Yav tas los Yehauvas cov tibneeg ua tau tej yam uas lawv xav tias lawv ua tsis tau vim yog muaj Yehauvas pab. Nyob rau xyoo 1954, Yehauvas lub koom haum yees tau ib zaj yeeb yaj kiab hu ua Lub Koom Haum Kev Dhia Num. Thaum ntawd cov uas nyob hauv Npe-ee twb tsis tau paub yees yeeb yaj kiab hlo li, tiamsis vim muaj Yehauvas lub hwj huam pab, lawv thiaj ua tau tes haujlwm ntawd tiav. Qhov no pab peb pom tias yog peb tso siab rau Yehauvas ces peb yeej ua tau txhua yam uas Yehauvas txib kom peb ua.​—Xakhaliyas 4:6.

SAIB ZAJ YEEB YAJ KIAB THAUM YEES ZAJ “LUB KOOM HAUM KEV DHIA NUM,” TOM QAB SAIB TAG TEB COV LUS NUG NO:

• Vim li cas cov kwvtij thiaj txiav txim siab yees ib zaj yeeb yaj kiab txog lub koom haum?

• Zaj yeeb yaj kiab no qhia li cas tias Npe-ee zoo li ib lub cev?​—1 Kauleethaus 12:14-20

• Thaum yees zaj yeeb yaj kiab no cov kwvtij ntsib tej yam twg, thiab ua li cas lawv thiaj yees tiav?

• Zaj no qhia peb li cas txog Yehauvas lub hwj huam dawb huv?