Daim Ntawv Xov Xwm 36

Lub Tim Txhiab Xyoo Tshiab​—Lub Neej Pemsuab Yuav Muaj rau Koj Licas?

 Lub Tim Txhiab Xyoo Tshiab​—Kev Kajlug Ntawm Iblub Caij Tshiab Lod?

THAUM ibtaghmo tim 31, lub 12 hlis, xyoo 1999, tiam 20 txheej pua xyoo tau los xaus. * Nws tau yog ibtxheej pua xyoo haistias tau pom kev ua ntxeev ua nphau heev kawgli. Tiamsis nws los yeej pom qhov kev kaj rau ntawd tej twj txujci tshiab, vammeej ntau heev rau kev kho mob, ibqho kev xaxov tawg ri ntau ntau, thiab kev lagluam hlob saisai thoobplaws hauv ntiajteb. Lub tim txhiab xyoo tshiab ces thiajli tau muaj ntau leej ntau tus losmus tos tamli iblub cim ntawm kev vamkhom thiab hloov. Uali tejzaum nws puas yuav pom xaus ntawm kev tsovrog, pluag, paug qias ibpuag ncig, thiab mob nkeeg?

Ntau leej los vamli thiab. Tiamsis nws puas muaj xwsli uas haistias lub tim txhiab xyoo tshiab yuav tsim kom muaj cov kev hloov uas zoo los pab rau koj​—cov kev hloov haistias ceev thiab thaiv tau txojsia rau koj thiab koj yimneeg? Ua tibzoo saib qhov pom davdav ntawm obpeb qho teebmeem peb ntsib.

Kev Paug Qias

Cov av vammeej yog cov “ua ibpuag ncig piam mus thoobplaws ntiajteb thiab paug qias mus txhua chaw thiab ua kev covnyom rau txeejtxeem muaj sia tag.” Yog cia tus xyw nimno musli, “tej tojroob ibpuag ncig yuav raug tsub kev kub ntxov mus.”​—“Pom Thoobplaws Ntiajteb Ibpuag Ncig Mus​—2000” (Lus Askiv xwb), United Nations Environment Programme.

Kev Mob Nkeeg

“Txog rau xyoo 2020, hauv thaj chaw vammej yeej yuav paub txhua tag ntawm cov kab mob tsis txawj kis rau xya leej tawm losntawm kaum leej tuag, piv tau nrogli tsawg dua ib nrab nimno.”​—“Thoobplaws Ntiajteb Lub Nra Kab Mob” (Lus Askiv xwb), Harvard University Press, 1996.

Ibtxhia kws txawjntse khom haistias “txog xyoo 2010, tsawg dua 66 plhom tus tibneeg [tseem muaj sia] nyob hauv 23 lub tebchaws uas raug cov kab mob UAV [AIDS] ntau tshajplaws.”​—“Sib Tawmtsam Nrog UAV: Qhov Puavpheej Ntawm lub Qab Ntuj Vammeej” (Lus Askiv xwb), ibtsab ntawv lis xwm ntawm European Commission thiab lub World Bank.

Kev Pluag

“Zeli 1.3 txhiab plhom tus tibneeg ua neej nyob rau tsawg dua ib dauslas rau ib hnub, thiab ze txogli 1 txhiab plhom tus nrhiav tsis ncav txog zaubmov sawvdaws yuav ntxwj.”​—“Tibneeg Kev Vammeej Tsab Ntawv Lis Xwm 1999” (Lus Askiv xwb), United Nations Development Programme.

Kev Tsovrog

“Kev tsiv tsaim heev nyobhauv [tej thaj av] tejzaum yuav muaj peevxwm nce mus txog rau qib tsis tau pom duali. Xeeb losntawm tej haiv, tej pwbpab, thiab [tej pawg] neeg ntseeg, . . . kom kev tsiv tsaim no yuav sawv ua . . . ib hom niaj zaus tsis sibhaum mus ntxiv lawmli plaub feem pua xyoo . . . , yuav tua tej xyoo mus tuagli tsheej qas puapua txhiab leejneeg.”​—“Qab Ntuj Tshiab Yuav Los: Amelikas Kev Nyabxeeb Hauv lub Tiam 21 Txheej Pua” (Lus Askiv xwb), U.S. Commission on National Security/21st Century.

Qhov sawvdaws ua suab nrov thiab siab kub vim losntawm lub tim txhiab xyoo tshiab thiajli ntis qhov tseeb haistias kev ua paug qias, mob nkeeg, pluag, thiab ua tsovrog pom los ze tshaj dua ntais lilawm. Lub hauvpaus ntawm cov teebmeem no mas yog qhov vumloj, tsis sibntseeg, thiab kev qiadub​—cov xeebceem uas tsis muaj peevxwm yuav tshem tau yoojyim losntawm kev sim ntawm cov kws tshawbtxuj, kev twj txujci, lossis kev lisfai nroog.

 Lub Tim Txhiab Xyoo Uas Yuav Muab Koobhmoo Rau Noobneej

Ibtug kws ntawv thaum ub muaj ibzaug pom lino: “Tsis muaj ib tug neeg twg tswj tau tej xwm tomntej. Tsis yog tibneeg tug uas nws twb tsis paub nrhais nruam.” (Yelemis 10:23, NW *) Tibneeg tsis yog tsis muaj peevxwm txaus xwb tiamsis ibyamli thiab tsis muaj cai los kav lub ntiajteb. Peb Tus Kws Tsim, Vajtswv Yehauvas, tus kheej thiajli muaj cai thiab txawj-paub qhov losmus daws noobneej tej teebmeem.​—Loos 11:33-36; Tshwm Sim 4:11.

Tiamsis thaumtwg? Ualicas? Qhov puavpheej haistias peb nyob zeze ntu xaus ntawm “lub caij kawg” yog qhov nyhav tshajplawsli. Thov koj qhib Phau Vajlugkub, es nyeem 2 Timautes 3:1-5. Nws piav txog meejmeej tej cwjpwm xeebceem haistias tej neeg samsim coj rau tej “ntu kub ntxhov.” Mathais 24:3-14 thiab Lukas 21:10, 11 kuj piav txog “lub caij kawg.” Qhov ntawd taw mus rau tej xwm qhovmuag pom haistias tau sawv muaj txij puagthaum xyoo 1914 los, yam li tsovrog thoobplaws ntiajteb, cov kabmob nkeeg, thiab kev tu ncua pluas noj nrha ri txhua chaw.

Saisai “lub caij kawg” yeej yuav xaus. Danias 2:44 (NW ) haistias: “Vajtswv tus uas kav saum qaum ntuj yuav tsa ib lub nceeg vaj tsis muaj leejtwg yuav kov yeej. . . . Nws yuav rhuav tej nceeg vaj [hauv ntiajteb] uas sawv vajntxwv kav kom puastsuaj tagnrho huv tibsi, tiamsis nws tus kheej yuav nyob mus ib txhis.” Yog lintawd nws tau qhia tawm haistias Vajtswv yeej yuav tsa kom muaj lub Nceeg Vaj, lossis tseemfwv, los kav lub ntiajteb. Rawsli Tshwm Sim 20:4, tus tseemfwv no yuav kav mus rau ib txhiab xyoo​—ib tim txhiab xyoo! Lam ua tibzoo losmus saib tej nyob noj haus haistias yuav zoo zog tuaj rau tagnrho noobneej hauv thaum Tim Txhiab Xyoo ntsa iab lug:

Kev Noj Haus. “Tej neeg uas ua vaj ua tsev, lawv yeej yuav tau nyob hauv tej tsev ntawd, tsis yog lwm tus yuav los nyob. Lawv yuav ua vaj txivhmab thiab lawv yeej yuav tau haus tej kua cawv txivhmab, tsis yog lwm tus yuav los haus.”​—Yaxayas 65:21, 22.

Kev Zoo Neej. “Cov neeg digmuag yuav pom kev, cov neeg lag ntseg yuav hnov lus. Cov neeg sav ceg yuav sawv dhia cus plaws, thiab cov neeg hais tsis tau lus yuav qw zoo siab luag li ntxhi.” “Tsis muaj ibtug twg nroo haistias, ‘nws muaj mob.’”​—Yaxayas 33:24; 35:5, 6.

Ibpuag Ncig. Vajtswv yuav “ua rau cov neeg uas ua rau lub ntiajteb no puastsuaj, lawv puastsuaj mus.”​—Tshwm Sim 11:18.

Tibneeg Kev Haumxeeb. “Tsis muaj kev txhawj xeeb lossis kev phem kev qias tagnhro hauv kuv lub roob dawb huv; vim ntiajteb tsuas pom muaj tej neeg paub Yehauvas nyob txhua txhia qhov.”​—Yaxayas 11:9, “NW.”

Txhiab txhiab tus muaj kev ntseeg rau Vajlugkub cov lug cog tseg ces thiajli muaj cia siab ntseeg pom lawm pemsuab tiag. Rawsli qho kawg, lawv thiajli muaj peevxwm nyiaj tau dua lub neej no tej teebmeem thiab ntxov siab. Ualicas Phau Vajlugkub thiajli muaj peevxwm ua tau ibqho hwjchim taw kev tau rau koj lub neej?

 Kev Txawjntse Uas Coj Mus tau Txoj Sia!

Kev tshawbtxuj thiab kev twj txujci ntau zaus muaj peevxwm yog ibqho ntximsiab! Tiamsis tibneeg tej kev txawjntse hajtseem ua tsis tau lub neej kom ruaj ntseg thiab zoo kajsiab lug rau cov neeg feem coob. Tsuas yog tib qho kev txawjntse haistias muaj peevxwm ua tiav tau lino mas yog tau piav rauhauv Phau Vajlugkub ntawm Yauhas 17:3 (NW ) uas haistias: “Txojsia ntev dhawv mus ib txhis ntawd yog qhov uas neeg paub koj thiab paub hais tias, koj tib leeg yog Vajtswv thiab paub Yexus Khetos tus uas koj txib los.”

Tej kev txawjntse ntawd tsuas nrhiav tau hauv tej nplooj ntawv ntawm Phau Vajlugkub. Tabtxawm muaj ntau leej hais lus cuam tshuam nyhav txog phau ntawv hwm zoo no, tsawg leej kawg thiajli tau los tshuajntsuam nws rau lawv tuskheej. Ua koj nev? Uali los tau, yog losmus nyeem Phau Vajlugkub yuav siv zog ntau heev. Tiamsis nws tsimnyog kawg. Phau Vajlugkub thiajli yog tibphau ntawv “tshoov neeg lub siab kom neeg sau . . . qhia qhov tseeb, qhuab ntuas tus uas ua txhaum, pab tau tus uas ua txhaum rov los ua neeg ncaj ncees.”​—2 Timautes 3:16.

Ualicas, thaum no, koj thiajli muaj peevxwm ua kom koj tus kheej paub txog nrog Phau Vajlugkub? Sim lam los txais kev pab ntawm Yehauvas Cov Timkhawv seb? Lawv npaj mauj kev qhuabqhia rau txhiabtxhiab tus tibneeg tom lawv tej tsev, pubdawb. Kom losmus pab koj txog lino, lawv siv tej cov phau ntawv luam-zawj nrog Vajlugkub, yam phau meme li phau Vajtswv Xav Kom Peb Yuav Tsum Ua Dabtsi? Nws teb ncajncaj rau cov lus nug ntauntau koj muaj hais txog Phau Vajlugkub, ibyamli: Vajtswv yog leejtwg? Vajtswv lub ntsiab rau ntiajteb yog dabtsi? Vajtswv lub Nceeg Vaj yog dabtsi? Ualicas Phau Vajlugkub ho muaj peevxwm kho yimneeg lub neej?

Yog haistias koj nyiam kom ibtug Yehauvas Cov Timkhawv tuaj xyuas koj tom koj tsev, thov koj sau rau hauv daim ntawv nram no. Lawv yuav zoosiab hlo muab cov lus xo no ntxiv rau koj txog qhov lub Tim Txhiab Xyoo ntsaj iab Tswjfwm ntawm Vajtswv lub Nceeg Vaj!

□ Kuv xav tau phau ntawv meme no Vajtswv Xav Kom Peb Yuav Tsum Ua Dabtsi? Qhia ua hom lus koj nyiam

□ Thov tuaj cuag kuv txog qhov kawm Vajlugkub pub dawb tom tsev

[Cov lus hauv qab taw qhia]