AMAZIMA agakwete alibiai? Agakwete abibazo ebyomugasho ebya abantu balayebalizeo. Naiwe wakushanga wayebalize ebibazo nkebi:

• Isi, Mungu atwetaileho?

• Isi, endashana n’okushasa bilihwao?

• Katulikufa nituba tutai?

• Isi, aliyo eshubi yonayona abafire?

• Nshabe ntai Mungu abase kumpuliliza?

• Nakukolaki mbase kugira ebyera omumikalile?

Olaiga nkaa empororo eyebibazo ebyo? Kolikugya mbali balikuguza ebitabo, nobasa kubona ebitabo bingi ebilikwolekya ngu kuhorora ebibazo ebyo. Kyonka akanya kangi noshanga ekitabo kimoi nikihabangana nekindi. Ebitabo ebindi nibizoka kugasha omukanya akandi kyonka akanya ako kakali kuhingura nibiba bitakigasha nikizoka bihindurwe.

Kyonka, aliyo ekitabo kimoi ekina emihororele eli kwesigwa. Nekitabo ky’amazima. Yesu Kristo akagamba: “Ekigambo kyawe gaba mazima.” (Yohana 17:17) Kanya aka Ekigambo ekyo nikyetwa Ebibulia. Omumpapuro ezilikuhondelaho olabona Ebibulia okwo eli kuhorora omumazima ebibazo ebyo.

ENSHONGA EYOKUBAZA EKIBAZO EKYO: Nitutula omunsi eijwile abantu abakuutu na bataina mazima. Edini zingi nizegesa ziti obushasi obwotwinabwo ngonzi za Mungu.

EBIBULIA NEYEGES’ETI: Mungu talikuleta bubi na kati. Yobu 34:10 negamba: “Nikikabure Ruhanga kukora ebitalikuragirwa, Rushoborabyona kukora kubi.” Mungu aina omugendelero ogwengonzi omubantu. Niyonshonga Yesu akatwegesa tushabe tuti: “Isheichwe asingiire omwiguru, . . . Obukama bwawe bwije, eby’ogonza bikorwe omunsi nk’omwiguru.” (Matayo 6:9, 10) Mungu atwetaileo mpaka akakola kyona kyona ekigendelero kya wenene kibase kugobesherezibwa.—Yohana 3:16.

Wakushuba oleba Embandizo 1:26-28; Yakobo 1:13; na 1 Petero 5:6, 7.

ENSHONGA EYOKUBAZA EKIBAZO EKYO: Endashana nizigendelela kwita abantu bangi muno. Ichwe chwena netujuna katuli kubona abantu nibashasha.

EBIBULIA NEYEGES’ETI: Mungu naranga akanya ako alaleta emilembe omunsi yona. Omubukama bwa wenene, obutwazi bwo mwiguru, abantu “tibalyega ndashana rundi.” Shana, “embanda zabo tuliziheshamu enfuka.” (Isaya 2:4) Mungu naija kuihyamu okuburwa kwa mazima n’obushasi bwona. Ebibulia nelaganisa eti: “[Ruhanga] abaragaze amalira gona omu maisho, rufu achweke, talibaho rundi kuchura anga kulira anga kushasha, aha rw’okuba ebya karai [ebikwete obushasi, okuburwa amazima ebili omunsi kanya aka] biliba bihoireho.”—Okushurulirwa 21:3, 4.

Wakushuba oleba Ezaburi 37:10, 11; 46:9; na Mika 4:1-4.

ENSHONGA EYOKUBAZA EKIBAZO EKYO: Edini zingi ezili omunsi nizegesa nk’okwo aliyo ekintu ekitalikufa omunda y’omuntu ekilikugendelela kutura omuntu kayafire. Abantu abandi nibagamba bati abafire nibabasa kushasa abantu abali kurola, anga Mungu nabonabon’ya ababi omukubalamura bashashe eirai lyona omumulilo.

EBIBULIA NEYEGES’ETI: Abantu olwo balikufa tibali kugendelela kurola. Mwegesa 9:5 negamba eti: “Abafire tibakimanya.” Orwenshonga abafire tibakimanya, tibakiulila, anga kubona kyona kyona, tibali kubasa kushasa abalikurola.—Ezaburi 146:3, 4.

Wakushuba oleba Embandizo 3:19 na Mwegesa 9:6, 10.

ENSHONGA EYOKUBAZA EKIBAZO EKYO: Nitwenda kurora mara nitwenda kushemererwa oburola amoi nabalinya abotulikwenda. Ti kintu kyakushobeza kwenda kubona orundi abantu baitu abafire.

EBIBULIA NEYEGES’ETI: Abantu bangi abafire nibaija kuhiburwa. Yesu akaraganisa nk’okwo “abali omu bituro . . . bakahimbuka.” (Yohana 5:28, 29) Nk’okwo omugendelelo gwa Mungu guli kurug’embandizo abantu abalahimburwa nibaija kubona obubelwa bwo kutura omuparadiso. (Luka 23:43) Abantu abaina omuhulilo abalatura omukanya ako akaraganisibwe balagira emilalile mirungi mara balabona oburola obutali haga. Ebibulia negamb’eti: “Abagorogoki balilya ensi, bagituremu eirai lyona.”—Ezaburi 37:29.

Wakushuba oleba Yobu 14:14, 15; Luka 7:11-17; Ebikorwa 24:15.

ENSHONGA EYOKUBAZA EKIBAZO EKYO: Abantu bangi omudini zabo nibashaba. Kyonka, nibabona enshara zabo tilizikuhororwa.

EBIBULIA NEYEGES’ETI: Yesu akatwegesa tutaba nitushaba nitugarukamu bigambo byonene byonene omunshara zaitu. Akagamba, “Kandi omukushoma enshara, mutalikanyisa bigambo.” (Matayo 6:7) Katulaba nitwenda Mungu kauliliza enshara zaitu kitusaine tushabe omumuhanda ogwo alikwikiliza. Twakubasa kukola tutyo, katulayega kushaba omumihanda eyo alikwetaga. Tubase kukola tutyo nitwetagwa kwega engonzi za Mungu n’okushaba okwo alikwetaga. Eiandiko lya 1 Yohana 5:14 niligamba: “Kyona kyona ekyo turamushaba kuhondera okwo [Ruhanga] alikwenga aratuhulira.”

Wakushuba oleba Ezaburi 65:2; Yohana 14:6, 14; na 1 Yohana 3:22.

ENSHONGA EYOKUBAZA EKIBAZO EKYO: Abantu bangi nibatekeleza bati wakushaba kugira amashemererwa orwenshonga y’empiya, ekitinwa, anga kugira obubili burungi. Kityo, nibekaza muno kubona ebintu ebyo, kyonka tibaina mashemererwa.

EBIBULIA NEYEGES’ETI: Yesu akolekya okwo twakugira amashemererwa olwoyagambile: “Baberwa aboro omu mwoyo.” (Matayo 5:3) Nitubasa kugira amashemererwa agamazima katulagobesheleza obwetage bwaitu obu, yaani obwetage bwo omwoyo obwo kumanya amazima agakwete ali Mungu n’omugendelero gwa wenene ahalichwe. Amazima ago nigazoka omuBibulia. Okumanya amazima ago nikubasa kutujuna kumanya ebintu by’omugasho n’ebitaina mugasho. Nitubasa kugira emikalile eina omugendelelo katulaikiliza amazima g’Ebibulia gebembele oburamuzi bwe bikorwa byaitu.—Luka 11:28.

Wakushuba oleba Emigani 3:5, 6, 13-18 na 1 Timoteo 6:9, 10.

 Twafumorao omubigufi empororo y’Ebibulia omubibazo mukaga. Isi, wakwenzile kumanya bingi muno? Koraba iwe oli omoiyo omuli balinya “aboro omu mwoyo,” nikizoka nk’okwo olikwenda kumanya bingi muno. Shana wakuba noyebaza ebibazo ebindi nkebi: ‘Mungu karaba atwetaileo, kubaki ajubwile abantu kabashasha n’ebibi bingi muno omukanya karai? Na kukoraki kugira emikalile omukayange ebe mirungi muno?’ Ebibulia nehororage ebibazo ebindi

Kyonka, abantu bangi kanya aka mbanga kwega Ebibulia. Nibabona nk’okwo Ebibulia kitabo kihango muno ikinamu ebintu eilikuguma kumanyika. Isi, wakwenzire kujunwa kumanya empororo z’Ebibulia? Abajulizi ba Yehova nibabasa kukujuna omumihanda ebili.

Obujuni bwa mbele, ekitabo Ebibulia Netwegesaki? kichapishibwe kujuna abantu bangi abaina emilimo mingi babase kubona empororo nungi y’Ebibulia omubibazo birungi ebyolikwebaza. Obujuni bwa kabili ni kwega Ebibulia busha omwawe. Omujulizi wa Yehova ali hai naiwe yakubasa kukukyalila omwawe anga ahandi ahali kukugasha nokwega naiwe omukanya kagufi buli wiki. Embaga y’abantu omunsi zona baboine omugasho omukukola batyo. Bangi nibagamba bati omukushanduka: “Nabona amazima!”

Taliyo kintu kindi ekin’omugasho kushaga okumanya amazima. Amazima nigatwiya bubohe abikwete endagu, akakurungutano, no butini obutalikugasha. Nigatua eshubi na amashemererwa. Yesu akagamba: “Muramanya amazima, mara amazima ago garabaha obwegeleere.”—Yohana 8:32.