ, ɲʋn ˈbhɛɛˈ ɲʋn ˈye ɲʋnsrɩndui ɔˈ ˈsɔɔn ˈˈɩ zian- ˈdhe zʋn ooˈˈ zʋn ˈdhi. Ɛ se jheejhee ɔ ˈye ɲʋn -an nʋan dhbho ˈsrɩn ˈˈdu -nɩn.

 24. -Bho klainˈˈ -ɲnun -mɩɩnˈˈ -diˈˈ ɛˈ, ɲɔnsoagbu ˈbhɛɛˈ ʋn ˈye -ˈˈklaingbu aˈ ˈsɔɔn nʋn nʋn. -ˈˈKlaingbu aˈ ˈsɔɔn nʋn ˈye ɲʋnsrɩndui- -ɔ nɩan ɛɛˈ ka ˈbhle, -bho ɛ -nɩn ɲankɔin ɛnˈ, ɛ -nmɔn ˈˈjhrii. -Bho ɛ seɛ -nɩn ɛnˈ, ɲankɔʋn- anˈ ˈsɔɔnpoi nɩan ɛɛˈ ka ˈbhɛɛˈ ɔ ˈyeɛ -nɩn. Ɲʋn ˈyea ɛɛˈ dhbho tu nʋn -aeˈˈ -ʋʋ ˈyea ˈo bha -za a, ɲankɔʋn- anˈ kpɔ ˈye ˈo ʋbʋ -za. ˈSrɩn nɩan ˈdhe  kpɔ ɔˈ 16 ˈdhi ɛ, ɩmɩn- ɲʋnsrɩndui ˈye ˈˈjhriɛ ˈˈdu. -Bho ˈˈdhruigbooɛ- ɛˈ ˈfɔ -A ˈbɔn ˈˈghwlii nɩan ˈe Ɲɔnsoa aˈ ghwlu ˈdhii -gwɛ ˈo ɛˈ, klainˈˈ -ɲnun -mɩɩnˈˈ nɩan ˈdhe -ˈˈklaingbu aˈ ˈsɔɔn nʋn ˈdhi ˈye ˈe mun. -Bho ˈˈdhruigbooɛ- ɛˈ ˈfɔ nɩan kpʋn ˈe -manˈ -bobhladhbho ˈˈjhri -gwɛ ˈo -wɛeˈ ʋʋ ˈye dhe jhi. -Bho ɲʋn ˈye video ɔˈ dɩ ˈtmʋn ɛnˈ, -klainˈˈ -ɲnun -mɩɩnˈˈ nɩan ˈdhe -klaingbu aˈ ˈsɔɔn nʋn ˈdhi ˈye i -de ˈdhe ʋaˈ -ˈˈklaingbu ˈdhi ˈˈdhe ʋʋ ˈyeɔ -dheinˈˈ bho po. -Bho ɛ seɛ -nɩn ɛnˈ, ɲʋnsrɩndui ˈyʋbʋ video ˈˈɩ -to ˈbho aparɛɩ ˈˈkpe.

 25. Ɲʋn poɛ videe kpɔˈˈ ˈˈdhruigbooɛ- -ˈnɛn ɛnˈ dɩ ɲʋn ˈye i ˈjhe. ˈˈDhruigbooɛ- -ˈnɛn ɛnˈ videe a muɛn ˈbho JW Library® ˈˈkpe -nɩn. Ɲʋn ˈbhɛɛˈ ɲʋn ˈyɩ i ˈjhe ˈbho aparɛɩ aˈ kpɛ -duuˈˈ ˈˈkpe. -Bho ɲʋn ˈjhe videe -ˈnɩn in ˈdhe ˈˈdhruigbooɛ- -ˈnɛn ˈmʋn ɛnˈ, ɲʋn ˈbhɛɛˈ ɲʋn ˈye dhɛtosʋn anˈ videe -ˈnɩɩn i ˈjhe ˈdhe -bobhladhbho ɔˈ ˈˈdhruigbooɛ ˈmʋn.