Sugod sang 1953, ginapriso ang pamatan-on nga mga brother sa South Korea bangod indi sila magsoldado. Sa kabilugan, sobra na 19,000 ka mga brother ang wala nagkompromiso sang ila pagtuo. Kag kon sumahon, 36,000 ka tuig ang gintener sa prisuhan sining mga brother. Pero sang Pebrero 28, 2019, ginpagua na sa prisuhan ang naulihi sa napriso nga mga brother. Ano nga mga hitabo ang nangin rason kon ngaa ginpagua sila sa prisuhan? Hibaluon naton ang istorya sang mabakod nga pagtuo kag kaisog nga ginpakita sang aton mga brother sa South Korea.